1 CODINTIYO 13:3 - Wanaadi A'deddu

³ Tameedä öwwä naadö u’jä’a’jäcä a’ca’como wwä, tödha’tueemöje wä’tua’jäcä mmaja, wä’jummanä ’je’da weichaame, tameedä yää dö’da na.

1 CODINTIYO 13:3 Iomraidhean Croise

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

DUUCA 18:22

Yää eta’jäcä töwwä, Jesuuquidiito cönä’döaacä: —Töweiye dea na tooni äwwä tödööemö. Tameedä äwwono ejeemajoocä, änsomaadö, anaudä’jödö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

DUUCA 18:28

Yaawä Peedhodo cönä’döaacä chäwwä: —Ñaa mmaane tameedä ñaa cöne’nomjai ajaadä töweichö wetä.

DUUCA 19:8

Saqueeo cönammöi yaawä; cönä’döaacä Cädhaajotoncomo wwä: —Cajiichaana, eduuwa önsomaadö annai wu’jä’a’de wentumja’como wwä. Yää soto encu’täjä’ancädäiñe öncana’ca’jödö wiiñaca’de chäwwäiñe, aacäicheeade; quee cönä’döaacä Saqueeo.

JUAN 12:43

Tönwanno aashicha soto wa’deuwödö töjääcäiñe tumjumma cönä’ja’to jooje’cä, Wanaadi wa’deuwödö e’jodhe’cä.

JUAN 13:37

Yaawä Peedhodo cönä’döaacä: —Owaanomaanei, ¿ane’que’nei ajaadä täjai’cha wanä eduuwa? Äämajai chajaane wa ajunnei; quee.

JUAN 15:13

Töweichacoono junnei wäämanä yää yää wä’jummanä chäänöngato; anejja ’je’da na yää nöngato wä’jummanä e’jodhaato.

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

DOSECHO 21:13

Yaawä töwö Paudo cönä’döaacä: —¿Ane’que’nei maamoaato? ¿Ane’que’nei wentumje cödööjaato? Täncanoode’da wa öwö. Yääje’ mööaatoone’ Jeduusadén ña. Jesuuquidiito junnei äämajai wa dea; quee cönä’döaacä.

CAADATA 5:26

O’jodhe chö’tajäätö’da queicho’ñojo, cöjimmotoncomo aneetömaajotäiñe’da mmaja, e’neimma’da mmaja.

JIDIIPENSE 2:3

Änwanno mma awei’sheiñe aweiyancädäiñe’da eichäcä, o’jodhe awei’sheiñe aweiyancädäiñe’da mmaja. Edääjeene eichäcä: O’jodhe ätö’tajä’ancädäiñe’da ajimmotoncomo adhe’jodheiñe tödöötäcä.

1 TIIMOTEO 4:8

A’dhatooje mma töweiye nai edä nono de’wono tödöödö jäcä wäämu’canä. Wanaadi nödöödö mmaane yää e’jodhe na, eduuwa weichojooje yeijäcä, äcuude weichojooje yeijäcä mmaja.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.