1 CODINTIYO 3:8 - Wanaadi A'deddu

⁸ Äänönge naato ñaatö’tänei’jödö acä töjöönei’jödö; chääwaadäiñe chääje’jödö nä’tua’de chaadawaajuichomo’jödö ’cäwa’cä mma.

1 CODINTIYO 3:8 Iomraidhean Croise

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

DUUCA 19:19

Ñäädä wwä mmaja ñäädä Cajiichaana cönä’döa’dea: “Amäädä ma’de ijaatoodea jata edhaajäje;” quee.

DOMAANO 2:6

Yaawä töwö soto nejeemaato’de iiñö’jocoomo nönge.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

1 CODINTIYO 3:14

Yää maa amääajä ätucca’da yeiya’jäcä, töweiye na’de amäänei’jödö eje’jödö.

1 CODINTIYO 3:7

Yääje yeijäcä ñaatö’tänei’jödö o’jodhe’da na, töjöönei’jödö o’jodhe’da mmaja; Wanaadi mmaane o’jodhe na, iiñejencanei’jödööje yeijäcä.

1 CODINTIYO 3:9

Ääjimmäje ñaa na Wanaadi tadaawaajui tödöödö jäcä; änwanno ’quene chaadawaajui’jödööje maato, soto naudädö töweiye naichöje. Wanaadi äjääcäiñe netaadawa’caja, maa amäänei tönaamä töweiye naichöje.

1 CODINTIYO 4:15

Quidiito jäcä amoojadä miide odhoowanoomannamo eijai yeichaame, tooni mma oomotoncomo na; öwö oomotoncomooje wa Jesuuquidiito jäcäinchädä, äwwäiñe aashichaato wätunnä ecammajäätö’jödö weijäcä öwwä.

1 CODINTIYO 9:7

¿Änääcö ca suddauje töweiye nai töwö dea töwaichadö adöödö ejeemancädä? ¿Änääcö ca töwwä audaajä aichö’jödö weichaame yää ’jeje änäu’cwa’da töweiye nai? ¿Änääcö ca oweeja töneedai’chä nai imaanatöödö eccudu engancädä’da?

CAADATA 6:4

Awaadäiñe ätämmencajai maato ännödööcomo jäcä; yaawä chäänönge äwäädanta’comjäcä ta’cwaiñe eijai maato ännödööcomo jäcä, ajimmotoncomo nödöödö jäcä’daane.

CAADATA 6:5

Cöwaadäiñe töweiye na cönaadädööcomo.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

1 PEEDHODO 5:4

Yaawä, ñäädä Ädai’chänei ñeene wääneja’jäcä, äwwäiñe nu’a’de aashichaato adheeje’jocoomoje, jemi yu’tacoi töweiye naichö nönge’da.

2 JUAN 1:8

Äädai’chätääcä, äncana’cadööcomo mma manennanö’cato’no, yä’jödöödääne adheeje’jocoomo eiye.

APOOCADIISI 2:23

Iiñacoomo mmaja wöja’aato’de. Tameedä quedeiyentecoomo dhowaanäcäiñe na’de yaawä soto tö’tajäätödö jadä’jödöödä tönemmenca weichö, chääwanööcomo mmaja. Awaadäiñe maneejemaato’de ännödööcomo woije.

APOOCADIISI 22:12

—Eduuwa mma wöta adöiña, neejemaatojo dha’me, soto ejeemadööcomo wetä chääwaadäiñe, iiñö’jocoomo nönge.