Pidipos 3:3 - El Nuevo Testamento en matsés

³ Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.

Pidipos 3:3 Iomraidhean Croise

Doma 1:9

Aden abi tantiaquidquio icquin umbi Ambi Chiaid Bëda aton Madon naid chuibennequin mibitedi ënenquio icquin tantiasho isash Nuquin Papa: Abimbo caic, quendac.

Doma 15:17

Aden Esuquidistun namiacpadombuen naic bëdambocquid nebi, quequin Nuquin Papan chiacpadombuen naimbi.

Doma 7:6

Adquid icbuedëmbi nëbi uënësacbimbuen padpiden Nuquin Papan Moises chuiquin dada uamiampicpadombuen naic tabadte bunenquio nuquitedi yanondac. Nëbi icsambuen naid ënash utsiacbimbuec bëdambuec tabadquin Nuquin Papa tantiaquido nec. Ënden ambi Moises chuiquin dada uamiampicpadombuen nabambuedi nëbi Nuquin Papan Mayan Bëdan tantiamiacpadec nuquitedi bëdambuec tabadec.

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Doma 8:39

abuc nidacsho cuëshëdmenquio icquinc, nidaid ëquëducquio nidacsho cuëshëdmenquio icquinc, Nuquin Papan uaid utsi abitedishun cuëshëdmenquio icquinc nuqui caindac. Nuquin Papan nuquitedi bëdambuen tantiaido icsho ënenquio icquin Nuquin Icbo Esuquidistun nuquitedi cuëshëdmenquio iquendac.

Doma 9:6

Umbi chuibocpaden cun matses isadaidbo dadpenshun Esuquidistu tantienquio iquec. Adsho issun Nuquin Papan ambi chiampicpadombuen nainquio iquec ¿quectabi que? Padenquio. Cun matses dadpenshun Nuquin Papa tantienquiocsho issun Nuquin Papan: Cun matses nec, cainquio iquec.

Codinto 2 11:18

Bëdambuen naombi, quequin ambi nabanaid utsibo dadpenshun chuibanec, quequin tantiaquin adombuembidi umbi nabanaid chuibanuaimbi.

Cadasia 5:25

Aden Nuquin Papan Mayanën bëdambuen tabadmiaid icquin nëbi aidën tantiamiacpadombuen nabannuna.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Pidipos 1:1

Esuquidistun iuambo Pabado nebi. Aidën iuabidi Timoteo ubëd iquec. Aidbëtan shubu dadpen icquid Pidipos yacnoshon Esus tantiaquido icsho mibitedi tantiembi, quequin dada uaimbi. Nuquin Papa tantiaquido yec Esuquidistubëd daëdash abentsëc yacbimbuecquido mibitedi nec. Adembidi chuiquid tapabobëta mibi nashunquido tantiembi.

Pidipos 3:12

Tantia, cun utsibo, mibitedi chuinu. Nuquin Papan Chiaid niaquesambo nebi ¿quectabi ique? Abitedimbo tantiabenombi, ¿quectabi ique? Padenquio. Aden tantienquio yec abipadquid bëdamboshë icmenuen abided cuidadquid icquin Esuquidistun tantiamiondashi, quequin aid tantiec bëdamboshë icte bunquiebi.

Pidipos 3:14

Abia choquid bëdamboshëcquid menete iquec, quequin chiac aiduidtsëqui tantiec titinquiacbimbuen Esuquidistu tantiaquin aidën chiacpadec bëdambo icte bunebi. Esuquidistu uidtsëqui tantiec uënësacsho Nuquin Papan bëdamboshëcquid menequin abi yacno ubi tabadmec, quiash bëdambo icte bunquiebi.

Codosas 2:11

Nuquin Papan: Cun matses nec, quequin cuënaid nuqui nec, queshun isadaidbon shui dëbid dëtemebampec. Padnuen Esuquidistubëd abentsëc yacbimbuec tabadsho mibitedi Nuquin Papan: Cun matses nec, capec. Adoac icsa sandoshon secacbimbuen icsambuen nate bunenquio mibitedi iquendac.

Udas 1:20

Cun utsibo, umbi tantiaidombo mibitedi neque. Chieshtoenquio icquin Esus tantiaquiota. Adquid icquin aton Mayan Bëdan tantiamiacpadombuen Nuquin Papa chianneta.