Pidipos 4:14 - El Nuevo Testamento en matsés

¹⁴ Ubi ad icnuc: Atona nibëdnuc natiatsiash, queshun mimbi ubi bëdambuen tantiaquin: Nashunnuna, queshun bëmiaid isash bëdambo iquebi.

Pidipos 4:14 Iomraidhean Croise

Mateo 25:21

icbon: Ai, cun iua bëdambocquid mibi nec. Umbi daëdpactsëc meniondaidi daëd uaquin umbi chiacpadombuen mimbi bëdambuen nac. Nëbi dadpen namequid icta. Ubëd cuishonquec tabadec cho, caposh.

Doma 15:27

Aden ambi tantiacpaden naid bëdambo iquec, caombi. Edusaden yacnoshon isadaidbomba Esus tantiapanëdash. Adshumbic aidon chuibenniac matses utsibontsen tantiabempanëdash. Aden abi nashunquin chuibanquido caic: Piucquid nibëdec, quiac caoshe. Aido ma menenu. Nashunnuna, quesho tantiashun: Bëdambo iquec, caombi.

Cadasia 6:6

Esus tantiaquido icsho: Nadec tabadquid, quequin chuibanaido icquin Nuquin Papan Chiaid abi chuibanquid nashunquid nendac.

Pidipos 1:7

Adquid yanshun ubi chieshënenquio icquin mimbi ubi tantiaquiec. Adsho mibitsen tantiaquiembi. Nëbi quënën tsadunondac abi tsadebi. Aden quënën tsadunaqui Nuquin Papan Chiaid Bëda chuibanquin tantiamiac: Abimbo caic, queshun ma tantiabennu, quequin chuibanembi. Adembidi chuiquid tapabo tantiamequin chuidenniondambi. Adquid icsho mibitedishun ubi tantiaquin mimbi ubi nashunoc.

Pidipos 4:18

Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Timoteo 1 6:18

Aidbidi chuiquin: Bëdambuec tabadquin utsibo nashumbanquiota. Adembidi cudasenquio icquin mitsana utsibo menianneta.

Ebedeo 10:33

Aden Esus tantiasho mibitedi utsi utsien icsambuen chuishunquin mamënshunquin abitedi ismequin cuesquin mëyanquin natiamepanëdash. Aden natiamiacsho isash Esus tantiaquid utsibo aidobëd shubitiadquio yec natiec tabadpanëdash.

Ebedeo 10:34

Adecbidi mibitedi Esuquidistu tantiaquid utsi quënën tsadunaid icsho isash uënësquio icquin aid tantiaquin mimbi nashumpondac. Adecbidi mibi chieshënquidën mitsana bedacsho isash cuishonquepanëdac. Nuquin Papan abi yacnoshon cuna bëdamboshëcquid nibëdantiapimbo icquid bedtequid iquec, quequin tantiec: Bëdambo iquebi, quec mibi cuishonquepanëdac.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Esusën Uan ismiaid 1:9

Esusbëd iccondaidquio Uan nebi. Mibëtan Esus tantiaquid yec min utsi nebi. Esus tantiaquid icsho Nuquin Papan namiaido yec aidbëd tabadtequido nuqui nec. Esus tantiasho mibi natiamequin chieshënacpadembidi Esus tantiesabon chieshëmpondashi. Adoaqui Esusën namiacpadec chieshtoenquio icquin abi Esus chuibenniondambi. Adsho issun Esus chieshënquidon quënën tsadunacbimbuen cuenmenquio icnuen acte dapa mad caid nidaid nacnëdquid tapa Padmos caidën tsadunondac abi tsadec nebi.