1 CODINTIYO 11:2 - Wanaadi A'deddu

² Jimmä, äjääcäiñe ta’cwaiñe wäänene öwö jääcä tötö’tajä’e aweichomjäcä, chäänönge tönnöe aweichomjäcä mmaja äwwäiñe neecammajäätödö’jödö.

1 CODINTIYO 11:2 Iomraidhean Croise

DUUCA 1:6

A’nädä töweiye cönä’ja’to chäänöngeiñe Wanaadi owaadäädä. Tönnöe töweiye cönä’ja’to tameedä Cajiichaana waanontädö, tameedä iiñöjoodö mmaja. Yääje yeijäcä tämentämje’da tönwanno cönä’ja’to.

1 CODINTIYO 11:17

Eduuwa edä äwwadäädäiñe wimennaadö jäcä mmaane awa’deme’jaiñe’da wa. Aashichaatoje’da töwe’jumma määnetääne, aweecone’mato’comooje mma.

1 CODINTIYO 11:22

¿Aaquene äwä’dö’se aweichöcoomo mädä? ¿Adhe’sadööcomo ’je’da ca’ nai äwääwashinchoto’como? Quedeiyentecoomo dajaane michiiñeme’cato mädä ännödööcomo que; ñanno wentumja’como mmaja cone’da mödööjaato dea. ¿Aaquene ä’döjai wanä äwwäiñe, “Ta’cwaiñe wa äjääcäiñe,” quee ’ja? Ng’jn, yääje ä’döjai’cha wa.

1 CODINTIYO 15:2

Yää que mmaja töwääwanaaca maato, yäätäädä äwwäiñe tödööa’jäcä, iiña mmädä’da aneecamjödööcomo weiya’jäcä mmaja.

1 CODINTIYO 4:17

Yääje aweichöcoomo wetä Tiimoteo wanonta äwwadäädäiñe, ñäädä Jesuuquidiito jäcäinchädä önnedö umjummadö, quedeiyente chäänöngato mmaja. Töwö ätö’tamme’jaato’de Quidiito jadä quedeiyenteje weiñä jäcä, yää yoije wääneneedö, tameedä yeichö wa’cä tameedä quedeiyentecoomo tönoowanooma wääneneedö jäcä.

1 CODINTIYO 7:17

Änwanno eijai maato awaadäiñe aweicho’como Cajiichaana nutuudu woije, Wanaadi wwä adha’dejjadaawäiñe mä’ja’quennö nönge dea. Mädääje tameedä Quidiito sotoi tönoowanoomaiñe wääneneeto.

1 TEESADOONISENSE 1:6

Änwanno mä’dötääne ñaa cu’jä’nenaamoje, Cädhaajotoncomo Jesuuquidiito cu’jä’nenaamoje mmaja. Änwanno adha’cwaniiyöcoomo Epíiditu Santo nutuudu que aashicha metaatäne Wanaadi a’deddu, ijo’tädööje jooje äwäntunaanö’taameiñe.

1 TEESADOONISENSE 3:6

Eduuwa Tiimoteo töwä’döe na adöiñancomo’jödö. Töwö adheecammajä’täne aashicha töneecanö’e aweichöcoomo, wä’jummanä ’je aweichöcoomo mmaja. Töwö cöneecammajäätöi chea adha’cwaniiyöcoomo que ñaa jäcä tötö’tajä’e aweichöcoomo, jooje ñaa ene’se aweichöcoomo mmaja. Ñaa mmaja adheene’seiñe na dea.

2 TEESADOONISENSE 2:15

Yääje yeijäcä jimmä, jäduujeedä eichäcä. Mane’nomjatäi’che odhoowanooma’jocoomo ñaa wwä, yää ñaa necammajäätö’jödö, ñaa nimennä’jödö mmaja.

2 TEESADOONISENSE 3:6

Jimmä, edääje adhaanontä’seiñe ñaa na Cädhaajotoncomo Jesuuquidiito eetö joi: Ä’sancwatääcä quedeiyente töquiiñato jonno, ñäädä ñaa odhoowanoomatäänedö nönge eijönö.