Tesadonica 1 3:3 - El Nuevo Testamento en matsés

³ Ma ubi tantiaquido chieshënquin natiamenu, quequin Nuquin Papan tantiacpadombuen natiamiac chieshtoshon Esus tantienquio yannushe. Chuitan, caondambi. Aden Nuquin Papan tantiacpaden Esus tantiaquid icsho mibitedi natiametequid iquendac, quequin umbi chuibansho mimbi tantiondac.

Tesadonica 1 3:3 Iomraidhean Croise

Ducas 21:12

Aidtedi yanabicnuc ubi tantiaquid icsho utsi utsien bedshun mibitedi mëyanmendac. Adoshombic: Icsambuen naquid neque. Ma cuidnu, queshun Nuquin Papan Chiaid chuibante shubu yacno mibi buanendac. Adembidi quënën tsadunmendac. Utsi utsien isadaidpembon chuiquid cobednadodbëd aidon chuiquid tapambo tabadacno buanac:

Uanën dada uaid 16:2

Mibi chieshënquidon: Nuquin Papan Chiaid chuibante shubun puduedenda, quequin shubu dadpen icquid utsi utsiec yacnoshon mibi cuenmendac. Adombuembidi mibi chieshënquin utsi utsien cuessun secash: Nuquin Papa nashunquin Esus tantiaquido cuessun secaombi, quependac.

Uanën dada uaid 16:33

Ubi tantiaquin umbi chiacpadombuen naic ubëd abentsëc yacbimbuec natienquio yec tabadec ma bëdambo icnu, quequin tantiaquin dadpen mibi chuibanombi. Nidaidënuësh mibitedi natiec shubitequid iquendac. Adquid icnuc natienda. Chieshëmënquid dacuëdënenda. Mayan Icsa Satanas dëniacquidquio icquin mibi aid iuametiapimbo icquid nebique. Dacuëdenda, quepondash Esus abëd icquido chiec.

Hechos 14:22

Aidtedi yacno chouaquin Esus tantiaquido naden chuibampanëdash: Natiamiantequid iquendac. Adquid icnuc Nuquin Papan namiacno tabadtequid nebi, quequin Esus tantiec chieshtoenquio yec tabadta, capanëdash Pabadon.

Hechos 2:25

Adembidi ëndenquimboshë chuiquid tapa Dabidën Esus chuiquin naden dada uapampic: Ënëdenquio yec mibi ubëd iquec, Icbo. Aden ubi dayun uaquid icquin cudasënac utsibon ubi chieshtometiapimbo iquec.

Hechos 21:11

Adec choshon Pabadon tsipante bedshun Pabado tatanetanquin mëtanetanec Acabo nadpondash: Nuquin Papan Mayan Bëdan naden chioshibique. Tantia. Chuinu. Umbi chuibocpadombuen isadaidbon Edusaden yacno tabadquidon nëid tsipante icbo bedshun tatanetanquin mëtaneshun buanshun isadaidpembo menendac, quepondash Acabo Pabado chiec.

Hechos 21:13

Adoaquien Pabado: ¿Atotsi quiash shubiquin ubi uënësquio icme? Edusaden yacno nidshun Nuquin Icbo Esusën naid chuibansho bedquin taneshun ubi cuessunnetsiash, quequin tantiaquimbi abi Esus chuibanembi, quepondash.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Doma 5:3

Nadectsen nuquitedi cuishonquec: Abi tantiaquido icsho utsibon chieshënquin natiamiaqui bëdiactsëc tantiactsëcbuedi chieshtoenquio yec tantiaquidquio yanebi, quectsen nuquitedi cuishonquendac.

Codinto 1 15:58

Cun utsibo, umbi tantiaido icsho mibitedi chuinu. Umbi chuibambued utsi uainquiocquin tantiec chieshtoenquio yec chonoadbudec tabadquin Nuquin Icbo Esuquidistu ënenquio icquin nashunec tabadta. Nuquin Icbo Esuquidistubëd abentsëc yacbimbuec tabadquin nabanec chonoadaid ambembi nabanaidpenquio nec, quequin mimbi tantiec.

Codinto 1 4:9

Adec mibitedi tabadnubi naden tantiec tsadebi. Esuquidistun: Ubi chuibenneta, caido icsho matses utsibon bedaido cuessunnenun tsiuec chomiaidbimbuecquid nebi. Adec Nuquin Papan namiaido icsho abi yacno abuc abëd icquidobëtan nidaidën icquido matsestedishun mamënshunaidbimbuecquid ubitedi nec, quequin tantiec tsadebi.

Epeso 3:13

Mibi tantiaquin chuibanquid icsho ubi chieshënquin natiamiaid icnuc chieshtoenquio icquin tantiata, mibitedi caimbi. Aden natiamiac ubi mëyadaid umbi chuisho tantiash: Ubi tantiaquin chiec nec, quec mibitedi bëdambo iquendac.

Pidipos 1:28

Mibi chieshënquidon chieshënac natienda. Nuquin Papan mibi chieshënquido uënësacsho chian annëdënquiacno nësecaindac. Ambi chiacpadombuen Esus tantiec uënësashien mibitedi Nuquin Papa yacno tabadendac.

Codosas 1:23

Chieshtoenquio icquin cainquin Esuquidistu tantiaquid icsho abi yacno mibi iuedendac, quequin chuibansho mimbi tantiondac. Adenuidi Chiaid Bëda ënenquio icquin tantiata. Adombuembidi shubu dadpen icquid Doma yacno chuiquid tapan namiacnoshon chuibennesho nidaid utsi utsiec yacno tabadquidon tantiapanëdash. Umbitsen adembidi aid chuibennepondambi.

Tesadonica 1 5:9

¿Cuidnuenda Nuquin Papan nuquitedi Esus tantiamediac? Padenquio. Abëdi tabadmenuembien Nuquin Icbo Esuquidistu nuqui tantiamiac.

Tesadonica 2 1:4

Mibi adec bëdambuec tabadaid tantiaquin Esus tantiaquido utsibo chuibenniombi. Dadpenshun chieshënaqui chieshtoenquio icquin aidon abi Esus tantiec, quequin utsi utsiec yacno mibi Esus tantiec tabadaid chuibenniombi.

Timoteo 2 1:8

Adquid nebi, queshun dacuëdenquio icquin Nuquin Icbo Esuquidistun naid chuibanta. Adembidi dacuëdenquio icquin: Quënën tsadunaidi Pabado tantiaquiembi, cata. Utsibon chieshënquin natiamiaqui Nuquin Papan namiacpadec chieshtoenquio icquin Chiaid Bëda Esusën naid chuibanta.

Petedo 1 2:21

Tantia, mibitedi chuinu. Icsambuen nambo icshobi Esuquidistu chieshënquin natiamiac mibitedi tantiec mëyamëdpondash. Ma umbi adomiaid tantiasho chieshënquin natiamiaqui ma chieshtoenquio icnu, queshun Nuquin Papan mibi Esus tantiamepanëdash.

Esusën Uan ismiaid 2:10

Aidon ubi mëyantsiash, quec dacuëdec natienda. Mayan Icsa Satanasën: ¿Ada Esus tantiaquido chieshtoenquio ictsiashe? Tannu, quequin namiacpadombuen chieshëmënquidon mibitedi utsi utsien quënën tsadunendac. Adoac 9tedec ushec mibitedi natiec mëyadendac. Puduenabi yec chieshtoenda. Ubi tantiaquido icsho: Cuessunnenu, cac dacuëdenda. Aidon cuessunniacsho bëdamboshë icquid meniacbimbuen ubëdi tabadmendambi padpidec uënëstiapimbo icnuc.

Esusën Uan ismiaid 2:13

Mibi yacno Mayan Icsa Satanasën iuabo dadpen icnubi ubi tantiec mibi chieshtoenquio iquec. Ënden Mayan Icsa Satanasën namiac mibi yacnoshon chieshëmënquidon ubi chuibanquid Antipas caid cuessunnepondash. Aidën chieshtoenquio icquin umbi naid chuibansho cuessunniambi adembidi chieshtoenquio icquin mimbi ubi tantiaquiopec. Aden mimbi bëdambuen naid tantiembi.