1 CODINTIYO 3:16 - Wanaadi A'deddu

¹⁶ ¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

1 CODINTIYO 3:16 Iomraidhean Croise

JUAN 14:17

Edä nono de’woncomo ñäädä ijummajai’cha naato, aneene’da yeichomjäcä, dhowaanäcäiñe’da yeichomjäcä mmaja. Änwanno mmaane odhoowanääcäiñe na, ajaadäiñe yeijäcä; töwö yeichöje ataacaiñe na’de.

DOMAANO 6:16

Änwanno odhoowanääcäiñe na anejja soto wwä äwä’tua’comjäcä shootoije aweichöcoomo wetä, ñäädä anoonöje eijai aweichöcoomo yaawä; imjummadö woije eijai yaawä. Mädääje mmaja änwanno; conemjönö woije aweiya’comjäcä wäämato’me noowonö’jaca. Dha’da ’quene Wanaadi woije aweiya’comjäcä chäänönge aweicho’comooje daja nejoodöja.

DOMAANO 6:3

Cönwanno wautisaaje cä’dötääne Jesuuquidiito jadä cöwä’dödööcomo wetä. Yaawä wautisaaje cöwä’dödööcomo que yääma’jödö quiichu’tätääne dea.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

DOMAANO 8:9

Änwanno mmaane ajuunucoomo woije’da maato, Epíiditu Santo woijeene, Epíiditu Santo ataacaiñe yeijäcä, ñäädä Wanaadi dö’sennoto we’ajä. Ñäädä Epíiditu Santo ’jemjönö Quidiito jadoonojöönö ñäädä.

1 CODINTIYO 3:17

Anejja wwä Wanaadi weichojo choone’ma’jäcä Wanaadi nennanö’ca’de ñäädä, tönoiñe yeijäcä Wanaadi weichojo, yää maatoodö.

1 CODINTIYO 3:9

Ääjimmäje ñaa na Wanaadi tadaawaajui tödöödö jäcä; änwanno ’quene chaadawaajui’jödööje maato, soto naudädö töweiye naichöje. Wanaadi äjääcäiñe netaadawa’caja, maa amäänei tönaamä töweiye naichöje.

1 CODINTIYO 5:6

O’jodhe chö’tajä’jai’cha maato mädä ännödööcomo jäcä. ¿Odhoowanääcäiñe’da ca’ nai yää edääje wä’dönä weneenedö: “She’caasa ummannä’cajootojo yeichaame tameedä tunummannä’ca;” quee?

1 CODINTIYO 6:16

¿Odhoowanääcäiñe jönca nai masuudui jadä yoojodööajä tooni chääjöje töwä’döe yeichöcoomo ñäädä masuudui acä? Edääje Wanaadi a’deddu imennaajä nä’döa: “Aacä töweichaameiñe tooniño nönge naato’de;” quee.

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

1 CODINTIYO 9:13

Änwanno odhoowanääcäiñe na ñanno Wanaadi weichojo tacancomo wetaadawa’cajoodö Wanaadi weichojo taca dea töwääwashinchä yeichöcoomo. Tönwanno töweetadaawa’cajo weneeneto saaquidiijiisiyo tödöödöje, saaquidiijiisiyo tödöötojo de’wä. Ñäädä dea tönänque weneeneto, saaquidiijiisiyooje u’ajä dea.

1 CODINTIYO 9:24

¿Yääje jönca töweiye nai wotoonejaanawä, tooni mma chaana’caneije, wanna yeichaameiñe töwootoneejaamo? Yääje yeijäcä chäänönge otoonejaatäcä, adheeje’jocoomo michaana’catäiye yaawä.

2 CODINTIYO 6:16

¿Aaquene mmaja Wanaadi weichojo oojodöödö deeade’ chu’taajä acä? Änwanno Wanaadi nudooto weichojooje maato. Töwö Wanaadi chea cönä’döaacä: Öwö yo’tacaiñe wa’de; chääjadäiñe wäämannä’a’de. Yaanadiiyöcoomoje wa’de; tönwanno naato’de sootoije; quee Wanaadi cönä’döaacä.

1 TIIMOTEO 3:15

numa tä’da weiya’jäcä odhoowanääcä yeichö wetä Wanaadi sotoije weiñä, yää Wanaadi nudooto ecaanö’neije weiñä. Yää Wanaadi sotoije weiñä chäänöngato a’deu a’täije na, chä’sejöije mmaja.

2 TIIMOTEO 1:14

Tädai’chääne edai’chäcä yää äwwä Wanaadi nutuudu; Epíiditu Santo ni’wa’tädö que tödööcä, ñäädä cötaacaiñe naadö.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

SANTIYAACO 4:4

Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.

1 JUAN 4:12

Wanaadi eneenei ’je’da na soto. Yääje yeichaame cöwä’jumma’comjäcä töwö cötaacaiñe na. Mädääje chäänönge cä’döaato Wanaadi jummadö jäcä.