1 CODINTIYO 3:12 - Wanaadi A'deddu

¹² Yää maa a’täi ye’wä anejja namääa oodo que, jödaata que mmaja, yaamante que mmaja; anejja ’quene namääa dee que mmädä, chuu adö que mmaja, woi che mmaja.

1 CODINTIYO 3:12 Iomraidhean Croise

DOSECHO 20:30

Änwanno adhantawäiñe dea naato’de anejjacoomo chäänöngemjöncomo ecammajä’nnamo, chäänöngatoojönööne, tösootoichomooje quedeiyentecoomo tödöödöcoomo wetä.

DOMAANO 16:17

Edääje wä’dö’se wa äwwäiñe jimmä: Odhoowadäädäiñe tödöötäcä ñanno tönwannoje dea quedeiyente chu’de’tojonnamo, ñanno odhoowanooma’jocoomo juntaca asaadijannä’ca’sa’como. Ä’sancwatääcä ñanno jonnoiñe.

1 CODINTIYO 3:11

Yäätonno anejja yää maa a’täije tödööjai’cha na, tödööe naadö jonno; Jesuuquidiitoone dha’täije na.

1 CODINTIYO 3:13

Chääwaadäiñe chaadawaajuichomo’jödö nääne’ju’ja’da wätämmencajootojo anootoi’chädö awä. Wa’to nene’ju’ja’de; wa’to que toneeja na’de tameedä chaadawaajuichomo’jödö, aashicha yeichö eneedö, cone’da yeichö eneedö jeiñe mma.

2 CODINTIYO 2:17

Töwäätätöijatoojoje Wanaadi a’deddu ännö’da ñaa na; oncone’ma’da mmaja, anejjacoomo tönnöe weneenetoodöje’da. Chäänönge töweichö queene Wanaadi a’deddu töneecammajä’e ñaa weneene, Wanaadi nanontä’jödö woije, Wanaadi owaadäädä mmaja, Quidiito jadoonoje ñaa weijäcä.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

CODOOSENSE 2:8

Odhoowoinchadäiñe’da eichäcä; anejja wenta’mecöödö que mma ätö’tajäätödööcomo mänsadiijannä’cajootäi’che, ñanno soto wätunnäichomo que mma adhencu’tä’seiñe weneenetoodö. Quidiito woija’comoojönö ñanno, soto wätunnäichomo woija’como mma, edä nono de’wono tö’tajä’nä woija’como mmaja.

1 TIIMOTEO 6:3

Anejja wwä chäänöngemjönö wätunnä que owaanoma’jäcä, Cädhaajotoncomo Jesuuquidiito a’deddu chäänönge aneecamjö’da yeiya’jäcä mmaja, quedeiyenteje weiñä jäcä woowanoomanä aneecamjö’da yeiya’jäcä mmaja,

2 TIIMOTEO 2:20

Maa adai’joto taca tödööajä töweiye nai oodo döaajä, jödaata döaajä dea mmajöönö, dee döaajä mmajaane, ädiiñä döaajä mmaja; anejja aashichaatoje tödöödö, anejja ’quene conemjönööje.

2 TIIMOTEO 3:13

Ñanno conemjöncomo mmaane, äncu’tännamo mmaja, cone’da töweichöcoomo jonno jooje’cä mma necoone’maato’de; äncu’tännamo tönwanno, yäätäncu’täja’como mmaja.

2 TIIMOTEO 3:7

Tönwanno töwoowanooma’se’jödö mma, yaawääne’ chäänöngato dhowaanäcäiñe ä’dö’daane’.

2 TIIMOTEO 4:3

Aneedawä chäänöngato wätunnä eta’se’da soto weicho’como cu’nädö na’de. Tönwanno ni’jummaato’de töwaacötö jäcä owaanomannamo mma, töjaanashiiyännamooje mma.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

APOOCADIISI 2:14

Yääje yeichaame cone’daiche wa äjääcä. Iiña Peecamo ña töweiye na adhantawäiñe Wadan nowaanoma’jödö ecaanö’nnamo. Töwö Wadan Wadaaca tönoowanooma cönä’jaacä iisadaaediitacoomo shaadijannä’cadööcomo jäcä, chu’taajä wwä saaquidiijiisiyooje u’ajä tänäädö wetä yaawä chäwwäiñe, masuuduije yeichöcoomo wetä mmaja.

APOOCADIISI 21:18

Chuudadai’chä’jödö cönä’jaacä widiiqui nöngato döaajä, sheene. Jata mmaane cönä’jaacä oodo töjääcäjeene, iiñataaje, ta’dawaane, jeteiya töweiye naichö wa’cä.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.