Pidipos 2:16 - El Nuevo Testamento en matsés

¹⁶ Adash chieshtoenquio icquin umbi chuibambued tantiaquin: Esuquidistu nidaidën padpidec choaid uëshëmbi mibitedi isec: Bëdambuen naondambi. Adoac Esus tantiec: Aidbëd iquendabi, quecuededendac. Adecbidi capucuennec chonoadquin ambembi chuibenniambo iccondambi, quequin tantiendambi.

Pidipos 2:16 Iomraidhean Croise

Mateo 10:27

Nëbi inchëshën umbi mibitedictsëqui chuibued tantiaquin dacuëdenquio icquin badiadën utsibo chuibenneta. Umbi utsibo chiacmaid mibi chiac shubu cacho padapadapambo yacnoshon cuënacbimbuen chuibanquin tantiameta.

Ducas 12:8

Abimbo chiembique: Tantiata. Utsibon tantianubi: Esus tantiaquid nebi, quequin abimbo chuisho issun adombuembidi Matsesën Tishaid icquin: Nëid ubi tantiaquid nec, quequin Nuquin Papabëd icquidonquio tantianuc chiendambi.

Uanën dada uaid 6:63

¿Nami pequinc intac acquinc cashta mibi bëdambo icpatsia? Padenquio. Nuquin Papan Mayanën umbi chuibuedbëta ubi tantiamequin matses bëdambuec tabadquid icmetsiash. Adoaid yec Nuquin Papa yacno ubëdi tabadendac, quepondash Esus.

Uanën dada uaid 6:68

Simon Petedon: Padenquio, Icbo. ¿Tsudabëd icnundambi mibi niannuc? Mibi padquid utsi nibëdec. Mimbiuidtsëquien: Ubi tantiaquid bëdambuen isquin uënësacsho uincuenmeshun ënëdenquio yec ubëd tabadmendambi, quequin mimbi chuipoc.

Hechos 13:26

Tantia. Cun matses isadaidbo Abadauanën tsiuecquidobëta Nuquin Papa tantiaquido matses utsibo icsho mibitedi chuinu. Nuquitedi icsambuen naid bedshunash abided cuidadec Esuquidistu uënëspanëdash. Aid tantiaquid icsho abi yacno nuquitedi tabadmendac.

Codinto 1 1:8

Aden tantiamiac bëdambuec tabadsho utsibon: Icsambuec tabadquido nec, catiapimbo iquec. Adquid icsho Nuquin Papan Nuquin Icbo Esuquidistu chouacnobi cuëscaquin mibitedi chieshtoenquiocquid icmendac.

Codinto 1 9:26

Utsien: Bedembi, quenquio yec titinquec. Adecbidi bednu, quenquio yec utsibëd mëdanten senannu, quequin matses nibëdacnobi ambembi uiccacbimbuen mëdanten seded sededec. Ubien aden tantiaquin nabanesa nec. Ma ubi bëdambuen isquin bëdamboshëcquid menenu, queshun nabanquid nebi.

Codinto 2 1:14

Aden umbi dada uaid isquin bëdambuen abitedi tantiabi icbuedëmbi Nuquin Icbo Esuquidistu padpidec chouanuc mibitedishun bëdambuen tantiendac. Pabado bëdambuec tabadquidquio nec, quequin mibitedishun chiendac. Umbitsen adembidi: Codinto yacnocquid Esus tantiaquido bëdambuec tabadquido nec, quequin chiendambi.

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Cadasia 4:11

Mibitedi caic: Icsambuen naic tabadosh, utsibo quesho tantiash: Esus chuibanec abembi chonoadondabi, quiash dacuëdebi.

Pidipos 1:10

Aden tantiamiac: Nadec tabadec bëdambo ictsiabi. Adec tabadenquio yec icsambo ictsiabi, quequin bëdambuen tantiendac. Aden tantiaquid yec chieshtoenquio icquin Esus tantiec bëdambuec tabadendac. Adec tabadnubi abi chote uëshën choshon Esuquidistun: Bëdambuec mibi tabadoc, mibi caindac.

Pidipos 1:6

Nuquin Papan tantiamiac mimbi Esus tantiabenondac. Aden abi tantiasho mibitedi bëdambuec tabadmec. Adoac Esuquidistu nidaidën padpidec choacnobi cuësquec bëdambuec tabadquidquio yanendac.

Tesadonica 1 2:19

Nuquin Icbo Esuquidistu choan aidbëd tabadquin ¿tsutsimbi ispatsia? ¿Tsutsi isashini cuishonquepatsia? ¿Tsutsi issumbimbi: Is. Umbi chuibanac Esus tantiabenondaido neque, capatsia? Mibi issumbimbi adoendac.

Tesadonica 1 3:5

Umbi istanenquio yac utsin chieshënac ¿adecbidida Tesadonica yacnocquido chieshtoenquio icpatsiashba? quequinuidtsëqui tantiec tsadtiapimbo iquebique. Istan, caondambi Timoteo chuiquin. Ubitedi adometsiash, quequin tantienquio icshobi: Icsamequin tannu, quequid Mayan Icsa Satanasën namiac chieshtoshon Esus tantienquio yanacsho isash abembi chonoadquin chuibanondambi, quequin tantiamane, queshun: ¿Ada umbi chuibanac Esus tantiabenondaido bëdambuec tabadeque? Istan, caondambi Timoteo chuiquin.

Ebedeo 4:12

Nuquin Papan Chiaid nadatiambocquid yec abimbo tantiamianquid nec. Aden Nuquin Papan ambi tantiacpadombuen namendac. Chështe aucbidaëdi cuënumbo icquidën nami ëquëducquio sënquin isacbimbuen ambi icsambuen naidtedi matses tantiamendac. Adembidi Nuquin Papan chiaid issun Ambi: Icsambuen nanu, quequin tantiaidbëta ambi: Bëdambuen nanu, quequin tantiaidtedi tantiamendac.

Petedo 1 1:23

Ambi chiaidquio tantiamequin chucauaido mibitedi nec. Dadan chudac bacuë usundoshon tishac chuca uaid ictiapimbo yec uënëstequid icnuc Nuquin Papan chucauaido mibitedi nec. Aden mibi chuca uaquid Nuquin Papa nibëdantiapimbo icquid icnuc ambi Chiaid adecbidi bënnudtiapimbo iquec.

Uan 1 1:1

Nidaid uabi yec icpampidi matsessun Esuquidistun chuibansho abëd icquidobëtan tantiapondambi. Aidi abëd icquidobëtan ispondambi. Adembidi mishpondambi. Aidi Nuquin Papabëd ënëdenquio yec tabadte chiannequidquio nepondash. Aidi Nuquin Papa tantiamianquidquio icsho mibitedi chuiquin dada uaic nebi.

Esusën Uan ismiaid 22:17

Adsho tantiashun Nuquin Papan Mayambëtan Obecabimbuecquidën chidobimbuecquidën: Cho, cun Icbo Esus, capec. Adembidi chuibansho Esus tantiaquidotedishun: Cho, cun Icbo Esus, capec. Adshumbic: Acte bundoash ubi acte acme, quesho: Piucquid bec cho, quenquio icquin acte ushumbocquid cushtoshon acmiacbimbuen ënëdenquio icnuc abëd tabadmendac.