1 CODINTIYO 15:3 - Wanaadi A'deddu

³ Awa’deene wecammajä’ne äwwäiñe öwö öwwono wä’tu’jödö mmaja. Öwö monoowanoomatääne cöcoone’nadiiyöcoomo jäcäinchädä Quidiito wääma’jödö jäcä, Wanaadi a’deddu imennaajä wä’dödö nönge dea.

1 CODINTIYO 15:3 Iomraidhean Croise

MATEO 26:24

Soto nnedö nä’döja’de töjääcä imennaajä naadöje dea. Yaawääne’ wentumje na’de ñäädä Soto nnedö u’nei’jödö. Ennu’da mmaane töwö eijai yei’jödö; quee cönä’döaacä.

MATEO 26:28

Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö, choone’nadiiyöcoomo choccatoojoje.

DUUCA 24:25

Yaawä Jesuuquidiito cönä’döaacä chäwwäiñe: —¿Aaquene mädä wa’cä aneene’jutu’da maato dea? Mädä wa’cä tameedä Wanaadi wa’deuwödö ecammajä’nnamo nimenno’jocoomo aneecamjö’da maato.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

DOSECHO 17:2

Yaawä töweichö nöngeedä Paudo cöntämä we’jummatoojo taca. Aaduwaawä semaana töwö cöneecammajäätöi chäwwäiñe, wäädeetatoojo anooto waadäi.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

DOSECHO 8:32

Edä Wanaadi a’deddu imennaajä töwö cöna’de’taacä: Töwö cönaatadoojoi emaadö wetä oweeja adäädö töweiye naichöje; äucwätä’da töwö cönä’jaacä, tö’jotö töcaadawä oweeja ecaadaucwa’da töweiye naichöje mmaja.

DOMAANO 3:25

Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

1 CODINTIYO 11:2

Jimmä, äjääcäiñe ta’cwaiñe wäänene öwö jääcä tötö’tajä’e aweichomjäcä, chäänönge tönnöe aweichomjäcä mmaja äwwäiñe neecammajäätödö’jödö.

1 CODINTIYO 11:23

Cajiichaana Jesuuquidiito dea yoowanoomane yää äwwäiñe wecammajä’aaquennö. Tu’tojo coijaichawä dea Cädhaajotoncomo Jesuuquidiito uu cönannäjöi.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

CAADATA 1:12

Soto wwä’da wetaane, owaanomaajäje’da mmaja; Jesuuquidiitoone yoowanoomane.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

CAADATA 3:13

Yää jenaado’jä waanontänä tödööjai’cha cöweijäcäiñe töwännanö’aamoje cä’ja’quene. Yääje cöweichöcoomo jonno Quidiito cäwaanacaatäne. Töwö dea töwännanö’emö nönge cönä’döjoi cöjääcäinchädäiñe. Edääje Wanaadi a’deddu imennaajä nä’döa: “Ñäädä cuduusa jäcä ajoijaajä, töwännanö’emö ecammaajä ñäädä;” quee.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EEWEDEO 5:1

Edääje Wanaadi wwono wa’deuwödööje weiñä töweiye nai: Ñäädä soto, Wanaadi wwono wa’deuwödööje e’taajä, netaadawa’caja soto jäcäinchädäiñe Wanaadi wwä töwa’deuwemööje. Täjemjönö u’ajä Wanaadi wwä ecammaneije töwö töweiye nai, saaquidiijiisiyo tödööneije mmaja, soto cone’nadiiyöcoomo choccajootojooje.

EEWEDEO 5:3

Yääje yeijäcä töwö saaquidiijiisiyo tönnöe weneene, töcoone’nadiiyö choccajootojooje, sotoocomo cone’nadiiyö choccajootojooje mmaja.

1 PEEDHODO 1:11

Yeeja’dätäädö owaajodä Epíiditu Santo chäwwäiñe töneecammajä’e cönä’jaacä Quidiito wäntunaanö’tojo, aashicha weiñä yää ’jeje töweiyemö jäcä mmaja. Ñanno Wanaadi wa’deuwödö ecammannamo a’que töntö’tamme’que töweiye cönä’ja’to ñäädä Epíiditu Santo tötaacaiñe cönä’ja’dö necammadö, ñeecammadö we’tojo cu’nädö mmaja a’que töntö’tamme’que töweiye cönä’ja’to dea.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.