Pidipos 2:4 - El Nuevo Testamento en matsés

⁴ Mimbi tantiacpadombuenuidi nainquio icquin utsin tantiacpadombuentsen nata. Mitsanauidi tantienquio icquin utsibo nashuntetsen tantiata.

Pidipos 2:4 Iomraidhean Croise

Mateo 18:6

Adshumbic padpiden chiec: Nëid bacuën ubi tantiasho icsambuen namequin cuëshëdmesho issun cuënote iuëmbocquid tëdectanquin tëtanetanquin acte dapa ëquëducquioshë yacno nënepatecnëdan.

Doma 12:15

Utsi bëdambo yec cuishonquesho isash aidbëdi cuishonqueta. Utsi uënësquio icnuc shubisho isash aidbëdi shubita.

Doma 15:1

Tantia. Chuinu. Esus tantiaquidquio icquin Esus tantiabentsëcquid chieshënenquio icquin bëdambuen isnuna. Aid tantiaquin nashunquin nuqui bunaiduidi nainquio icnuna.

Codinto 1 10:24

Umbi tantiacpaden nabanec bëdambo iquebi, quenquio yec: Utsibo bëdambo icmequin nashunnu, quec bëdambuec tabadta.

Codinto 2 11:29

Esuquidistu tantiaquid nënec daicsabudsho isash aid daicsaidbimbuec uënësquio ictednebi. Esuquidistu tantiaquid icsambuen namiosh, quesho tantiash: Icsambuen namequid cuidpashun, quec chieshec tsadtedniobi.

Codinto 2 6:3

Icsambuec tabadquin umbi chuibanac: Muasho tantiatiapibi, quenushe, quiash ubëtan chuibanquid utsibobëd bëdambuec tabadquin ismembi.

Pidipos 2:21

Utsibombien atonauidtsëqui tantiaquin Esuquidistun chiacpadombuen natiapimbo iquec.

Santiaco 2:8

Nuquin Papan: Naden nata, quequin chiampid tantiaquin nabanquid yec mibitedi bëdambo iquendac. Ambi chuiquin dada uamiampid nad iquec: Min dada mibibi datantiadacbimbuen utsibo tantiaquiota, quequin chuipampic.