Pidipos 3:19 - El Nuevo Testamento en matsés

¹⁹ Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.

Pidipos 3:19 Iomraidhean Croise

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Mateo 25:41

Adoshombic Abitedishun Icbombo icquin ubi tantiesabo yec cun copioc tabadquidotsen naden chiendambi: Nuquin Papan cuidtequido icquin mibi icsaid ënte bunenquio icbuedo mibitedi neque. Nuquin Papan Mayan Icsa Satanasbëta podobitsi icsabo cuidacno ënëdenquio yec chian annëdënquiacno nid, caindambi.

Ducas 12:19

Adashic abibi onquec: Cun pete dadpenquio icquid baded naimëdenquio iquec. Ad icnuc chonoadenquio yec iuec tabadquin cuishonquequin peshun aquembi, quec atona dadpen icquid onqueposh.

Ducas 16:19

Adshumbic utsi chiacbimbuen Esusën naden chuipanëdash: Dada atona dadpen icquid dashcute bëdaidquio dasiuidquidën badiadquidën badiadquidënquien utsibo dadpen chochomeshun nua pemeshun acmededneposh.

Ducas 18:4

Aden chuidedniaqui abi chieshënquin icsambuen naquid cuidte chienquiocbuedëmbi chido ënëdenquio yec nidted nidtedquin adombuenuidi chuisho tantiashun: Nuquin Papa dacuëdënesa yec matses tantiesa nebi,

Doma 16:18

Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Doma 6:21

Adec tabadnuc ¿atotsi mibi bëdambo icmiante iccosh? Nëbi mibitedi icsambuec tabadquido icquin mimbi naid chienquio yec dacuëdec uënësacbimbuec tabadsho ënenquio icquin cuidacno nësecaindac.

Codinto 1 3:3

Esus tantiesa tabadacpadec chushcananquido yec Esus bëdambuen tantiabenabictsëcquido mibitedi nec. Adquido iquec Nuquin Papa tantiesabon tantiacpaden tantiaquido mibitedi nec.

Codinto 1 5:2

Adquid icnuc mibitedi: Ubiuidtsëqui bëdambocquid nebi, quenquio yec uënësquio yec tabadta. Aden icsambuen naquid icsho issun aid dada mibitedi iccuededacno tabadmenquio icquin uënësquio icquimbi ëndembi cuenmepatecnëdan, caimbi.

Codinto 1 5:6

Adquid icnuc mibitedi: Ubitedtsëqui bëdambo icmiaido nec, quenda. Matsesën naden chiaid iquec: Pan bidiscamete aniactsëc cabiunac pan abichobi bidisquec, quequin chiaid mimbi tantiec.

Codinto 2 11:12

Aden mibi tantiaquin umbi naondacpadombuembidi: Bec cho, cainquiocquin abi Esuquidistu chuibennec nebi. Adnubi: Bëdambuen chuibanquid nec, mimbi caido: Pabadon nacpadombuen nabanec tabadebi, quetiapimbo ictsiash.

Codinto 2 11:15

Adquid icnuc adquiecbidi ambi namiaidtedi bëdambocquidbimbuec capucuededec. Adquid icbuedi abitedi cuidte uëshë chonoc aidon icsambuen naid chuiquin Nuquin Papan cumapenen cuidendac.

Cadasia 6:13

Aden shui dëbid dëtemequidombi Moisesën chiampidtedi natiapimbo iquec. Adquid yec aido: Umbi chiacpadombuen nëidon naosh, quenuembien mibitedi shui dëbid dëtemetiadquio icchitec. Aden mimbi nabanquin ismiac umbi chiacpadombuen tantiaquin nabanquido nec, quiash: Ubiuidtsëqui bëdambocquid nebi, quenuec neque. Aidën chiacpadombuen nainda.

Pidipos 2:21

Utsibombien atonauidtsëqui tantiaquin Esuquidistun chiacpadombuen natiapimbo iquec.

Codosas 3:2

Aden abuc tabadte tantiaquid icquin nëid nidaidën icquiduidi tantiec tabadenda.

Tesadonica 2 1:9

Abi yacno puduedmenquio icquin icsambuen naquido ënëdenquio yec mëyadnuc cuidacno nidmendac cuentiapimbo icnuc. Adoac Esus abitedishun Icbombo yec bëchamauanquiec bëdamboshë isadsho isequi aidbëd tabadtiapimbo iquendac.

Tesadonica 2 2:12

Aden Ambi Chiaidquio tantiatiapimbo icquin aid niacniaquec icsambuen nateuidi bunsho Nuquin Papan cuidquiendac.

Tesadonica 2 2:8

Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.

Timoteo 1 6:5

Pabiate shëcuë nibëdacbimbuen Nuquin Papan Chiaidquio bëdambuen tantienquio yec chushcananendac. Nuquin Papan Chiaid chuibanquidën piucquid dadpen bedte danec chuibanquidbidi ictiadquio iquendac.

Timoteo 2 3:4

Nëidic bëdambocquid danmianashi mua uanquido. Nëidic bëdambuen tantienquio icquin ambi natemaid naquido. Nëidic: Ubiuidtsëqui bëdambo iquec, quec abibi datantiadquido. Nëidic ambi naiduidi bunquin Nuquin Papa tantiesabo.

Santiaco 4:16

Aden chienquio yec mibitedi: Aid badiadën umbentsëqui aden naimbi, quec onquec: Ubiuidtsëqui bëdambocquid nebi, quiacbimbuec onquiaid icsambocquid nendac.

Petedo 2 2:1

Isadaidbo Nuquin Papan oncamiaidon abimbo chuibannubien isadaidbobidi utsi utsiec: Nuquin Papan nadoendac, quec muaquin chuibanquid icpampic. Nëbi adquidbidi muaquid mibitedi yacno iquendac. Aidon mibëd tabadquid abitedi abimbo tantiamenquio icquin icsambuen tantiamenuen ambembi chiaid chuibanec muaindac. Nuquin Papa matses bëdambuen ismenuec abided cuidadec Nuquin Icbo Esuquidistu uënësnëdash, quetiapimbo iquebi, quequin chuibanendac. Aden chuibanquid icsho Nuquin Papan cuidtequidombo nendac.

Petedo 2 2:13

Utsibo natiamequin mëyadmequido icsho issun aido natiamiac mëyadquiendac. Nuquin Papan Chiaid niac niacmequin muaquidon utsibo icsamesho issun Nuquin Papan cuidendac, quiash dacuëdtiadquidi icsateuidi bunec inchëshën icsash badiadëntsen icsaic bëdambo iquebi, quec adquido cuishonquec. Esus tantiaquin pebedednuec mibitedi chochoash tabadacno mibëd tabadec muaquidotsen chochopac caosh. Adquidbidi nebi, quiash mibëd tabadec aid icsasho isash: Esus tantiaquido abitedi icsaic, quependac utsibo.

Petedo 2 2:3

Muaquidon chuisho tantienda. Aidon piucquid cumapenec bunquin aid dadpen bedquimbi ambembi chiaidquio mibitedi chiec. Muasho tantiashun ambi ëndenquimboshë tantiampicpadombuen aido cumapenen Nuquin Papan cuidtequidombo nendac.

Udas 1:10

Padnuen muaquidon ambi tantienquio yaidi icsambuen chuishunec. Aido nëishën tantienquio yacbimbuec tabadquin ambi tantiaiduidi naic tabadec. Aden nabanec tabadquin ambibi Nuquin Papa cuidmendac.

Udas 1:16

Aido cuidtequido iquec aton chuiquid tapabon chiaid tantienquio yec: Icsambo iquec, quiash icsambuen chuishunquin abitedi chieshënec tabadec. Ubiuidtsëqui bëdambuen naquidquio nebi, queuidequi iquec. Ubi bunacpadombuen ma nanu, quiash matses utsibo chiec: Umbi tantiaidquio mibi nec, quec muaic.

Udas 1:4

Esus tantiaquido danmianquiec mibitedi icsambuen namenuec mibi yacno muaquido puduedac caosh. Ambi ëndenquimbo chuiquin dada uamiampicpadombuen Nuquin Papan cuidtequidombo aido nendac. Adquido icquin: Esuquidistu Nuquin Icbopenquio neque. Aidën chiaid nainquio icnuna. Nuquin Papan bëdambuen isaidombi Ambi Chiaid niacniacquin abi bunaiduidi naquin ambi natemaidi nasho issun nuqui cuidenquio iquec, quequin chiec cumapenec muaique. Aden chiec muasho tantienda.

Esusën Uan ismiaid 18:7

Babidonia yacnocquido mëyadec natianuc cumapenen cuidquiendambi. Ambi naiduidi naquin atona dadpenquio bedash aidtedi dayunuaic nadec onquec: Ubiuidtsëqui chuiquid tapa yec bëdambo iquebi, quepec cuidte tantienquio iquequi. Adquid iquec otacquio tantiec: Cun iuabo matses dadpen icnuc bëdambo iquebi. Niantepenquio nebi. Adquid iquec mëyadenquio iquebi, quepec chido chuiquid tapa onquiacbimbuec.

Esusën Uan ismiaid 19:20

Adshobien acte ëquëducuësh chobued aben icquid tapa icsamboshëcquid bedposh. Adotanquimbic aid tantiamequid nidaid shëcuënuësh chobued muaquin oncamiaidtsen bedposh. Aidi nadatiambocquin nabanquin muaquin aton chuiquid tapa icsamboshëcquidën chiacpadombuen matses namequidquio neposh. Adec muaquin aton chuiquid tapabimbuecnuc nacnenmequidtsen neposh. Adecbidi: Cun chuiquidën iuabo nec, quequin matses dadpen bësiadmequimbi mësiadmequid neposh. Adec icsamianquidquio icsho bedposh. Aton chuiquidbëta bedshun cuessunniambobi ënëdenquio yec chian annëdënquequid icsamboshë nuadquid yacno nësecaposh.

Esusën Uan ismiaid 21:8

Adoshombic nadquidtedi cuidendambi. Nëidic dacuëdquin ubi tantiauidbuedo. Nëidic Esus tantiesabo abitedi. Nëidic chieshëmënquido. Nëidic chieshëmënec cuessunnianquido. Nëidic aton dada utsibëdi chichudnanquido. Nëidic chido daëd dachudnanquido. Nëidic aton chidopenquio chudquido. Nëidic aton bënëpenquio chudmequido. Nëidic nënëchoquido. Nëidic ambibi nacnenaidi papa caquin tantiaquido. Nëidic mua uanquido. Aidotedi chian dapa ënëdenquio yec annëdënquequid icsamboshë nuadquid asupede caid padpidec uënëste caid yacno nësecaindambi, queposh.

Esusën Uan ismiaid 22:15

Adec aido tabadnubi nadquidtedi ambo puduedtiapimbo yec umanucquio tabadendac. Nëidic icsambocquid yec chieshëmënquido. Nëidic nënëchoquido. Nëidic aton dada utsibëdi chichudnanquido. Nëidic aton chidopenquio chudquido. Nëidic aton bënëpenquio chudmequido. Nëidic aton chido utsibëd dachudnanquido. Nëidic chieshëmënec cuessunnianquido. Nëidic ambi nacnenaid papa caquin tantiaquido. Nëidic abi bunaiduidquio naic mua uanquido. Adquidotedi Nuquin Papa yacno puduedtiapimbo iquendac.