Pidipos 3:6 - El Nuevo Testamento en matsés

⁶ Adquid icquin Moisesën chiampiduidi nate bunquin icsambo icquido danquin Esus tantiaquido cuessun secamete bunquiondabi. Aden nasho ubipadquid utsibon: Mimbi icsambuen naic, catiapimbo iccondashi.

Pidipos 3:6 Iomraidhean Croise

Mateo 23:25

Moisesën chiampid tantiamequidobëd padiseobo, bëdambocquid danmianquido yec icsambocquido icsho Nuquin Papan cuidtequidombo mibitedi nendac. Padapadaidbëta dëshote chieshquin cachocuidtsëqui dapanshun anauc ampanambo icquidi ampanaid danmianacbimbuec bëdambuec tabadquid danmianquido mibitedi nec. Nuquin Papan Chiaid dadpen nainquio icquin mitsanauidi bednuen mibi bunaiduidi naquin mimbi ampepec.

Mateo 5:20

Moisesën chiampid tantiamequidobëd padiseobo Nuquin Papan namiacno puduedtequidoen mimbi dampec. Aido abi bëdambocquid danmianashic ompodshon icsambuen naquido nec. Adash Nuquin Papan namiacno puduedtiapimbo iquendac. Adecbidi Nuquin Papan Chiaid niac niaquec tabadash Nuquin Papan namiacno mibitedi puduedtiapimbo iquendac, quequin Esusën chuibampanëdash.

Ducas 1:6

Aidi aton bënëbëdi Nuquin Papan Chiaid tantiaquin nabanquidquio icpanëdash. Adquid icsho Nuquin Papan bëdambuen isaidquio aid daëd icpanëdash.

Hechos 21:20

Aden chuisho tantiash: Nuquin Papan namiaid bëdambo iquec, quetanquin naden Pabado chuipondash: Nëmbo Esus tantiaquid isadaidbo dadpenquio iquec. Aido Nuquin Papan Moises dada uamiampid: Naden nata, quequin chiaid naban, quequin chuiquido nec.

Hechos 22:5

Umbi aden tsadunmebanondaid nëish iua cuessunneshun pichicaquidon chuiquid tapabëtan nuquin chuiquid utsi tsësiobon isondashun tantiec. Shubu dadpen icquid Damasco yacno nidshun Esus tantiaquid bedmeshun Edusaden yacno cuidmenuen bëmenu, quesho tantiashun Edusaden yacnocquidon chuiquidon: Ai, adotan, quequin dada uaid meniac bedondambi Damasco yacnocquid isadaidbon chuiquido ismenuen.

Hechos 26:5

Padiseobo icquin padiseobon: Naden nata, quequin chiaidtedi niaquesambo nebi. Padiseobon: Pabado adquid nec, quequin chuitiadquidi nec.

Hechos 8:3

Adnubien Esus tantiaquidtedi chieshënquin Saudon shubun shubunquiec puduedcuennequin dadabëtabi chido bedmeshun quënën tsadunmebampanëdash.

Doma 7:9

Nuquin Papan Chiampid tantiabi yec cuidte dacuëdënenquio yec bëdambo iquebi, quiondabi. Adshumbic Nuquin Papan Moises dada uamiampid issumbi: Ambi chiaid niac niacquin icsambuen naquidquio nebi, quec

Codinto 1 10:32

Nëidtedi ismequin: Icsambo iquec, camenda. Nëidic isadaidbo. Nëidic matses utsibo. Nëidic Nuquin Papan tantiamiac Esus tantiaquido. Aidotedi: Icsambo iquec, camenda.

Codinto 1 15:9

Esusën: Ubi chuibenneta, caid utsibo chuiquidquio icnubi ubi adquidpenquio nebi. Adquid icsho Esusën: Ubi chuibenneta, caid nec, ubi cainquio ictiadquidi nec. Esus tantiaquido chieshënquin cuessunnepadennembi.

Pidipos 2:15

Esus tantiaquido icsambo iquec, utsibo quenushe. Adenda. Nuquin Papan: Cun mado nec, cun champi nec, caido yec bëdambuec tabadta. Matses dadpenquio abi icsate bunacpadequi icsamboshëcquido icnubi adequi bëdambuec tabadta. Adec tabadquin icsambo icquido mimbi Esus tantiametsiac paposhquiacbimbuecnuc. Aden nabanec mibitedi bëdambuec tabadendac.

Pidipos 3:9

Esuquidistubëd daëdash aidbëd abentsëc yacbimbuecquid nebi. Adquid yec Moisesën chiampicpadombuen naquin aidën chiacpadombuen nainquio icchitembi, quequin tantiec nadondabi. Nuquin Papambien Esuquidistu umbi tantiasho ubi bëdambuen isquin ambi chiacpadombuen ubi namec, quequin tantiabenondambi.

Timoteo 1 1:13

Ënden Nuquin Papan Madopenquio danquin tantiesa icquin Esus icsambuen chuishunondambi. Abi tantiaquido chieshënquin cuessun secate bunquiondabi. Aton Mado Esus tantiasho Nuquin Papan ubi bëdambuen istsiash, quenquio icquin adopondambi. Adshobini: Pabadon abimbo tantiabi iquec, queshun Nuquin Icbon umbi icsambuen naid bëshunquin cuidenquio icpondashi.