Pidipos 2:30 - El Nuevo Testamento en matsés

³⁰ Esuquidistun chiacpadombuen naic ubëdi tabadec choash ubi nashunec nëncuenash Epapadodito uënëstsenosh. Chotiapimbo icquin mimbi: Nashuntan, cac choash nibëdantsenoshe. Mibi yacno nidacsho bëdambuen ista.

Pidipos 2:30 Iomraidhean Croise

Hechos 20:24

Aden Nuquin Papan Mayan Bëdan chuisho tantiashi: Cuessunnenushe, quenquio yec niduaibi. Esuquidistun: Ubi chuibenneta, cacpaden naimbudquin utsi utsiec yacno nidshun: Esus tantiasho Ambi tantiaid yec Nuquin Papabëd tabadte iquec, quequin Chiaid Bëda chuibanembi.

Doma 16:4

Esusën naid chuibennesho: Cueschitomane. Esusën naid chienda, chieshëmënquidon ubi casho aidon ubi nashunquin cuenmesho issun aidtsen cuessunetsempaccondash. Adsho issun: Mibitedishun bëdambuen naoc, caondambi. Adembidi aidon chiondaidon isadaidpembo matses utsibon: Mibitedishun bëdambuen naoc, quequin chuiuapondash.

Codinto 1 15:53

Nuquin dada chodquetequid icbuedi chodquesa yanendac. Nuquin dada uënëstequid icbuedi uënësesa yanendac.

Codinto 1 16:10

Mibi yacno Timoteo nideque. Nidacsho bëdambuen ista. Ubipadquid yec Nuquin Icbon namiaidquiobidi Timoteo nec.

Codinto 1 16:17

Estepanas yec Podtunato yec Acaico yec quec choacsho isash bëdambo iquebi. Mibitedi ubëd ictiapimbocnobi aido chochosho isash bëdambo iccobi.

Codinto 2 12:15

Adembidi mibitedi tantiec: Ma Esuquidistu tantiaquidombo yampanu, quec chonoadbudec tsësiobudquimbi chuibanendambi. ¿Umbi tantiaidonquiobida mibitedishun ubi tantienquio icpe?

Codinto 2 4:12

Aden chieshënquin mëyanac uënëstsenshumbi abi Esus chuibanquid nebi. Aden chuibanac Esus tantiabenec chuca uaid yanash aidbëd ënëdtiapimbo yec tabadtequid mibitedi nendac.

Pidipos 2:17

Bëdambo mibi iquec, Nuquin Papan mabi canu, queshun Esus tantiaquin bëdambuen nabanta. Utsibo nashunquin chieshtoenquio icquin chuibanta. Aden bëdambo nuadtequid Nuquin Papa shëdmiacbimbuen mimbi chuibanaid chuisho tantiec tsadsho ubi caic: Cuessunnenu, cac bëdambo ictsiabi. Aido bëdambo iquec, quiash mibitedi tantiec ubi cuishonquenubi adecbidi cuishonqueta.

Pidipos 2:27

Abimbo caic. Adec nënec uënëstsenquiosh. Adshobien Nuquin Papan bëdambuen isquin bëdanmeposh. Ubitsen bëdambo icmenuen Nuquin Papan adoposh. Epapadodito uënësquio icnuc ubi shubiec tsadsho issun: Aid uënësan uënësquio yec Pabado natianushe, queshun Nuquin Papan Epapadodito bëdanmeposh.

Pidipos 4:10

Nëbi mimbi bëmiaid bedash cuishonquec bëdambo iquebi. Ënden aden meniondashumbic nëbi iuectanneshun ubi tantiaquin mimbi meniaid bëuacsho bedombi. Nuquin Icbon tantiamiacpadombuen: Padpiden menenuna, queshun piucquid bëmiac, quiash bëdambo iquebi. Ubi tantienquio yanondash ¿quequindambi mibitedi tantiape? Padenquio. Buanquid nibëdnuc niondash, quequin tantiombi.

Pidipos 4:18

Utsi utsien bedshumbenneshun mimbi bëmiaid Epapadoditon bëacsho bedondambi. Aidtedi bedash bëdambo iquebi. Nuquin Papa bëdambo iquec, camenuen nuadte bëda bëdambo nuadnuc pichicacbimbuen mimbi bëmiaccondac.

Pidemon 1:13

Esusën naid chuibansho quënën tsadunaid nec, queshun mimbi ubi nashuntiapimbocnobi ubi nashunquid Onesimo nec, queshun nidmenquio ictiadquidi mibi yacno nidmembi.

Esusën Uan ismiaid 12:11

Nëbi umbi isac Mayan Icsa Satanasën Esus tantiaquido chieshtometiapimbo iquec. Obecabimbuecquid yec abided cuidadec uënësaidën intaquën chieshtotiapimbocquid icmendac. Cuessunnenu, caqui: Esusën iuambo nebi, queshun uënëste dacuëdënenquio icquin abi chuibanendac.