Pidipos 1:22 - El Nuevo Testamento en matsés

²² Uënësabi icquin umbi chuibanac utsibon Esus tantiabentsiash, quiash ¿uënësenquio yec tabadtedabi bumpeba? ¿Mitsipadtebi bumpeba?

Pidipos 1:22 Iomraidhean Croise

Hechos 3:17

Cun matses isadaidbo mibitedi neque. Tantia. Chuinu. Nuquin Papan Chomiaidquio nec, quequin tantienquio icquin min chuiquidobëtan mibitedishun Esus uënës uamiondac.

Doma 1:13

Tantia. Chuinu, cun utsibo. Mibi yacno caic: Istannu, queuid queuidobi. Ubi nidtsembued mimbi tantiabien icchitec. Aden umbi tantianubi utsi utsimbuec icnuc nidenquio ictenniobi. Adbuedi nidaid utsi utsiec yacnoshon Esusën naid chuibanac dadpenshun tantiabenondacpadombuen ma mimbitsen Esus tantiabennu, quiash mibitedi yacno chuinuec nidte bunebi.

Doma 11:2

Ëndenquimboshë Nuquin Papan: Cun matses isadaidbo nec, queshun tantiaquiopampic. Nëbi aido chieshënenquio iquec. ¿Nuquin Papan oncamiampid Ediasën chiampid tantienquioda mibitedishun ique? Aton matses isadaidbo nëishënshun Nuquin Papa naden chuipampic:

Codinto 2 10:3

Matses yequi Esuquidistu tantiaquid icquin Esus tantiesabon icsambuen naquidon nabanacpaden nabanesa nebi.

Cadasia 2:20

Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Pidipos 1:23

Umbi aden tantiaid daëd icnuc ubi adtequid tantienquio icquimbi: Nëbimbobi uënësmepashuni, quequin tantiabuedi: Esuquidistubëd tabadec nidnu, quequin tantiembi. Adash bëdamboshë ictsiabi.

Pidipos 1:24

Aden tantiabuedi: Mibitedi bëdambuen tantiamenuec nidtsiabi, quequin tantiec uënëste bunenquio iquebi.

Codosas 2:1

Aden chuibanshun nadentsen chuinu. Tantia. Mibitedi tantiaquin Mayan Icsa Satanasën icsambuen namenushe, queshun cumapenec chonoadquin Nuquin Papa chiannembi. Adembidi Daudisea yacnocquido tantiaquin Nuquin Papa chiannembi. Adembidi utsi utsiec yacno iccuededquido umbi isacmaidobi tantiaquin Nuquin Papa chiannembi.

Petedo 1 4:2

Aden mimbi tantiacpadombuen nainquio icquin Nuquin Papan tantiacpaden nate bunquidquio mibitedi iquendac.