1 CODINTIYO 3:5 - Wanaadi A'deddu

⁵ ¿Änääcö ñäädä Paudo? ¿Änääcö ñäädä Apoodo? Wanaadi anoonöje mma ñaa na; ñaa joi mecaanö’täne änwanno. Töwaadäi ñaa cönnöi Cajiichaana nutuudu tötaadawaajui.

1 CODINTIYO 3:5 Iomraidhean Croise

MATEO 25:15

Awa’deeto wwä cuntui ijaatoodea miide jödaata. Yeichacoono wwä cuntui aacä miide jödaata. Anejja wwä cuntui tooni miide jödaata, chääwaadäiñe towaanojo’ne yeichöcoomo woije dea. Aneiñaja cöntämä yaawä.

DUUCA 1:2

Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe.

JUAN 3:27

Yaawä Juan cönä’döaacä chäwwäiñe: —Töweichojo Wanaadi nutuudu mma tödöödö toweiye nai.

DOSECHO 18:24

Yääje mma yaawä judhío cönä’döi Eujeeso ña, Apoodoje chäätö, Aadejantidía ñano. Töwö towaanojo’ne cönä’jaacä Wanaadi a’deddu imennaajä jäcä; aashicha töneecammajä’e cönä’jaacä.

DOSECHO 19:1

Yääje mma yaawä Codinto ña Apoodo weichö Paudo cönäämannä’acä aneiñaja; töwö cönä’döi yaawä Eujeeso ña. Yäätä cöneejodöicho anejjacoomo quedeiyentecoomo.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

1 CODINTIYO 12:28

Mädääje mmaja Wanaadi cönnöi quedeiyentecoomo weicho’como: Awa’de anonta’como; yäätonno Wanaadi nutuudu woije ecammajä’nnamo; yäätonno owaanomannamo; yäätonno täneemö tödönnamo, äjiichö’tännamo mmaja, ’wa’tännamo mmaja, soto e’se’tännamo mmaja, anejja a’deucwe töwa’deuwaamo mmaja.

1 CODINTIYO 16:12

Ñäädä cöjimmotoncomo Apoodo mmaane jooje wiyäätuujaneedö’je adöiñaiñe iichädö wetä anejjacoomo quedeiyente jadäiñe. Yaawääne’ eduuwa töötä’se’da cönääcammaacä; töwö towaanäcä nöta’de.

1 CODINTIYO 3:10

Wanaadi yaanontäneedöje dea dha’deddu awa’deene wecammajä’ne äwwäiñe, towaanojo’nato wwä maa amäädawä dha’täi awa’deene tönnöe töweiye naichöje. Anejja namääa eduuwa yää neecammajäätö’jödö de’wä. Towoinchadä’daane namo’ñojo ñäädä yää de’wä amäänei.

1 CODINTIYO 3:22

Paudo, Apoodo mmaja, Peedhodo mmaja, edä nono mmaja, nudä weiñä mmaja, wäämanä mmaja, eduuwa weiñä mmaja, äcuude weiñä mmaja; tameedä äwwoncomooje na.

1 CODINTIYO 3:7

Yääje yeijäcä ñaatö’tänei’jödö o’jodhe’da na, töjöönei’jödö o’jodhe’da mmaja; Wanaadi mmaane o’jodhe na, iiñejencanei’jödööje yeijäcä.

1 CODINTIYO 9:17

Yääje yeijäcä tödö’se weichö que öwwä ecammajä’a’jäcä yeeje’jödö eneejai wa yaawä. Yaawääne’ öwö woije’daane mädääje wa, Wanaadi nödööjodö woijeene.

2 CODINTIYO 11:23

Tö’jecaato wa’deuwödö nönge ya’deuwa. ¿Jesuuquidiito anoonö ca tönwanno? Öwö cho’jodheiñe’cä, cho’jodheiñe weetadaawa’cajo’jödö weijäcä, cho’jodheiñe mmaja waataiju’jojäätö’jödö, cho’jodheiñe mmaja jedeesoje wä’döjoojätö’jödö; aneedawä töwäämaichajo wäänene dea.

2 CODINTIYO 3:3

Änwanno Quidiito nimennädö nönge maato, ñaa mmaane yää imennaajä adääjaajä adäänei’jödööje ñaa na. Yää tömennä na imennotoojo que’da. Epíiditu Santo yää imennäneije na, ñäädä Wanaadi nudooto dö’sennoto we’ajä. Täju jäcä’da yää tömennä na, adheewanööcomo jäcääne.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

2 CODINTIYO 4:1

Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

2 CODINTIYO 4:7

Mädä aashichaato ñaa wwä u’ajä na ädiiñä nono döaajä aca ewöötö’taajä töweiye naichöje, owaanäcä yeichö wetä Wanaadi jäduudu aashichaatoje yeichö, ñaa jäduuduje’daane.

2 CODINTIYO 5:18

Tameedä mädä Wanaadi woijatooje na. Töwö töjaadä ääweichacoonoje cödöötäne Quidiito ai. Ñaa tadaawaajuije cuntui töjaadä ääweichacoonoje soto tödöödöcoomo.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

2 CODINTIYO 6:4

Wanaadi anoonöje töweichö töwäänejo ñaa weneene tameedä ñaa weichö jäcä, aashicha töwääta’maminchajoodö shinchädö que, aashicha töwäntunamjödö shinchädö que mmaja, tameedä conemjönö awä mmaja,

EUJEESIYO 3:7

Yääje eijaichojöönö wa’cä weichaame töwö Wanaadi yöödöne aashichaato wätunnä ecammajä’neije, töwö töjäädudu woije.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 1:25

Öwö wa quedeiyentecoomo anoonöje, äjääcäinchädäiñe taadawaajui Wanaadi nutuudu woije, tameedä Wanaadi a’deddu ecammajäätödö wetä öwwä,

1 TIIMOTEO 1:12

Aashicha ya’deuwa Cädhaajotoncomo Jesuuquidiito wwä, ñäädä ecammajä’neije weichö wetä jäädu’tänei. Chäänönge tö’ta’jäcä chäwwä tänoonöje yeewaacane yaawä.

1 PEEDHODO 4:10

Äwaadäiñe Wanaadi nutuudu äwwäiñe naadö tödöötäcä awe’wa’toto’comooje. Wanaadi nutuudu aneejejaiñene’jödöödoto chäänönge tödöötäcä.