1 CODINTIYO 1:2 - Wanaadi A'deddu

² nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 1:2 Iomraidhean Croise

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 15:9

Äänönge mma Wanaadi cujummaato, cönwanno mmaja, judhíojöncomo mmaja, chääwanööcomo mmaja cöncoccaichö naane’, ecamjödö weijäcä chäwwäiñe.

DOSECHO 18:1

Yääje mma yaawä Paudo Ateena ñanno cöntämä Codinto ña.

DOSECHO 22:16

Yääje yeijäcä ¿ane’cäämö miyoomo’canä? Aanöncä, wautisaaje ä’döjoocä; Jesuuquidiito ecaanö’cä ocoone’nadiiyö choccatoojoje;” quee cönä’döaacä öwwä ñäädä Aananía.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOSECHO 9:13

Yää eta’jäcä Aananía cönä’döaacä: —Cajiichaana, ñäädä ecaadö töneeta wäänene Jeduusadén ña conemjönö iiñödö adheecanö’nnamo jäcä.

DOSECHO 9:14

Eduuwa sadä ye’ajä na jajeeda imennaajä dha’me, Wanaadi wwä töwa’deuwaamo nutuudu chäwwä, tameedä adheecanö’nnamo jedeesoje adooto’como; quee cönä’döaacä Aananía.

DOSECHO 9:21

Tameedä etannamo’jödö cöneeta’jöjäätöicho; cönä’döa’to: —¿Ñäädäjöönö ca määdhä ecaanö’nnamo Quidiito tömmaminchäiñe cönä’ja’dö Jeduusadén ña? ¿Mädääjatooje dea jönca sadä cöneejä Quidiito sotoi jedeesoje adääneichomooje Wanaadi wwä töwa’deuwaamo edhaajotoncomo döiñaiñe? quee cönä’döa’to ñanno soto Saudo jäcä.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

DOMAANO 10:12

Äänöngeiñe naato judhío jadäiñe judhíojöncomo; ñäädä dea Cajiichaana Chäädhajootoncomooje na. Ewontancädä’da töwö nu’a tameedä töwwono wa’deuwödö wwä.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

DOMAANO 8:28

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 10:32

Soto sadiijanto’comooje mma meichäi’che, judhío jeiñe mma, judhíojöönö jeiñe mma, quedeiyente jeiñe mma.

1 CODINTIYO 12:27

Änwanno maato Quidiito ejööje; awaadäiñe chääjäcoonoje maato.

1 CODINTIYO 8:6

Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

CAADATA 1:2

Öwö mmaja, tameedä quedeiyentecoomo jaadä naatoodö mmaja, ñaa nimenna äwwadäädäiñe, änwanno quedeiyentecoomo Cadaasiya ñancomo.

EUJEESIYO 5:26

Töwö Quidiito cönä’tui quedeiyentecoomo shoomadööcomo wetä, tuna que choccadööcomo que, ta’deddu que choccadööcomo que mmaja.

1 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito mmaja. Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TEESADOONISENSE 4:7

Wanaadi ca’dejjatääne aashicha tödönnamooje, conemjönö tödönnamooje’daane.

2 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito jadoncomo mmaja.

1 TIIMOTEO 2:8

Yääje yeijäcä tameedä yeichö wa’cä dhanwaacomo Wanaadi wwä ya’deuwö’seiñe wa, tamäädöcoomo choccaajä annä’ancädä, töwäätöma’se töweiyancädäiñe’da, töwäätäuwö’se töweiyancädäiñe’da mmaja.

1 TIIMOTEO 3:15

numa tä’da weiya’jäcä odhoowanääcä yeichö wetä Wanaadi sotoije weiñä, yää Wanaadi nudooto ecaanö’neije weiñä. Yää Wanaadi sotoije weiñä chäänöngato a’deu a’täije na, chä’sejöije mmaja.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

2 TIIMOTEO 2:22

Yääje yeijäcä äänejeecä mude’cäje weiñä cone’nadi jonno. Chäänönge weiñääne encano’täcä, ecamjödö mmaja, wä’jummanä mmaja, täncanoode’da weiñä mmaja, ñanno aashicha tötö’tajäätödööcomo yeiyancädä Cajiichaana ecaanö’nnamo jadäiñe.

EEWEDEO 10:10

Töwö Jesuuquidiito Wanaadi woije saaquidiijiisiyooje cönä’tui, tooniye mma yeichöödäje töweiyemööje. Yää saaquidiijiisiyo tödöödö jäcäinchädä Wanaadi cösoomatääne.

EEWEDEO 13:12

Mädääje mmaja Jesuuquidiito cönäämai, jata tö’cäi, soto coneecadööcomo wetä taquiiyöque.

EEWEDEO 2:11

Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

APOOCADIISI 19:16

Yoomö jäcä chäätö imennaajä cönä’jaacä, ijeetö jäcä mmaja. Cajiichaanacoomo Cajiichaanaichomo, ädhaamo Edhaajotoncomo mmaja, quee chäätö imennaajä cönä’jaacä.