1 CODINTIYO 4:10 - Wanaadi A'deddu

¹⁰ Jesuuquidiito jo’tädööje i’jeta’jödööje ñaa e’tätä soto weneeneto, änwanno mmaane quedeiyente towaanojo’na’como. Ñaa na jäduuje’da; änwanno mmaane jäduuja’como wa’cä. Soto ñaa quiiñeme’tä weneeneto, änwanno mmaane yaacö’comje.

1 CODINTIYO 4:10 Iomraidhean Croise

MATEO 24:9

“Yaawä soto ayu’ato’de amaaminchadööcomo wetä, ajaajodööcomo wetä mmaja. Tameedä soto aquiiñeme’cato’de sootoije aweichöcoomo jo’tädööje.

MATEO 5:11

“Ta’cwaiñe eijai maato änwanno soto wwäiñe adheetana’ta’comjäcä, amaamincha’comjäcä mmaja, jönaawä adheementa’comjäcä mmaja, sootoije aweichöcoomo jo’tädööje.

DUUCA 10:16

Yaawä töwö cönä’döaacä tönoowanoomadö wwäiñe: —Ñäädä adha’dedducoomo etaanei, öwö ya’deddu mmaja töneeta. Ñäädä aquiiñeme’nenaamo, öwö quiiñeme’tä mmaja. Ñäädä öwö quiiñeme’nei, yaanontänei’jödö chiiñemeecödö wa’cä mmaja na dea yää; quee cönä’döaacä Jesuuquidiito.

DUUCA 18:9

Yäätä cönä’ja’to anejjacoomo aashicha’como wääcamjödö, anejjacoomo soto chimmajä’nenaamo. Ñanno netaadöcoomoje Jesuuquidiito cöneecammajäätöi yaawä yö’seeno joi. Töwö cönä’döaacä:

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

DOSECHO 17:18

Yäätä cönä’ja’to anejjacoomo eepicuudeo wätunnäichomo jäconcomo woowanoomadö, etoico wätunnäichomo jäconcomo woowanoomadö mmaja. Ñanno cöna’deuwa’to Paudo jadä. Dhantai cönä’döa’to: —¿Aaquene nä’döaanä määdhä töwentaame’cato? quee. Anejjacoomo ’quene cönä’döa’to: —Töwö necammajä’a anejjeja’como wanaadi jäcä; quee cönä’döa’to. Tönwanno yääje cönä’döa’to Jesuuquidiito jäcä Paudo wwä ecammajäätödö e’nei, töwäämaajo jonno waadoncanä jäcä ecammajäätödö e’nei mmaja.

DOSECHO 17:32

Yaawä ñanno soto wwäiñe yäämaajo jonno waadoncanä jäcä ecammajäätödö eta’jäcä, dhantai tönwanno cönenno’jä’a’to. Anejjacoomo ’quene edääje cönä’döa’to Paudo wwä: —Aneedawä anooto awä mädä jäcä dea aneecammajäätödö ñaa neta’dede; quee.

DOSECHO 26:24

Yääje Paudo wa’deuwa’jäcä Jeetu töcä’de cöncä’tömöi: —Tö’jeta ma Paudo. Jooje owoowanoomadö ä’jeda; quee cönä’döaacä.

DOSECHO 9:16

Chäwwä weneeja’de jääcäinchädä yäntunaanö’tojo; quee cönä’döaacä Cajiichaana Jesuuquidiito Aananía wwä.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 1:23

Yääje yeichaame ñaa töneecammajä’e weneene Quidiito, ñäädä cuduusa jäcoono wääma’jödö. Yää ecammajäätödö na judhío cone’da yä’döjooto’comooje, judhíojöncomo wwäiñe ’quene na i’jeta’jödö nönge.

1 CODINTIYO 1:25

Yää Wanaadi ’jedööje töne’tä weneenetoodö soto sejjedö e’jodhe’cä na; jäduuje’da Wanaadi weichö töne’tä weneenetoodö mmaja soto jäduudu e’jodhe’cä na dea.

1 CODINTIYO 10:12

Yääje yeijäcä ñäädä jäduujato tö’tadö towaadäädä nei’ñojo, e’ducca’no.

1 CODINTIYO 2:14

Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

1 CODINTIYO 2:3

Adhantawäiñe wä’jaaquene jäduuje weiyancädä’da, saadöje tätä’nönnäje mmaane.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

1 CODINTIYO 3:2

Sö’jato que’da odhoowanoomatäiñe töweiye wä’jaaquene, shuushu que shiichu’cä ewanshinchädö töweiye naichöje, äwanshi ñeene que’da, sö’jato etaajai’cha awei’jocoomo weijäcä. Yä’jödöödä maato, yää etaajai’cha dea,

1 CODINTIYO 4:8

Chäänönge jaiño maato dea eduuwä; tameedaasa äwwäiñe töweiye na. Cajiichaana wa’cä maato eduuwa; ñaa mmaane ema’jödööje ñaa mödööato. Cajiichaanaje mmädääne awei’sheiñe wa, cajiichaanaje weiñä ajaadäiñe ñaa onoonejaiyede yaawä.

2 CODINTIYO 10:10

Edääje dhantai jääcä töwä’döe määnetääne: “Immennädö weneene cone’da döjootä, jäduuje mmaja. Töwö jaiñoone jäduuje’da, dötä’da mmaja ñeecammajäätödö;” quee.

2 CODINTIYO 11:19

Towaanojo’ne jaiño maatoode; ¿aashicha mma jönca i’jeta’jödö töneeta määnetääne?

2 CODINTIYO 11:29

¿Wentumje jönca ijääduque’ajä töneene wäänene? ¿Cone’da jönca töwä’döjo wäänene shaadijannä’caajä töweiye yeichawä?

2 CODINTIYO 13:9

Yääje yeijäcä cone’da ännö’da ñaa na jäduuje’da töweichö, jäduuje dea aweiya’comjäcä änwanno. Wanaadi wwä wa’deunäje dea ñaa na’de chäänönge jeene äwä’dödööcomo wetä.

2 CODINTIYO 4:12

Mädääje na; töwäämatoojojaato töneene ñaa weneene; änwanno mmaane aashicha weiñä daja töneene määnetääne.

2 CODINTIYO 6:8

Aneedawä aashicha ñaa dötä soto weneeneto, aneedawä ’quene ñaa tu’de’tätä; aneedawä aashicha ñaa jäcä töwa’deuwe weneeneto, aneedawä ’quene cone’da. Aneedawä äncu’tännamooje ñaa e’tätä weneeneto, aneedawä chäänönga’comooje.

1 TEESADOONISENSE 4:8

Yääje yeijäcä ñäädä edä wä’wätuujanä chiiñeme’nei, soto a’deddujöönö nichiiñeme’ca, Wanaadi a’dedduune, ñäädä Epíiditu Santo u’nei’jödö cöwwäiñe.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.