Pidipos 4:18 - El Nuevo Testamento en matsés

¹⁸ Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Pidipos 4:18 Iomraidhean Croise

Hechos 10:4

Adsho tantiash cumapenec dacuëdquin Nuquin Papabëd icquid bëisec: ¿Atotsi ubi chuinuec ne, Icbo? capanëdash Codnedion. Adoaquien: Abi chiec mibi onquedednesho Nuquin Papan tantiosh. Adembidi atona nibëdquido tantiaquin menedednequid icsho Nuquin Papan bëdambuen isaid mibi neque. Tantia. Chuinu.

Doma 12:1

Tantia, cun utsibo, Nuquin Papan cuidte bunenquio icquin bëdambuen isaido icsho mibitedi chuinu. Abi bunaidquio obeca bëdambocquid pichicaquin ismiacbimbuen: Umbi nate bunaid nainquiocquin mimbi nate bunaid bunebi, Icbo, quequin Nuquin Papa chianneta. Aden chiannec Esus tantiec iccuededtequid nendac.

Codinto 2 11:8

Ma utsibo Esuquidistu chuibennenu, queshun Esuquidistu tantiec iccuededquid utsibon atona sambededaid bedondambi. Aid bedshumbic mibi yacno nidash tabadquin mibi nashunquin Esuquidistu chuibanondambi.

Codinto 2 9:12

Atona nibëdquid Esuquidistu tantiaquido nashunquin ma menenu, quequin meniaid buanshun menebanquin mimbi bëdambo icmiaido dadpen iquendac. Aden mimbi meniaidon: Nuquin Papa bëdamboshë iquec, quequin chiendac.

Epeso 5:2

Nuqui tantiaquidquio Esuquidistu nec. Adquid icnuc utsibobëd tantiananec tabadta. Nuquitedi tantiaquidquio yec abided cuidadec uënëspanëdash. Adec abi uënësaid nuadte bëda shëdtequid pichicacbimbuen nasho isash Nuquin Papa: Bëdambo iquec, quepanëdash.

Pidipos 4:12

Cun piucquid dadpen icnuc bëdambo iquebi. Cun piucquid nibëdnubi adecbidi bëdambo iquebi. Pec cubudash adecbidi bëdambo iquebi. Buna natiambo icnubi adecbidi bëdambo iquebi. ¿Atoda natiambo iquec? quec bëdambo iquebi, quequin tantiabenondambi.

Tesadonica 2 1:3

Tantia. Cun utsibo, Nuquin Papa bëdamboshë iquec, quequin chiannequid icquin mibitedi tantiaquin Nuquin Papa chiannembi naden. Esus bëdiactsëc tantiactsëcbuedombi Tesadonica yacnocquidon nëbi Esus tantiabededquiosh, quequin chioshi, Papa. Adecbidi bëdiactsëc tantianambuedi nëbi cumapenec utsibobëd tantiananquiosh, quequin chioshi. Aden aido bëdambo icmec mibi bëdamboshë iquec, Papa, quequin mibitedi tantiaquin chiannembi.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.