Pidipos 4:10 - El Nuevo Testamento en matsés

¹⁰ Nëbi mimbi bëmiaid bedash cuishonquec bëdambo iquebi. Ënden aden meniondashumbic nëbi iuectanneshun ubi tantiaquin mimbi meniaid bëuacsho bedombi. Nuquin Icbon tantiamiacpadombuen: Padpiden menenuna, queshun piucquid bëmiac, quiash bëdambo iquebi. Ubi tantienquio yanondash ¿quequindambi mibitedi tantiape? Padenquio. Buanquid nibëdnuc niondash, quequin tantiombi.

Pidipos 4:10 Iomraidhean Croise

Codinto 2 11:9

Adec mibi yacno tabadquin Esuquidistu chuibanec cuna nibëdnuc: Bec cho, quenquio iccondabi. Nidaid cuëshë Masedonia caid yacnouësh choquidëmbini meniondash. Aden ënden: Bec cho, mibi cainquio iccondacpadembidi nëbi mibi yacno niduash: Bec cho, quenquio ictsiabi.

Codinto 2 6:7

Nuquin Papa nadatiambocquidën namiac Ambi Chiaid abimbo chuibanec bëdambo iquebi. Natiamiantequid icnubi: Ma utsibon ambi icsambuen naid ëmpanu, queshun ënenquio icquin abimbo chuibanec nebi. Utsibon: Icsambuen naquid Pabado nec, caqui adembidi Nuquin Papan chiacpadombuen nabanembi.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Cadasia 6:6

Esus tantiaquido icsho: Nadec tabadquid, quequin chuibanaido icquin Nuquin Papan Chiaid abi chuibanquid nashunquid nendac.

Pidipos 1:1

Esuquidistun iuambo Pabado nebi. Aidën iuabidi Timoteo ubëd iquec. Aidbëtan shubu dadpen icquid Pidipos yacnoshon Esus tantiaquido icsho mibitedi tantiembi, quequin dada uaimbi. Nuquin Papa tantiaquido yec Esuquidistubëd daëdash abentsëc yacbimbuecquido mibitedi nec. Adembidi chuiquid tapabobëta mibi nashunquido tantiembi.

Pidipos 1:3

Adembidi mibitedi tantiadednequin: Aden aido mibi tantiamec mibi bëdamboshë iquec, Papa, quequin chiannembi.

Pidipos 2:30

Esuquidistun chiacpadombuen naic ubëdi tabadec choash ubi nashunec nëncuenash Epapadodito uënëstsenosh. Chotiapimbo icquin mimbi: Nashuntan, cac choash nibëdantsenoshe. Mibi yacno nidacsho bëdambuen ista.