Pidipos 4:9 - El Nuevo Testamento en matsés

⁹ Aden umbi: Naden naic tabadta, quequin chuibanondaid tantiaquin nabanta. Adembidi umbi nabansho mimbi isondaid tantiaquin nabanta. Aden nabanec tabadsho isash mibitedi bëdambuec tabadmequid Nuquin Papa mibëd iquendac.

Pidipos 4:9 Iomraidhean Croise

Mateo 1:23

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Mateo 28:20

Mimbi mentoaido: Nuquin Icbon chiacpadec bëdambuec tabadnuna, quequin umbi chuibuedtedi tantiaquin chuibanta. Mimbi adosho isash nidaid abitedi nibëdanmiambo icnuc mibitedi nianenquio yec mibëd iquendabi, quepondash Esus.

Mateo 7:21

Utsitsen Esusën naden chuipanëdash: Ubi caic: Icbo, Icbo, Cun Icbo mibi nec. Mibi tantiaquid nebique. Mibi yacno ubi puduedme, Icbo ¿quequidtedida Nuquin Papan namiacno puduedpatsiash? Padenquio. Cun Pa abucquidën chiacpadombuen naquidoen aid yacno puduedendac.

Ducas 6:46

Adoshombic: ¿Atotsi queshun: Cun Icbo mibi nec, quequimbi umbi chiacpadombuen nainquio mibitedishun icpe?

Ducas 8:21

Adoaquien: Nuquin Papan Chiaid tantiashun aidën chiacpaden nabanec tabadquid icsho dada cun utsi catanquimbi chido cun ta caimbi, quepanëdash Esus.

Uanën dada uaid 13:17

Umbi aden chuibued tantiaquin nabansho Nuquin Papan mibi bëdambo icmendac, quepondash Esus.

Uanën dada uaid 15:14

Umbi chuibued tantiaquin nabansho mibitedi cun utsibo caimbi.

Uanën dada uaid 2:5

Adsho tantiatanquimbien aton titan actequid cushtobanquido chuiquin: Cun madon chiacpadombuen nabededta, capondash.

Hechos 9:6

Nidtoanec shubu dadpen icquid Damasco yacno nidec nid. Amboshon umbi: Nata, cacpadombuen ambocquid mibi chuimembique. Nidec nid, capanëdash.

Doma 15:33

Aden mibitedi tantiaquin nuqui bëdambo icmequid ma Nuquin Papa mibitedbëd icpanuna. Amen.

Doma 16:20

Mibitedi bëdambuec tabadmequid icquin mibi dëniacmequin Nuquin Papan matses icsambuen namequidquio Mayan Icsa Satanas cuenmendac. Ma Nuquin Icbo Esusën: Mibitedi tantiaquiembi, quequin mibitedi ismendac.

Codinto 1 10:31

Nuquin Papa bëdamboshë iquec, ma utsibo quenu, queshun pete peshun acte acquin bëdambuen nabanec tabadtedneta.

Codinto 1 14:33

Nuquin Papa bëdambuec tabadmianquid nec. Adquid yec tantiadenquio yec onquecuededsho bëdambuen istiapimbo icquid nec. Nuquin Papan tantiamiaido yec Esus tantiec icuededquido bëdambuec tabadquido nec.

Codinto 1 4:16

Adquid icquin umbi nabambocpadombuen naic bëdambuec tabadta, quequin mibitedi chiec nebi.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Pidipos 3:17

Tantia, cun utsibo, ubi yacpadquiec bëdambuec tabadta. Umbi chuibambocpadombuen utsibon nasho issun adombuembidi bëdambuen nata.

Pidipos 4:7

Aden Abi chiannesho Aidëmbi mibi natiamenquio icquin bëdambo icmendac. Adoac bëdambuec tabadsho isash utsibo: ¿Mitsipadec bëdambo yampash? quetsiash. Adecbidi mibitsen: ¿Mitsipadequini bëdambo yampo? quetsiac. Adash: Nuquin Papa ubi nashunquidquio yec ubi cudasquidquio nec, quequin Esuquidistu tantiec natienquio yec bëdambuec mibi tabadendac.

Tesadonica 1 1:6

Aden tantiaquid yec ubi Nuquin Icbo yacpadec chieshtoenquio icsho isash mibitsen chieshtoenquio iccondac. Umbi Nuquin Papan Chiaid chuibanac Nuquin Papan Mayan Bëdan namiacpadec cuishonquequin mimbi Esus tantiabenondac utsibon chieshënquin natiamequionobi.

Tesadonica 1 2:14

Cun utsibo, nidaid Udea caid yacnocquido yacpadquiec chieshtoenquio icquin mimbi Esus tantiec. Udea yacnoshon Esus tantiaquido icsho aton matses isadaidbon cuestiadquio icquin chieshënac chieshtoenquio iccondash. Adombuembidi min matsesën chieshënac mibitedi chieshtoenquio iccondac.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Tesadonica 2 3:4

Aden Nuquin Icbon bëdambo icmiac umbi chuibocpadombuen mibitedishun abi nabanendac, quequin tantiembi.

Timoteo 2 4:22

Nuquin Icbo Esuquidistu ma mibëd icpanuna, mado. Nuquin Papantsen mibëta Esus tantiaquido ma bëdambuen ispanuna, quequin mibitedi tantiaquin Nuquin Papa chiannembi. Amen. Aidted chuiquin dada uaombi.

Santiaco 1:22

Nuquin Papan Chiaid tantiashun nabanenquio iquequi: Ambi chiaid bëdambo iquec, quec mibibi mua uadenda. Nuquin Papan Chiaid mimbi tantiabocpadombuen nabanta.

Petedo 2 1:10

Tantia. Cun utsibo, mibitedi chuinu. Nuquin Papan: Cun matses canu, quequin Esus tantiamiaido mibitedi nec. Aden tantiamiaido icquin cute tapun nidaid ëquëducquio nidacbimbuen aid ënenquio icquin tantiaquid yec Esus tantiesa mibi yanuainquio iquendac.

Uan 1 3:22

Aden: Umbi chiacpadombuen ubi nashun, quequin chianniac nuqui nashunendac. Ambi chiacpadombuen naquin abi bëdambo icmiac Nuquin Papan nuqui chianniacpaden nuqui nashunendac.