Timoteo 1 3:2 - El Nuevo Testamento en matsés

² Adshumbic: Nuquin Papan Chiaid chuibanquid nadquid nec, quequin chuita. Icsambuen nainquio yec bëdambuec tabadquid nec, utsibon caidquio Nuquin Papan Chiaid chuibanquid nendac. Adquid chido abentsëc inquid nendac. Ambi icsambuen nate bunaid ënash bëdambuec tabadquid nendac. Bëdambuen tantiaquidquio yec bëdambuec tabadquid nec, utsibon caidquio nendac. Isedanquido bëdambuen isquin iuedshun aton shubun ushmequid nendac. Nuquin Papan Chiaid bëdambuen tantiamequin chuibanquid nendac.

Timoteo 1 3:2 Iomraidhean Croise

Ducas 1:6

Aidi aton bënëbëdi Nuquin Papan Chiaid tantiaquin nabanquidquio icpanëdash. Adquid icsho Nuquin Papan bëdambuen isaidquio aid daëd icpanëdash.

Ducas 2:36

Aden Simeonën chuinubien Nuquin Papan oncamiaid chido Ana cuëmëdquid machombo yec ambobidi icpanëdash. Aidën papa Penued icnuc aton tsusedpa Ased icpampic. Aidi buntac icsho aton bënën bedac aidbëdi seta 7ted matanmec icnubi

Doma 12:13

Esus tantiaquido atona nibëdsho issun meneta. Isedanquido chosho bëdambuen isquin iuedta.

Pidipos 2:15

Esus tantiaquido icsambo iquec, utsibo quenushe. Adenda. Nuquin Papan: Cun mado nec, cun champi nec, caido yec bëdambuec tabadta. Matses dadpenquio abi icsate bunacpadequi icsamboshëcquido icnubi adequi bëdambuec tabadta. Adec tabadquin icsambo icquido mimbi Esus tantiametsiac paposhquiacbimbuecnuc. Aden nabanec mibitedi bëdambuec tabadendac.

Timoteo 1 3:12

Esus tantiaquido nashunquid chido abentsëc inquid nendac. Adquidën aton chidobëta aton bacuëbo chieshmenquiocquin bëdambuen namequid nendac.

Timoteo 1 3:8

Esus tantiaquido nashunquid nadquio icquid nendac, quequin chuinu. Utsibon: Bëdambocquid nec, caidquio nendac. Muesambo nendac. Tantiadennuen acte paë uaid aquenquio icquid nendac. Muaquin piucquid dadpen bedteuidi bunenquiocquid nendac.

Timoteo 1 4:3

Naden chiendac: Dadan chido bedenda. Chidon dada bedmenda. Padenquio yec tabadta, quequin chiendac. Adembidi: Aid petemaid neque. Penda, quequin pete abentse abentsen chiendac aid pete bëdambo icnubi. Nuquin Papan: Umbi chiaidquio bëdambuen tantiashun ubi tantiaquidon: Mimbi pete uaid bëdambo iquec, quequin ma penu, quequin Nuquin Papan pete uapampic.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Timoteo 1 5:22

Nuquin Papan Chiaid chuibanquid icmenuen nuqui naondacpadombuen badedquio mamishenda. Ambi naid iuen isquioshon ambi chiaid iuen tantiaquioshon: Bëdambo icquid nec, queshun nata. Esus chuibanquid icta, mimbi badedquio cabuedën Nuquin Papan Chiaid badedquio niacsho isash: Ambi: Adquid icta, caidbëd Timoteo icsamboshë iquec, utsibo quenushe. Ubëtan chuibanquid icta, badedquio cainda. Bëdambuen nata.

Timoteo 1 5:9

Nëidtedi niante Esus tantiaquidon nashunaidombo nec, quequin aton cuëmëdquid cuëmëdquidquien mimbi dada uaondac. Nadquid chido: Esus tantiaquidon nashunaid icta, cata. Seta dadpenquio 60ted matanmec machobudaidquio. Aton bënë abentsëc ictennedquio.

Timoteo 2 2:24

Nuquin Papan Chiaid chuibanquid utsibëd chushcananenquio icquid nendac. Chieshëmënenquio icquin aton matses bëdambuen isquid nendac. Adembidi nëishenquio icquin Nuquin Papan Chiaidquio bëdambuen tantiamequidquio nendac. Badedi chieshtoenquiocquid nendac.

Tito 2:2

Tsësiobo naden chuibanta: Mimbi icsambuen nate bunaid nainquio yec tabadta. Mibi bëdambocquid nec, utsibo camenuec bëdambuec tabadta. Aden naquin icsambuen natsiambi. Naden naic bëdambocquid yantsiabi, queshun bëdambuen nata. Adembidi Nuquin Papabëta Esus tantiaquiota. Adecbidi utsibobëd tantiananec tabadquin natiamiantequid icnubi chieshtoenquiocquin Esus tantiaquiota, quequin chuibanta, Tito.

Ebedeo 13:2

Shubu utsi yacnouësh choquid bëdambuen isquin iuedshun mibi yacno ushmeta. Aden nate bëshunenda. Aden nashunquin utsin utsinquien: Nuquin Papabëd icquido aid yacnouësh choquido nëido nec, quequin tantienquio icquin matses danquin aton shubun iuedshun ushmepanëdash.

Ebedeo 3:14

Tauambuen nuqui Esus tantiabenondacpadombuen chieshtoenquio icquin tantiec uënësabi yacpadembi ënenquio icquin tantiaquido yec Esusbëd tabadtequido nuqui nendac.

Petedo 1 4:7

Tantia, mibitedi chuinu. Nuquin Papan abitedi cuidte uëshë nëbi yanec, queshun mimbi icsambuen naid ënash bëdambuec tabadquin ënenquio icquin Nuquin Papa chianneta.

Petedo 1 4:9

Utsibo mibi yacno isedec chosho issun: Mibi iuedtiapimbo iquebi, quenquio icquin bëdambuen isquin min shubun iuedta.

Petedo 1 5:8

Mibi icsate bunacpadec icsainquio icquin isucunacbimbuen Esusquio tantiata. Aid tantiaquido icsho Mayan Icsa Satanasën mibi icsamete bunquin bëdin nëish penuen nibëmbenniacbimbuen ambi icsambuen nametequid ënenquio icquin nibëmbenneque.