Pidipos 4:8 - El Nuevo Testamento en matsés

⁸ Tantia, cun utsibo. Nëidtsen mibitedi chuinu. Abimbo chiaid tantiata. Matses abitedi bëdambuen isnuna, quequin chiaid tantiata. Icsaisambo icquid yec bëdambo icmianquid tantiata. Icsambuen chuishunenquio yaid tantiata. Aden bëdambuen nateuidquio tantiec tabadta. Aidtedi tantiec cuishonquec tabadta, quequin chiaidtedi tantiata.

Pidipos 4:8 Iomraidhean Croise

Mateo 22:16

Adshumbic: Icsambuen chuimetan, quequin chuiquid tapa Edodesbëd icquidobëta padiseobobëd icquido nidmiac icsambuen chuimenuec chochoshon chuituidpondash: Bëdambuen chuiquid mibi neque. En ubi chui. Tantianu. Muesambo icquin Nuquin Papan chiacpadec bëdambuec tabadte mimbi abimbo chuipoc. Matses dacuëdënenquio icquin Nuquin Papan Chiaidquio mimbi chuipoc.

Madcos 6:20

Uan Nuquin Papa tantiaquidquio yec bëdambocquid nec, queshun dacuëdquin cuessunnetiapimbo yec Edodes Uan cudaspanëdash: Cun chidon cuessunnemenushe, quiash. Aden tantiaquin Edodesën abi tsadacno Uan chuibanmenuen chomedednepanëdash. Uanën chuibansho tantiash: ¿Mitsipadopembimbi nëid iqueba? Ambi chuibanaid bëdambo iquec. Aidën chuisho tantiash bëdambo iquebi, queshun Edodesën chomedednepanëdash.

Ducas 16:15

Adec tabadsho issun Esusën: Bëdambuen nacbimbuen ismequido mibitedi icsho mimbi ompoquin naidtedi Nuquin Papan tantiec. Adembidi: Bëdambuen naquidquio nec, quequin matsesën isaidi Nuquin Papan bëdambuen istiapimbo iquec, quepanëdash Esus.

Ducas 2:25

Adnubien Edusaden yacnocquid Simeon cuëmëdquid Nuquin Papan: Naden nata, quequin Moises chiampid tantiaquin naquidquio icpanëdash. Aidi isadaidbon chuiquid tapa abentsëcquiobi Nuquin Papan Chomiaidquio cainquidquio icpanëdash. Aidi Nuquin Papan aton Mayan Bëda meniaidquio nepanëdash.

Ducas 23:50

Adnubien ambobi nidaid Udea yacnocquid shubu dadpen icquid Adimatea yacnoshon tishaid Ose cuëmëdquid isadaidbon chuiquid utsibobëd iccuededquid abentsëc bëdambocquid icpanëdash. Adquid yec: Isadaidbo chuiquido utsibo: Esus uënës uamenuna, quesho tantiash: Padi. Uënës uamenquioctiadquidi naic, quebued Ose nepanëdash. Aidi Nuquin Papan Chomiaid chuiquid tapa yansho iste bunquin cainquidquio yec adpanëdash.

Uanën dada uaid 7:18

Ambembi chuiquidën: Mabi matsesën: Bëdambo mibi iquec, canu, quequinuidtsëqui tantiaquin chuibanendac. Umbien: Ubi chomiondaidquio ma matsesën tantianu, quequin aidën chiaidquio abimbo chiec nendac.

Hechos 10:22

Adoaquien: Codnedio cuëmëdquidën chomiaid nebi. Aidi sondado dadpenshun chuiquid yec bëdambocquidquio nec. Adquid icquin Nuquin Papan chiacpaden nabansho issun isadaidbon bëdambuen isaidquio nec. Aidi Nuquin Papabëd icquidën naden chuipaccosh: Simon Petedo bedtan, cata. Bedtanac choshon chuibansho tantiata, quequin Nuquin Papabëd icquidën chuiposhi, quequin Codnedion ubitedi chuiuaposhi, quepanëdash Codnedion chomiaido Petedo chiec.

Hechos 22:12

Ambobi dada Ananias cuëmëdquid icpanëdash. Aidi: Nuquin Papan: Naden nata, quequin Moises chuiquin dada uamiampid tantiaquin naquidquio icsho ambocquido isadaidbon bëdambuen isaidquio icpanëdash.

Hechos 6:3

Niante chedo nashunquid icta, canuen dada 7ted nadquidquio istuidta. Nuquin Papan Mayan Bëdan tantiamiac bëdambuec tabadsho mimbi bëdambuen isaidquio istuidshun: Niante chedo nashunquin menequid icta, cata.

Doma 13:13

Icsambuen nainquio yec bëdambuec tabadquid nebi, queshun peteuidi nua penquio yec tabadquinc tantiadennuen acte paë uaid aquenquio icquinc utsin chido chudenquio icquinc utsin bënë chudmenquio icquinc canuna. Adecbidi utsina isash cuna adquid nibëdec, quiash chieshëmënec tabadenquio icnuna. Adembidi utsin namesho isash chieshëmënenquio icnuna.

Doma 13:3

Bëdambuec tabadquidon chuiquid tapan cuidte dacuëdëntiapimbo iquec. Adquido cuidenquio icquimbien ambi chiaid niacquido chuiquid tapan cuidendac. ¿Ada aido dacuëdënenquio yec tabadte bune? Adte bunec bëdambuec tabadta. Adsho issun: Mibitedi bëdambuec tabadec, catsiash chuiquid tapan.

Doma 14:18

Adec Esuquidistun chiacpadec tabadsho issun Nuquin Papan: Bëdambo iquec, canubi matsesëntsen: Aido bëdambo iquec, cauaindac.

Doma 2:29

Isadaidbo nebi, queshun shui dëbid dëtemequido yec bëdambuec tabadquin Nuquin Papa tantiaquidombo nec. Adquid icquin Moisesën chiampicpadombuenuidi nainquio yec Nuquin Papan Mayan Bëdan tantiamiacpadec bëdambuec tabadec. Adec tabadsho: Adquid bëdambo iquec, matsesën cainquio icnubi Nuquin Papan: Bëdambo iquec, caindac.

Codinto 1 4:5

Adquid icnuc utsibo isquin: Aid Icsambuen naquid nec, cainda. Nuquin Icbo choshombien icsambocquid cuidendac, quequin aid cainta. Aidëmbi matsesën ompodshon naidbëta ëquëducshun tantiaid chuibanquin tantiameshun cuidendac. Adoshombic utsibo chuiquin: Mibi bëdambuec tabadoc, quequin abentse abentsen chuibanquin Nuquin Papan bëdambocquid menebanendac.

Codinto 2 13:7

Aden tantiasho mibitedi tantiaquin: Icsambuec tabadmenda, Papa, quequin chiannembi. Mibi bëdambuec tabadsho issun: Pabadon chuibanaido nec, quequin mibi isquidon chuitsiash, ¿quequindambi Nuquin Papa chiannepadi? Padenquio. Esuquidistun: Ubi chuibenneta, caid Pabado nec, quequin tantiesa utsi utsiec icnubi: Nuquin Papan chiacpadombuen nabanquidquio ma mibi icpanu, quequin Nuquin Papa chiec nebi.

Codinto 2 6:8

Utsin utsinquien ubitedi bëdambuen isquin bëdambuen chuinubi utsibon ubi icsambuen chuishunaqui bëdambo iquebi. Bëdambuen chiaqui: Muaquid nec, quenubi abimbo chuiquidquio nebi.

Codinto 2 8:18

Adec Tito: Nidnu, quesho tantiashun nuquin utsibimbuecquid utsi: Titobëd nidta, caombi. Aidi Esuquidistu bëdambuen chuibanquid nec, Esus tantiaquid utsibon caidquio nec.

Codinto 2 8:21

Nuquin Papan isnubi ubitedishun bëdambuen nabanquin matsestedi ismequin adembidi bëdambuen nabanembi.

Cadasia 5:22

Padnuen Nuquin Papan Mayanën tantiamiaid nadec tabadquid. Nuquin Papa tantiec utsibobëd tantiananec bëdambuec tabadquid. Esus tantiec cuishonquec tabadquid. Nuquin Papan ubi bëdambuen isec, quec bëdambuec tabadquid. Utsibon chieshënaqui badedquio chieshtoenquio yec tabadquid. Utsibo tantiaquin nashunec tabadquid. Bëdambuen tantiaquin nabanec tabadquid. Chieshtoenquio icquin Nuquin Papa tantiec tabadquid.

Epeso 4:25

Bëdambuec tabadquid icnuec utsibobëd mua uannanenquio yec abimbo chuinanquido icta. Nuquitedi Esus tantiaquido yec dada abentsëc yacbimbuec tabadquido neque.

Epeso 5:9

Aidën tantiamiacpadombuen bëdambuen nabanec utsibo bëdambuen isec bëdambuec tabadendac. Adembidi muainquio icquin abimbo chuiquid icta.

Epeso 6:14

Aid cacunmec chieshtoenquiocquid icnuec Nuquin Papan Chiaidquio nacnëshëdacbimbuen abimbo tantiec tabadtedneta. Adecbidi ambi cudasënquin dayun uaid yec tsasimbocquid shictoncacbimbuec chieshtoenquio yec bëdambuec tabaduata.

Pidipos 3:1

Tantia, cun utsibo. Nuquin Icbo Esus tantiec cuishonqueta. Umbi chiondaid padpiden chuiuatiapimbo iquebi, quenquio icquin: Tantienquio yannushe, queshun umbi chiondaidbidi padpiden dada uaquin mibitedi chuiuanu.

Codosas 4:5

Esus tantiesabon ubi tabadsho isec, quiash Esus tantiec bëdambuec tabadta. Adec tabadquin Esus tantiesatsen chieshtomenquio icquin tantiamenu, quequin Esuquidistun chiaidquio chuibanta.

Tesadonica 1 4:12

Adec tabadec: Cuna nibëdeque. Mitsana bec cho, quenquio mibi ictsiac. Mibitedi adquid icsho isash Esus tantiesabo: Esus tantiaquido bëdambuec tabadec, quetsiash.

Timoteo 1 2:2

Adembidi Nuquin Papa chuiquin: Chuiquid Tapambobëta chuiquid tapa utsibotedi bëdambuen tantiame. Adoac aidon bëdambuen namiac cuessun secananenquio yec matses abitedi bëdambuec tabadtsiash, Papa, quequin Nuquin Papa chianneta.

Timoteo 1 3:11

Adquidën chido: Bëdambocquid nec, utsibon caidquio nendac. Utsin icsambuen naiduidi chienquio yec bëdambuec tabadquid nendac. Muainquiocquid nendac. Adquidquio Esus tantiaquido nashunquidën chido bëdambo ictsiash.

Timoteo 1 3:4

Adquidën aton chidobëta aton bacuëbo chieshmenquiocquin bëdambuen namequid nendac.

Timoteo 1 4:12

Mibi cania neque. Bëdambuec tabadta, mado. Ënden caniaidon: Caniampi icquin Nuquin Papan Chiaid mimbi tantienquio iquec, canushe. Bëdambuec tabadta. Esus tantiaquido utsibotsen ma ubi yacpadec bëdambuec tabadnu, quiash adta. Bëdambuec onquequinc matses tantiaquinc Esus tantiaquinc Nuquin Papan Chiaid niaquenquio icquinc caic bëdambuec tabadta.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Timoteo 1 5:2

Cun tabimbuecquid nec, queshun machobo bëdambuen chuibanta. Adembidi chido buntacbotsen: Cun chibibimbuecquid nec, queshun bëdambuen isquin: Nëid chudtiadquio icchitebi, quenquio icquin Nuquin Papan Chiaidquio chuibanta, mado.

Tito 1:8

Adquid icquin Esuquidistu tantiaquid isedquid chosho issun aton shubun iuedquid nendac. Adecbidi utsibobëd bëdambuec tabadte bunquid nendac. Adecbidi bëdambuen tantiaquin: Aden naic icsambo ictsiabi, quequid nendac. Adecbidi: Naden naic bëdambocquid yantsiabi, queshun bëdambuen naquidquio nendac. Adecbidi abimbo chuiquidquio icquin icsambuen nabi icquid cuidenquiocquid nendac. Adecbidi Nuquin Papan namiaid yec aidën chiacpadombuen nabanquid nendac. Adquid icquin ambi icsambuen nate bunaid nainquiocquid nendac, quequin chuita, Tito.

Tito 2:14

Nuqui cainaid nuqui icsambuen naidtedi bedshunec abided cuidadec Esus uënëspanëdash. Adec uënësaid tantiaquid yansho: Cun matses caido yec bëdambuec tabadquid nendac, quequin chiaid tantiameta, Tito.

Tito 2:2

Tsësiobo naden chuibanta: Mimbi icsambuen nate bunaid nainquio yec tabadta. Mibi bëdambocquid nec, utsibo camenuec bëdambuec tabadta. Aden naquin icsambuen natsiambi. Naden naic bëdambocquid yantsiabi, queshun bëdambuen nata. Adembidi Nuquin Papabëta Esus tantiaquiota. Adecbidi utsibobëd tantiananec tabadquin natiamiantequid icnubi chieshtoenquiocquin Esus tantiaquiota, quequin chuibanta, Tito.

Tito 2:7

Bëdambuec tabadquin tantiamequin ismenu, quiash bëdambuec tabadta. Adembidi icsainquio yec bëdambuec tabadquin ismeta. Adembidi mamënshunmenquio icquin bëdambuen chuiquin tantiameta.

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Ebedeo 11:2

Nuquin tsusedpabon: Abimbo caic, queshun abi tantiec tabadsho Nuquin Papan bëdambuen ispampic.

Ebedeo 13:18

Ubitedi tantiaquin Nuquin Papa chianneta. Nuquin Papan: Mimbi icsambuen naic, canushe, queshun bëdambuen tantiaquin naic tabadebi, quioshe. Adembidi bëdambuen tabadme, Papa, cata.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Petedo 1 2:12

Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.

Petedo 1 4:8

Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.

Petedo 2 3:1

Tantia cun utsibo. Umbi tantiaido icsho mibi chuinu. Adombuembidi mibitedi chuiquin padpiden dada uanu. Bëdambuen tantiaquid icquin tantiaquiec bëdambuec tabadta, quequin mibitedi chuiquin daëden dada uaic nebi.

Uan 1 3:18

Cun bacuëbobimbuecquido icsho umbi tantiaido mibi neque. Utsibo tantiaquin nashunquid nebi, quec onqueuidequi onquenda. Utsi tantiembi, quequin mimbi tantiacpadombuen aid tantiaquin nashunquin ismeta.

Uan 1 3:3

Adquid yantequid nebi, quequin caimbudec Esuquidistu icsambuen nainquio yec tabadondacpadquiec nuqui icsambuen nainquio yec tabadendac.

Uan 1 4:1

Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.