Pidipos 2:7 - El Nuevo Testamento en matsés

⁷ Adquid icbuedi atonatedi nianec nidaidën chopanëdash. Adec iuabimbuecquid yanec matsesash nuquipadquidquio yampanëdash.

Pidipos 2:7 Iomraidhean Croise

Mateo 12:18

Nëid Umbi Chomiaid umbi namiaidquio nec. Umbi tantiaidquio nec. Adquid icsho isash cuishonquebi. Cun Mayan aidbëd icmendambi. Adoac nidaid utsi utsiec yacno tabadquidtedi Nuquin Papan matses bëdambuen iste tantiamequin chuibanendac.

Mateo 20:28

Adecbidi Matsesën Tishaid icsho mabi matsesën nashunnu, quecpenquio chondabi. Adenquio icquin matses nashunquin Nuquin Papa icsambuen naquidobi cuidmenquio icnuec ubided cuidadec uënësendabi, quequin Esusën ubitedi chuipondash.

Madcos 9:12

Adoaquien Esusën: Ai, abimbo chiosh. Matses bëdambuec tabadmenuec Edias bëyuc choendac, quequin Nuquin Papan Chiampid iquec. Adquid icnuc ¿atotsi queshun Matsesën Tishaid yec nëbi tabadsho matsesën chieshënquin natiamequin mëyanendac, quequin chiampid icuapec?

Ducas 22:27

Abi pemequid abi nashunquid nec. Adembidi pec tsadquid chuiquid nec, quequin utsibon ispec. Aden tantienda. Ubien mibëdi pec tsadquid yequi mibitedi nashunquidquio nec.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Doma 1:3

Aden Nuquin Papan chiampicpadequi chidon tishaid yec isadaidbon chuiquid tapa Dabid yampidën tsiuecquid Esus nepanëdash.

Doma 15:3

Adembidi Esuquidistun abi bunacpadenuidi nainquio icpanëdash. Aden nainquio icte chuiquin Nuquin Papan naden dada uamepampic: Mibi chieshënquin icsambuen chuishunsho tantiash ubitsen chieshënquin chiacbimbuen chiec, quiash uënësquio iquebi, quequin chuipampic.

Doma 15:8

Esuquidistu choshon cun tsusedpa Nuquin Papan dada uamequin chiampicpadec isadaidbobëd tabadquin aido nashumbampanëdash. Aden nashunquin: Nuquin Papa ambi chiampicpadombuen naquidquio nec, quequin tantiamenuen adopanëdash.

Doma 8:3

Moises dada uamiampidën chiacpadec matses bëdambuec tabadtiapimbo yec uidëmpentsëcquio icsho issun Nuquin Papan aton Mado matses uidëmpentsëcquiocquid yacbimbuecquid chomepanëdash. Adshumbic Nuquin Papan icsambuen naquido cuidenquio icnuen aton Madoded cuidmequin uënës uamepanëdash.

Codinto 2 13:4

Aidi nadatiambocquid icbuedi matses yec uidëmpentsëcquio icsho cueste napotiaidën dectanac uënëspanëdash. Adoacsho Nuquin Papan uincuenmiac uënësesa yampanëdash. Aid tantiaquidquio icquimbi umbibi nadatiambocquin nabantiapimbo icshobi abi chuibanquid Nuquin Papan icmiondashi. Adembidi abëd abentsëc yacbimbuecnuc icmequin mibitedi nashunquid icmiondashi.

Codinto 2 8:9

Nuquin Icbo Esuquidistu abuc tabadec abitedishun Icbombo icbuedi nuquitsen abuc abëdi tabadmenuec matsesash nidaidën tabadnuc atona nibëdpanëdash, quequin mibitedishun tantiec.

Cadasia 4:4

Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash.

Pidipos 2:6

Nadquid Esus icpanëdash: Nuquin Papa padquidquiobidi Esuquidistu nepanëdash. Adquid yec: Mibëtambi namec bëdambo iquebi, quenquio icquin Nuquin Papan chiacpadombuen napanëdash.

Ebedeo 12:2

Esuquidistu tantiaquionona. Aidëmbi Nuquin Papa tantiameshun abi bëdambuen tantiamequioquin nuqui bëdambuec tabadmequid icquin bëdambocquido icmendac. Aidi nadec onquepanëdash: Cuishonquequin ubi yacno matses iuedembi, quiash matsesacsho icsambuen naquidbimbuecnuc cuidquin mëyanquin ubi cueste napotiaidën dectanendac, quiash dacuëdenquio yec uënësacsho uincuenmiac nidash aton tsadte dapan Nuquin Papa tsadacno aidën dayun abiucquio abitedishun Icbombo yec tsadtuidpanëdash.

Ebedeo 13:3

Adembidi mibi quënën tsadunacbimbuecnuc quënën tsadunaid tantiaquin istan istanta. Adembidi chieshënquin mëyanaid ictsiabi, quequin tantiaquin utsibon chieshënquin mëyanaido tantiec tabadta.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.