1 CODINTIYO 2:1 - Wanaadi A'deddu

¹ Jimmä, adöiñaiñe weiyaquennawä Wanaadi a’deddu chäänöngato wecammajä’ne äwwäiñe iiñataaje ya’deddu tödööancädä’da, sö’je tödööancädä’da mmaja.

1 CODINTIYO 2:1 Iomraidhean Croise

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 22:18

Yaawä Cajiichaana Jesuuquidiito weneeaqueene. Töwö cönä’döaacä öwwä: “Ma’da’cä äjääne eetonno, Jeduusadén ñanno. Eetoncomo aneecamjö’da naato’de adha’deddu, jääcä mecammajä’aadö;” quee cönä’döaacä öwwä.

DOMAANO 16:18

Ñanno yääja’como Cädhaajotoncomo Jesuuquidiito anoonöje’da naato; tumjummadööcomo woije mma weneeneto. Tönwanno towoinchado’como tönencu’täiñe weneeneto aashichaato wa’coto ta’dedducoomo que, wäämu’nä’nä que mmaja.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

1 CODINTIYO 1:17

Wautisaaje tödööneije’daane Quidiito yaanontäne, aashichaato wätunnä ecammajä’neijeene; ya’deddu shö’jano’tancädä’da, cuduusa jäcä Quidiito wääma’jödö ecammajäätödö jäduucadö queiñe owwä.

1 CODINTIYO 1:6

Mädääje Quidiito jäcä ecammajäätödö chäänönge yeichö nääne’ju’ja äjääcäiñe.

1 CODINTIYO 2:13

Mädä jäcä töneecammajä’e ñaa weneene soto sejjedö woowanooma’jä que’da, Epíiditu Santo nowaanomaadö queene. Wanaadi nödöödö töneecammajä’e ñaa weneene Epíiditu Santo ’ja’como wwäiñe.

1 CODINTIYO 2:4

Ya’deddu, neecammajäätödö mmaja, cönä’jaacä a’deu aashichaato que acaana’cato’comooje’da, soto sejjedö que’da mmaja, Epíiditu Santo neneejodö queene, Wanaadi jäduudu que mmaja.

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

2 CODINTIYO 10:10

Edääje dhantai jääcä töwä’döe määnetääne: “Immennädö weneene cone’da döjootä, jäduuje mmaja. Töwö jaiñoone jäduuje’da, dötä’da mmaja ñeecammajäätödö;” quee.

2 CODINTIYO 11:6

A’deu edhaajäje’da weichaame, sejjedö mmaane töweiye na. Mädääje töweichö äwwäiñe töwäänejo töweiye ñaa cönä’jaacä weiñäje.

2 TEESADOONISENSE 1:10

töwö ye’a’jäcä sadä tösootoi wetäiñe. Yaawä shootoi niya’deme’caato’de, ñanno ecaanö’nnamo’jödö; aashicha na’deuwaato’de chääjäcä. Änwanno mmaja miya’deme’cato’dede, ñaa necammajäätö’jödö ecamjö’jödö weijäcä äwwäiñe.

1 TIIMOTEO 1:11

Yää chäänöngato woowanoomanä na Wanaadi aashichaato wätunnäi woije, yää täcammajä’emööje öwwä tu’e naadö.

2 TIIMOTEO 1:8

Yääje yeijäcä ajöichöje’da tödööcä’de Cajiichaana Jesuuquidiito ecammajäätödö; öwö mmaja cämjöichäi’chede, Jesuuquidiito jo’tädööje jedeesoje waadö. Wanaadi nutuudu äjäädudu que töshinchääne shinchäcä aashichaato wätunnä jo’tädööje äwäntunamjödö.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

APOOCADIISI 1:2

Töwö Juan chäänönge cöneecammajäätöi tameedä töneene’jödö jäcä, Wanaadi a’deddu mmaja, Jesuuquidiito necammajäätö’jödö mmaja.

APOOCADIISI 1:9

Öwö Juan, ajimmotoncomo dea, Jesuuquidiito jäcäinchädä yeetunu eneenei mmaja, Wanaadi sotoi mmaja, äshinchädööcomo nönge aashicha shinchänei mmaja. Öwö wä’jaaquene Paatamo antadö de’wä, Wanaadi a’deddu jo’tädööje yenno’jaajä, Jesuuquidiito jäcä ecammajäätödö e’nei.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.