Tito 3:3 - El Nuevo Testamento en matsés

³ Ënden Esus tantiesa yec nadquio nuquitedi icpondac. Nuquin Papan chiacpadombuen naisa yec nuqui bunacpaden naic tabadec bënnudacbimbuec nuqui icpondac. Adecbidi nuqui bunacpaden nabanquin ëntiapimbocquin nuqui icsambuen nadednepondac. Icsambuec tabadquido yec utsin bëdambuen isquin namesho isash nuqui nëishpondac. Adecbidi utsibobëd nëishnanash nuqui chieshënnampondac.

Tito 3:3 Iomraidhean Croise

Mateo 21:29

Padi, quec chieshbuedi iuec iuecpactsëctanec: Tiedimbi neshcatanchitec, quiash neshcaic nidposh.

Ducas 21:8

Adoaquien Esusën: Tantia. Mibi chuinu. Muaquidoba choendac. Aidon chuisho tantiash: Abimbuen cachitec, quec mua uadenda. Adquido choshon: Nuquin Papan Chomiaidquio Quidistu caid nebi, quequin muaquin chiaqui matses dadpenshun: Ai, abimbo mimbi caic, capendac. Aden chuibanquido icsho tsibanenda. Adembidi utsin: Nuquin Papan matses abitedi cuidte uëshë nëbi nec, quequin chuisho tantienda.

Uanën dada uaid 8:34

Adoaquien Esusën: Tantia. Mibi abimbo chuinu. Abi iuaquidën uidënuac nidtiapimbo yacbimbuen icsambuen naquidën ambembi ambi icsambuen naid ëntiapimbo iquec.

Doma 11:30

Ënden mibitedishun matses utsibo icquin Nuquin Papan Chiaid niacniacquin tantienquio iccondac. Nëbien isadaidbon Ambi Chiaid niacniacsho issun Nuquin Papan uënësquio icquin mibitedi tantiec.

Doma 6:12

Adquid icnuc icsambuen tantiaquin nabanec tabadenda. Min dada uënëstequid neque. Min dadan bunacpadombuen nabanec tabadenda.

Doma 6:17

Ënden mimbi icsambuen naid ëntiapimbo yec mibitedi tabadpondac. Adec tabadsho Esus abided cuidadaid chuibanac: Abimbo caic, queshun tantiabenash aidën chiacpadec mibitedi bëdambuec tabadcuenondac. Aden namec mibi bëdambo iquec, quequin Nuquin Papa chiombi.

Doma 6:22

Nëbi mimbi icsambuen naid ënshun Nuquin Papa tantiaquin aidën chiacpaden nabanec mibitedi tabadec. Adec tabadquin bëdambuen nabanec mibi bëdambouidi iquec. Aden nabanec tabadsho Nuquin Papan ënenquiocquin abëdi tabadmendac.

Doma 6:6

Ënden icsambuen naquido nuquitedi iccondac. Adquid icsho Esuquidistubëta cueste napotiaidën dectanacbimbuecquido nebi, quequin nuquitedi tantiec. Aden dectanquin nuquitedi icsambuen naidbëta icsambuen tantiaidtedi nibëdanmepanëdash. Adquid yec nëbi nuquitedi icsambo icmianquidën iua ictiapimpo iquec.

Codinto 2 12:20

Mibi yacno nidshun isac mibitedi bëdambuec tabadenquio icchitotsiash, quequin dacuëdquin umbi tantianubi mimbi: Pabadon ubi chushcanushe, quequin tantiabededtsiash. Mibitedi nadec tabadsho chushcatsiambi. Nëidic chushcananquido. Utsibic utsin na dadpen icsho isash bedte bunec chieshëmënquido. Utsibic nëishëmënquido. Utsibic: Ubiuidtsëqui bëdambo iquebi, quequido. Utsibic utsi icsambuec tabadaid chuinanquido. Utsibic: Utsibo icsaiduidi chuiquido. Utsibic: Ubi bëdambocquid icnubi aid icsambocquid nec, quequido. Utsibic ambi tantiacpadpenquiocquid icsho isash cumapenec cuëdcuededquido. Adoquido icsho chushcatsiambi, quequin chuiquin dada uaic nebi.

Cadasia 6:3

Utsien: Chuiquidquio nebi. Ubiuidtsëqui bëdambocquid nebi, quec adquidpenquio yequi abibi mua uadquid nendac.

Codosas 1:21

Ënden Nuquin Papan: Cun matses nec, cacmaido mibitedi icpondac. Adembidi icsambuen tantiaquin nabanquido yec Nuquin Papa chieshënquido mibitedi icpondac.

Codosas 3:7

Ënden Esus tantiesa icquin aden icsambuen nabanec mibitedi tabadpanëdac.

Timoteo 2 3:13

Padnuen chieshëmënquidobëd bëdambocquid danmianquiec muaquido icsambo icbuedi utsibontsen mua uaid icbuedi buëdanquiec muauannanec abitedi icsamboshë yanendac.

Timoteo 2 3:6

Adquidon mibi yacnoshon shubu utsin utsinquien isedben isedbenac caosh. Adec chidouidquio yacno shubun puduedcuennequin ambembi chiaid chuibanac caosh. Aden chuisho tantiashun: Padi catiadquidi chidobon: Mimbi chiaid tantianu, quequin badedquio tantiashumpac caosh. Aid chidobo Nuquin Papan Chiaid niacash adecbidi icsate bunquiec tabadpac caosh.

Tito 1:16

Aido: Nuquin Papa tantiaquid nebi, quebuedi utsibo ismec Nuquin Papa tantiesabimbuec tabadec. Nuquin Papan Chiaid niacquid yec chieshëmënquido nec. Bëdambuen tantiatiapimbo icquido icquin bëdambuen natiapimbo icquido nendac, Tito.

Tito 2:12

Aden chomiac Esusën Nuquin Papan chiacpadombuen naic abided cuidadaid icnuc nuqui icsambuen naidbëta Esus tantiesabon icsambuen nate bunaid ënte tantiamec. Adoac nëbi bëdambuen tantiaquid icquin: Naden naic bëdambocquid ictsiabi, queshun bëdambuen naquid nuqui nec. Adembidi: Aden naquin icsambuen natsiambi, quequin nainquio icquin Nuquin Papan tantiamiacpadombuen naic bëdambuec tabadquid nuqui nendac.

Santiaco 1:26

Nuquin Papan Chiaid tantiaquidquio nebi, quebuedi: ¿Adabi bëdambuec onquepeba? quenquiocquin utsibo icsambuen chiannequid abibi muauadquin icsambuen chuiquid icsho Nuquin Papan bëdambuen istiapimbo iquendac.

Petedo 1 1:14

Ënden Nuquin Papa tantiabenabi yec mibi bunacpaden naic mibitedi icsanëdacpadec icsainda. Nuquin Papan: Cun mado nec. Cun champi nec, caido icquin Aidën chiacpadombuen naic tabadta.

Esusën Uan ismiaid 12:9

Aden cuenmiaquien matses tabadacno nidaidën nisi dapabimbuecquid aton iuabobëdi budbudposh. Aidi ëndenquimboshë icpampid Mayan Icsa cashumbic Satanas quequin cuënaid neposh. Aidëmbi nëbi matses abitedimbo mua uaquin icsamequin iuate bunquiec.

Esusën Uan ismiaid 13:14

Aidën namiacpadombuen nadatiambocquin nabanquin muaquin ismiaqui matses dadpenshun: Abimbo caic, quequin bëdi dapabimbuecquid acte ëquëducuësh chobuedën chiacpadombuen nabededposh. Aton chuiquid tantiamequid nidaid ëquëducuësh chobuedën: Nuquin chuiquid tapa chështen cuesac uënëstiadtsëcquio icsho bëdanmebued tantiaquin aidbimbuecnuc nuamboshë isadnuc nacnenta, cac matsesën nacnemposh.

Esusën Uan ismiaid 18:2

Adec budshun cumapenec cuëdquin chuiposh: Babidonia yacnocquido Nuquin Papan uesquin cuidquiac. Aid uesquiac. Aden cuidac matses nibëdquiecnuc abi tabadtennecno mayan icsauidpambo iquendac. Ambobidi podobitsi icsambo icquiduidquio tabadendac. Ambobidi edestebëdi abipadquid chodquiaid chequid matsesën petemaidi tabadendac. Ambobidi bëdi dapabimbuecquido petemaiduidquio iquendac.