Pidipos 1:9 - El Nuevo Testamento en matsés

⁹ Naden mibitedi tantiaquin Nuquin Papa chiannembi. Aido bëdiactsëc tantianansho canidoacbimbuec utsibobëd tantiananmequiota. Adembidi mimbi naid bëdiactsëc tantiasho tantiamebenquiota.

Pidipos 1:9 Iomraidhean Croise

Codinto 1 14:20

Cun utsibo, mibitedi bacuëbon tantiacpaden tantiec tabadenda. Bacuëbo tantiabenabictsëcquidën icsambuen naid tantienquio yacbimbuec tabadta. Adec tabadquin caniaidën tantiacpaden bëdambuen naic tabadquin ismeta.

Codinto 2 8:7

Aden naquido yec bëdambocquido nec, quequin mibitedi tantiembi. Ambi chiacpadombuen natsiash, quequin chieshtoenquio icquin Esuquidistu tantiaquido nec. Adashic bëdambuec onquequido nec. Bëdambuen tantiaquidobidi nec. Utsibo tantiaquin nashunquidombo nec. Adembidi ubitedi tantiaquioquin nashunquidombo nec. Adquid mibi nec, quequin: Atona nibëdnuc natiaquido menenuen sambededshun dayun uaimbi, mibitedi quiacpadombuen nabanquiota, caimbi.

Epeso 5:17

Mimbi icsambuen tantiacpaden nabanenda. Aden nainquiocquin: ¿Mitsipadec Nuquin Papa bunacpadec tabadte icpec? quequin tantiec tabadta.

Codosas 1:9

Aden Epapadasën chuiboc mibitedi tantiaquin ubitedishun ënenquio icquin naden Nuquin Papa chiannembi: Mimbi tantiacpadombuen min Mayanën bëdambuen tantiamiac: Nuquin Papan chiacpadombuen nate bunebi, quequin ma bëdambuen tantianu. Tantiamequiota, Papa, quequin chiannembi.

Codosas 3:10

Adoacsho dashcute chuca dasiuinacbimbuen chuca uaido mibitedi nec. Mibi uaquidquio Nuquin Papabimbuec yanquin aid mimbi bëdambuen tantiaquiendac.

Tesadonica 1 3:12

Adec mibëd tabadtiadquio icquin Nuquin Papa mibitedi tantiaquin naden chiannembi: Esus tantiaquidombo icmequin aton matsesbëd tantiananmequiota. Umbi aido tantiaquiacpadombuembidi abëtan Esus tantiaquid utsibobëd tantiananmequiota, Papa.

Tesadonica 1 4:1

Tantia, cun utsibo. Bëdambo mibi iquec, Nuquin Papa camenuec bëdambuec tabadta, quequin umbi chiondacpadquiequi tabadta. Nuquin Icbo Esus tantiaquiec adec tabadta. Bëdambuec tabadosh, quesho tantiashun: Adquiequi tabadta, mibitedi caimbi.

Tesadonica 2 1:3

Tantia. Cun utsibo, Nuquin Papa bëdamboshë iquec, quequin chiannequid icquin mibitedi tantiaquin Nuquin Papa chiannembi naden. Esus bëdiactsëc tantiactsëcbuedombi Tesadonica yacnocquidon nëbi Esus tantiabededquiosh, quequin chioshi, Papa. Adecbidi bëdiactsëc tantianambuedi nëbi cumapenec utsibobëd tantiananquiosh, quequin chioshi. Aden aido bëdambo icmec mibi bëdamboshë iquec, Papa, quequin mibitedi tantiaquin chiannembi.

Pidemon 1:6

Nuquin Papa nadembidi chiembi: Ubëtan Esus tantiaquid nec. Adquid icsho ma Esusën bëdambuen isquin ambi nabocpadombuen bëdambuen nabanmec bëdambuec tabadmeta, quequin mibi tantiaquin Nuquin Papa chiannembi.

Ebedeo 5:14

Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Petedo 2 3:18

Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.