1 CODINTIYO 14:3 - Wanaadi A'deddu

³ Dha’da ñäädä Wanaadi nutuudu woije ecammajä’nei, soto wwäiñeene na’deuwa ñäädä; ijäädu’toto’comooje na’deuwa, yäätuujato’comooje mmaja, i’wa’toto’comooje mmaja.

1 CODINTIYO 14:3 Iomraidhean Croise

DUUCA 3:18

Mädä wä’wätuujanä que, jooje anejjacoomo que mmaja, Juan töneecammajä’e cönä’jaacä aashichaato wätunnä soto wwäiñe.

DOSECHO 13:15

Ñanno we’jummatoojo tacancomo cöna’de’ta’to jenaado’jä waanontänä imennaajä, Wanaadi wa’deuwödö ecammannamo nimenno’jocoomo mmaja. Yää ’jeje we’jummatoojo edhaamo cönä’döa’to Paudo wwä: —Jimmä, soto wätuujato’como äwwäiñe töweiye yeiya’jäcä adha’deutäcä; quee cönä’döa’to.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 15:32

Ñanno Juudha, Siida mmaja töneecammajäätödööcomo que quedeiyentecoomo cönwätuujaicho, cömjädu’ta’to dea, Wanaadi wa’deuwödö ecammannamooje töweijäcäiñe.

DOSECHO 4:36

Ñanno quedeiyentecoomo antawäiñe cönä’jaacä dhanwa, José täätö; dewiitaje ñäädä cönä’jaacä, Chiipede antadö ña yennu’jödö. Waanaweeje cöne’ta’to ñanno anonta’como. Ya’dänei, quee töwä’dö’se yeichö.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOMAANO 12:8

ñäädä quedeiyente yäätuujaneichomo ’quene, yää jäcä daja oowoinchajai ña dea. Ñäädä täjemjönö u’jä’nei, ewontancädä’da u’jä’jai ña. Ñäädä quedeiyente e’se’täneichomo, towaadäädä töweiyancädä e’se’täjai ñaato. Ñäädä wentumja’como i’wa’täneichomo, ta’cwaiñe töweiyancädä yää tödööjai ña.

DOMAANO 14:19

Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

DOMAANO 15:2

Cöwaadäiñe cöjimmotoncomo weichö encano’täjai caato, aashicha yeichöcoomo wetä, yaatö’näjöödöcoomo wetä mmaja töneecamjödööcomo jäcä.

1 CODINTIYO 10:23

Chäänönge yääje soto töwä’döe weneeneto: “Tameedä tödööemje na;” quee. Yääje yeichaame tameedä’da aashicha dötä na. Tameedä tödööjai cöweichaameiñe tameedä’daane ’wa’tätä na.

1 CODINTIYO 14:12

Yääje yeijäcä jimmä, Epíiditu Santo nu’jätöödö tujunne yeiya’jäcä äwwäiñe yääne encano’tätääcä, quedeiyentecoomo i’wa’toto’comoone.

1 CODINTIYO 14:17

Chäänönge Wanaadi wwä aashicha awa’deutaame amäädä, anejjacoomo mmaane ejäädu’tä’da naato yaawä.

1 CODINTIYO 14:26

Mädääje na jimmä; awe’jummadaawäiñe awaadäiñe tödööjai maato. Anejja wecanta’ñänä dha’me eijai ña, anejja ’quene woowanoomanä dha’me, anejja mmaane töwwä Wanaadi neneejodö, anejja a’deucwe wa’deunä jeiñe mma, yää ecammajo’tojo jeiñe mma. Tameedä yää tödööjai maato quedeiyentecoomo wä’jädu’toto’comooje.

1 CODINTIYO 14:31

Mädääje awaadäiñe tooni nshai ecammajä’jai maato, änwanno Wanaadi nutuudu woije ecammajä’nnamo, tameedäädääne moowanoomatäiye, mä’jädu’tätäiyede.

1 CODINTIYO 8:1

Edääje wä’dö’se wa eduuwa äwanshi jäcä, yää saaquidiijiisiyooje chu’taajä wwä u’ajä jäcä. Towaanojo’ne cöweichaameiñe mma’ne mädä jäcääne’, yaawääne’ yää towaanojo’ne weiñä o’jodhe tö’tamme’jojä’tä mma töweiye nai; wä’jummanä mmaane ’wa’tätä na.

2 CODINTIYO 1:4

Töwö Wanaadi ñaa jädu’tätä weneene tameedä ñaa wäntunamjödö jäcä, anejjacoomo wäntunamjödö mmaja ijäädu’tädööcomo wetä yaawä ñaa wwä, yää que dea, Wanaadi wwä ñaa jädu’tä’jödö que dea.

2 CODINTIYO 2:7

Yääje yeijäcä anejjejaane eijai maato eduuwa, encwanno’jojai maato iiñö’jödö, töwö ijäädu’täjai maato dea, to’jodheene mma wentumje ei’ño yaawä.

EUJEESIYO 4:29

A’deu conemjönö mma äntaiñe mämja’canö’jotäi, aashichaato dea mmaane, ’wa’tänei chea mmaja, wa’deutojo cu’nädö awä mma, tameedä etannamo aashicha etaiyeto.

CODOOSENSE 4:8

Yääje yeijäcä adöiñaiñe wanonta, odhoowanääcäiñe yeichö wetä sadä weichö, äjäädu’täneichomooje mmaja.

1 TEESADOONISENSE 2:11

Odhoowanääcäiñe mmaja awaadäiñe äwäätuujatäiñe ñaa wei’jödö, dhanwa tönnedö tönwätuuja töweiye naichöje. Awa’dätäiñe mmaja töweiye ñaa cönä’ja’dea.

1 TEESADOONISENSE 2:3

Yää ñaa töneecammajä’e cönä’ja’dö äwwäiñe, ñaa wätäncu’tojo’jödööjönö cönä’jaacä. Conemjönö jäcä tötö’tajä’ancädä’da mmaja ñaa odhoowanoomatääne, adhencu’tädööcomooje’da mmaja.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

1 TEESADOONISENSE 4:18

Yääje yeijäcä ä’wa’däätäcä edä ecammajäätödö que.

2 TEESADOONISENSE 3:12

Jesuuquidiito eetö joi edääje ñaa nanontaato ñanno yääja’como, yäätuujadööcomooje: Täncanoode’da netaadawa’cajo’ña’to, töweicho’como cana’cadö jäcä.

1 TIIMOTEO 1:4

wätunnä wwadäädä ijaanata’da yeichöcoomo wetä mmaja, soto adai’choncomo’jödö ime’cu’tädö mmaja, yää yä’cadö ’jemjönö. Mädä ecammajäätödö que wätäccujä’nä mma noojodööa, Wanaadi tadaawaajui ecamjödööcato tödöödö jäcä mmaane wa’tätä’da na, yää cöwwäiñe töwö cuntuichö.

1 TIIMOTEO 4:13

Adöiña öötädö jonaane yeichöje quedeiyente netaadöcoomoje Wanaadi a’deddu imennaajä a’de’tädööje eichä’de, ijä’du’tädööcomooje mmaja, owaanomaadöcoomoje mmaja.

1 TIIMOTEO 6:2

Ñanno quedeiyente chäädhajootoncomo töjimmäje yeijäcäiñe mma onnontä’da eijai’cha naato. Aashicha’cä mmaane tödööjai ñaato, quedeiyenteje yeichomjäcä ñanno tötaadawa’cajonnamo, Wanaadi nijummadööje yeichomjäcä mmaja. Mädääje owaanomaacoto, yäätuujacooto’dede.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

TIITO 1:9

Ansiyaano chäänönge ajäijai ña Wanaadi a’deddu chäänöngato, towaanoma’jödö nönge dea, ämu’de’da soto owaanomaadöcoomo wetä yaawä töwwä, chäänöngato woowanoomanä que, quedeiyenteje weiñä chimmajä’nnamo chaana’cadööcomo wetä mmaja.

TIITO 2:15

Mädääje owaanomaacoto; ijäädu’täcooto; jäduuje yäätuujacootode. Äwä’quimmajoojo’tojo mma maneejodööjoi’che.

TIITO 2:6

Dhanwaacomo mudeeshi mmaja yäätuujacooto towaadäädäiñe yeichöcoomo wetä.

TIITO 2:9

Tädhaajäca’como yäätuujacooto tädhaajotoncomo woije yeichöcoomo wetä, tädhaajotoncomo a’cwaimaiyeto, äccujä’tä’da yeichöcoomo wetä mmaja.

EEWEDEO 10:25

Cöwe’jummadööcomo e’nomjajai’cha caato, dhantai tä’da weneenetoodöje’daane. Töwä’wätuuja mmaane ä’wätuujajai caato, jooje’cä jeene eduuwa, amoinche’da Cajiichaana Jesuuquidiito we’tojo weijäcä.

EEWEDEO 13:22

Änwanno jimmä, aashichaane etaatäcä edä äwäätuujadööcomo öwwä; tawe’daasa mma wimennäi äwwadäädäiñe.

EEWEDEO 3:13

Töweejädu’tääne adheejädu’tätääcä anooto waadäi, eduuwa naadawäädä, anejja mma adhantawäiñe conemjönö wwä ätäncu’täjo’no, töwäätuujacoone’da ei’ñode yaawä.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.