1 CODINTIYO 13:4 - Wanaadi A'deddu

⁴ Ñäädä wä’jummanä ’jano töwä’shinchä töweiye nai; ta’cwaiñe töwö, tö’neiñe’da mmaja, adai’jä ääcamjö’da mmaja, o’jodhe chö’tajäätö’da mmaja.

1 CODINTIYO 13:4 Iomraidhean Croise

MATEO 27:18

Töwö yääje cönä’döaacä towaanäcä yeijäcä tö’neniiyöcoomoje Jesuuquidiito utu’jödööje yeichö.

DOSECHO 7:9

“Ñanno cadai’choncomo, Jacoowo nnacoomo, tacontoncomo José cöni’ñeimma’to; cuntuicho Ejiito ñancomo wwä. Yääje yeichaame Wanaadi José jadä cönä’jaacä;

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

DOMAANO 13:13

Chäänönge queichäiye, tawaanato acancomo eijai ñaatoodöje dea. Wä’dau’nä jäcä’da queichäiye, wänwanä jäcä’da mmaja, imaasuduicha’da mmaja, anejja conemjönö jäcä’da mmaja, ätäccujäätö’da mmaja, e’neimma’da mmaja.

1 CODINTIYO 3:3

ajuunucoomo woije dea aweijäcäiñe. We’neimmanä töweiye naadö naane’ adhantawäiñe, wä’tu’de’tänä mmaja, aata’deucwe’da weiñä mmaja. ¿Ajuunucoomo woije jönca ätö’tadööcomo yaawä, quedeiyentejöncomo nönge?

1 CODINTIYO 4:18

Dhantai adhantawäiñe o’jodhaato wa’cä nääcanö’aato, adöiñaiñe tä’da weiyaatäi.

1 CODINTIYO 4:6

Jimmä, edä wecammajä’a aashicha aweichöcoomo wetä; yääje yeijäcä Apoodo jäcä ya’deuwa, öwö jääcä mmaja, töja’do’joone’daane Wanaadi a’deddu imennaajä woije meichäiye, o’jodhe chö’tajäätö’da aweichöcoomo wetä mmaja tooni odhoowanoomaneichomo jäcä, yeichacoono chiiñeme’taame.

1 CODINTIYO 5:2

Mädä nöngato adhantawäiñe yeichaame o’jodhe tötö’tajä’e määnetääne, töwaamoone aamojai aweichaameiñe. Ñäädä yääjato u’cajai maato ajaadäiñe yeichö jonno.

1 CODINTIYO 8:1

Edääje wä’dö’se wa eduuwa äwanshi jäcä, yää saaquidiijiisiyooje chu’taajä wwä u’ajä jäcä. Towaanojo’ne cöweichaameiñe mma’ne mädä jäcääne’, yaawääne’ yää towaanojo’ne weiñä o’jodhe tö’tamme’jojä’tä mma töweiye nai; wä’jummanä mmaane ’wa’tätä na.

2 CODINTIYO 12:20

Öwö cone’daiche tötö’tajä’e wäänene, adöiñaiñe wä’döa’jäcä umjummadö nönge’da adheedantäjaiñe tö’tadö weijäcä, öwö ämjummadööcomo nönge’da mmaja yeedantäjai maato dea. Wätäccujä’nä ’je adheedantäjaiñe tö’ta, we’neimmanä ’je mmaja, wäätömaajä’nä ’je mmaja, töwö mma töwei’she weiñä ’je mmaja, cone’da wa’deunä ’je mmaja, wenta’me’nä ’je mmaja, o’jodhe tö’tajä’nä ’je mmaja, töwaatashiichuudä weiñä ’je mmaja adheedantäjaiñe tö’ta.

2 CODINTIYO 6:6

Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

CAADATA 5:26

O’jodhe chö’tajäätö’da queicho’ñojo, cöjimmotoncomo aneetömaajotäiñe’da mmaja, e’neimma’da mmaja.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 4:32

Ta’cwaiñe mmaane eichäcä ääjäcä, wentumje äneetä mmaja; ajimmotoncomo cone’nadiiyö encwanno’jotääcä, Wanaadi ocoone’nadiiyöcoomo cönencwanno’joichöje mmaja, Quidiito jäcäinchädä.

JIDIIPENSE 1:15

Anejjacoomo Quidiito töneecammajä’e weneeneto tö’neniiyöcoomo que, ye’jodhe töwei’she töweichöcoomo que mmaja; anejjacoomo ’quene aashicha töweichöcoomo que daja.

CODOOSENSE 1:11

Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.

CODOOSENSE 2:18

Wanaadi wwä adheejemaato’como que mätänwajiiñajootäi adhencu’tä’sa’como wwä. Ñanno adhencu’tä’sa’como o’jodhe chö’tajä’jönö wa’cä yäänejoodöcoomo; amoode ya’deme’nnamo mmaja tönwanno. Tönwanno na’deuwaato towaanojöncomo jäcä. Iiña mmädä adai’joto wa’cä nääcanö’aato, tötö’tajäätödööcomo woije mma.

CODOOSENSE 3:12

Wanaadi nijummadö änwanno, töwö ñei’jödö mmaja, töwwonooje aweichöcoomo wetä. Yääje yeijäcä aashicha weiñä äwwäiñe tödööjai maato, yää wentumje äneetä weiñä, soto jäcäiñe ta’cwaiñe weiñä mmaja, o’jodhe chö’tajäätö’da weiñä mmaja, soto jäcäiñe jäduuje’da weiñä mmaja, aashicha shinchädö mmaja.

1 TEESADOONISENSE 5:14

Jimmä, edääje mmaja ñaa äwäätuujaato dea: Yootuujatääcä ñanno töquiiña’como. Wentumja’como tö’tajäätödö ya’dätääcä; jäduujemjöncomo i’wa’tätääcä. Äätömaacoije’da eichäcä tameedä soto jäcäiñe.

1 TIIMOTEO 6:4

ñäädä o’jodhaato wa’cä nääcanö’a; towaanojo’nemjönö töwö. Töwö wätunnä jäcä töwäätäccujäätödö yaacö’je na. Yää que we’neimmanä töwoojodööe weneene, wätäunä mmaja, cone’da wa’deunä mmaja, töweichacoono jäcä cone’da tö’tajä’nä mmaja,

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

2 TIIMOTEO 3:10

Amäädä mmaane öwö noowanoomadö odhoowanääcä na, öwö weichö mmaja, nencano’tädö mmaja, neecamjödö mmaja, aashicha tönshinchä weichö mmaja, wä’jummanä ’je weichö mmaja. Wäätä’maminchajoodö tönshinchä weichö mmaja odhoowanääcä na dea, wäntunamjödö mmaja. Amäädä odhoowanääcä na tameedä jääcä cöneeja’dätäichö Antiyooquía ña, Icooniyo ña mmaja, Diitada ña mmaja, yää iiña wäätä’maminchajo’jödö. Tameedä yää jonno Cajiichaana yeewanaacane.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

SANTIYAACO 4:5

¿Töwäädämma ca äwwäiñe nichö’taanä Wanaadi a’deddu imennaajä? Edääje nä’döa yää: “Ñäädä Epíiditu Santo, cödo’tacaiñe Wanaadi nijaata’täjo’jödö, jooje cujummaato, tö’neimmaane;” quee nä’döa Wanaadi a’deddu imennaajä.

1 PEEDHODO 2:1

Yääje yeijäcä e’nomjatääcä tameedä conemjönö, tameedä wätäncu’tänä mmaja, juutuje weiñä mmaja, we’neimmanä mmaja, wä’tu’de’tänä mmaja.

1 PEEDHODO 3:8

Edääje mmaja wä’dö’se wa dea äwwäiñe: Tameedäädä äänönge ätö’tajä’täcä; wentumje äneetä eichäcä. Ä’jummatääcä, töweichacoono ijummadö töweiye naichöje. Ta’cwaiñeiñe eichäcä, o’jodhe chö’tajäätö’da mmaja.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

2 PEEDHODO 1:7

Wanaadi woije weiñä jadä ’quene, töweichacoono jäcä ta’cwaiñe weiñä daja mejoodöjootäiyede; töweichacoono jäcä ta’cwaiñe weiñä jadä ’quene wä’jummanä daja.

1 JUAN 4:11

Jimmä umjummadö, cönwanno mmaja ä’jummajai caato dea, mädä wa’cä cujummaatöcoomo’da Wanaadi wwä.