Pidipos 1:10 - El Nuevo Testamento en matsés

¹⁰ Aden tantiamiac: Nadec tabadec bëdambo ictsiabi. Adec tabadenquio yec icsambo ictsiabi, quequin bëdambuen tantiendac. Aden tantiaquid yec chieshtoenquio icquin Esus tantiec bëdambuec tabadendac. Adec tabadnubi abi chote uëshën choshon Esuquidistun: Bëdambuec mibi tabadoc, mibi caindac.

Pidipos 1:10 Iomraidhean Croise

Mateo 16:23

Aden chiac bidiadquin Esusën: Mayan Icsa Satanasën oncamiac Petedo nec, queshun Petedo isquin naden chushcapondash: Cuenta, Satanas. Nuquin Papan tantiacpadpenquiocnoc Ambi Chiaid ubi niacmenu, quequin icsambuen chuiquid iquec. Mayan Icsa Satanasën tantiamiac matsesën tantiacpaden tantiaquid mibi nec, capondash Esusën Petedo chuiquin.

Mateo 26:33

Adoaquien Petedon: Mibi cuesnuec chochosho isash utsibo dacuëdec niquenubi umbien mibi nianenquio ictsiandac, capondash.

Uanën dada uaid 1:47

Adoac choshobien Esusën: Is. Isadaidbombo iquec. Muauadesambo nec, caquien

Uanën dada uaid 3:20

Adquidon: Uëshën chëncaquin tantiamiacbimbuen umbi icsambuen naid utsibo tantiamenushe, queshun ubi chieshëmpec.

Hechos 24:16

Aden tantiaquin Nuquin Papan: Bëdambuen mimbi naic, ma ubi canu, queshun bëdambuen nabanec tabadebi. Adembidi matsestedishun: Bëdambuen mimbi naic, ma ubi canu, queshun adombuembidi bëdambuen nabanec tabadebi.

Doma 12:2

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Doma 12:9

Muainquio yec utsibobëd tantiananquiota. Icsambuec tabadte bunenquio yec bëdambuec tabadta.

Doma 16:17

Tantia. Chuinu, cun utsibo. Mibëtan Esus tantiaquido chieshënmequin cuëshëdmequido iquec. Aidon Nuquin Papan Chiaid mimbi tantiaidquio chienquio icquin mibitedi icsambuen namenuen muaquin chuibampec. Adquidobëd onquec tabadenda.

Doma 2:18

Nuquin Papan chiacpadombuen tantiembi, mibi quepec. Adembidi Nuquin Papan: Naden nata, quequin Moises dada uamiampid chuibanac mimbi bëdambuen nabante tantiec.

Doma 7:16

Nuquin Papan Moises chuiquin dada uamiampid bëdambocquid nec. Adquid icsho aidën chiaid niacte bunenquio iquebi, quebuedëmbi aidën chiaid niaquec: Bëdambuen chiaidimbi niacchitec, quianobi.

Doma 7:22

Nuquin Papan: Naden nata, quequin Moises chuiquin dada uamiampid tantiate bunebi,

Doma 8:7

Icsambuen nate bunquidëmbien Nuquin Papan: Naden nata, quequin chiaid nate bunenquio icquin ambi icsambuen naiduidi tantiaquin Nuquin Papa chieshënquid nec.

Codinto 1 1:8

Aden tantiamiac bëdambuec tabadsho utsibon: Icsambuec tabadquido nec, catiapimbo iquec. Adquid icsho Nuquin Papan Nuquin Icbo Esuquidistu chouacnobi cuëscaquin mibitedi chieshtoenquiocquid icmendac.

Codinto 1 10:32

Nëidtedi ismequin: Icsambo iquec, camenda. Nëidic isadaidbo. Nëidic matses utsibo. Nëidic Nuquin Papan tantiamiac Esus tantiaquido. Aidotedi: Icsambo iquec, camenda.

Codinto 1 8:13

Adquid icnuc ambi petemaid pequin cun utsibo icsambuen nametsiambi, queshun pambid penquio iquembi: Ma aidën icsambuen nainquio icnu, queshun.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Codinto 2 2:17

Utsibombien dadpenshun piucquid bedteuidi bunquin Esus chuibennec. Piucquid bednu, quequin ubi yacpadquidon Esuquidistu chuibanenquio iquec. Padnuembi Nuquin Papan: Esuquidistu chuibenneta, caid icquin piucquid bedte bunenquio icquin Nuquin Papan isquin tantianubi muainquiocquin aidquio chuibennec nebi. Nuquin Papan namiaido yec Esuquidistubëd abentsëc yacbimbuec tabadquido ubitedi nec.

Codinto 2 6:3

Icsambuec tabadquin umbi chuibanac: Muasho tantiatiapibi, quenushe, quiash ubëtan chuibanquid utsibobëd bëdambuec tabadquin ismembi.

Codinto 2 8:8

Umbi chiacpadombuen meneta, quecpenquio nebi. Utsibon menequin nashunaid chuisho tantiashun mimbi atona nibëdquido tantiaquioquin menetiadquio ictsiash, quequin chiec nebi.

Cadasia 5:11

Cun utsibo, umbi aidon chiacpaden: Shui dëbid dëtemiaiduidtsëqui Nuquin Papan bëdambuen istsiashe. Dëtemeta, quequin chuiquin Esus chuibanenquio icsho isadaidbon chieshënenquio ictsenoshi. Abi tantiaquid cuidmenquio icnuec cueste napotiaidën diadec Esuquidistu uënëspanëdash, quequin chuibansho mabi chieshëmpaboc.

Epeso 4:15

Nuquien tantiananec abimbo chuinanquido yec Esus tantiaquid nendac. Adquid yec caniacbimbuec Nuquin Icbo Esuquidistupadquid yanendac. Aidi abi tantiaquidon Icbombo nec.

Epeso 5:10

¿Adambi bëdambuen napeba? quequin ënenquiocquin tantiadednequin Nuquin Papa bunacpadombuen nabanec tabadtedneta.

Epeso 5:27

Esuquidistun abi yacno tabadmenuen abi tantiaquido abibimbuecnuc bëchish nibëdquid ushumbo yacbimbuecnuc icmiac bëdamboshëcquid iquendac. Adshun icsambuen nainquio yec bëdambuec tabadquid iquendac.

Epeso 6:24

Ënenquio icquin Nuquin Icbo Esuquidistu tantiaquid abitedi Nuquin Papan bëdambuen isquin ma chieshtoenquiocquid icmepanuna, quequin tantiembi. Aidted chuiquin dada uaombi.

Pidipos 1:6

Nuquin Papan tantiamiac mimbi Esus tantiabenondac. Aden abi tantiasho mibitedi bëdambuec tabadmec. Adoac Esuquidistu nidaidën padpidec choacnobi cuësquec bëdambuec tabadquidquio yanendac.

Pidipos 2:16

Adash chieshtoenquio icquin umbi chuibambued tantiaquin: Esuquidistu nidaidën padpidec choaid uëshëmbi mibitedi isec: Bëdambuen naondambi. Adoac Esus tantiec: Aidbëd iquendabi, quecuededendac. Adecbidi capucuennec chonoadquin ambembi chuibenniambo iccondambi, quequin tantiendambi.

Tesadonica 1 3:13

Adembidi mibi bëdambuen tantiamequioquin chieshtoenquio icmeta. Adsho mibi tantiaquido mimbi bëdamboshëcquid icmequin icsaisa icmiaidobëd nidaidën padpidec choshon cun Icbo Esusën: Tesadonica yacnocquido icsambo iqueque. Cuidnu, catiapimbo ictsiash, Papa, quequin mibitedi tantiaquin Nuquin Papa chiannembi.

Tesadonica 1 5:21

Adoenquio icquin: ¿Nuquin Papan Chiaidquiobida chuibaneque? Tantiabono, cata. Aden tantiashun Nuquin Papan Chiaidquio isbanta. Aden isbanshun abimbo chiaid icsho issun: Ai, Nuquin Papan Chiaidquiobi chiec niosh, quequin aidën chuisho bëdambuen tantiata.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Uan 1 4:1

Tantia, cun utsibo. Umbi tantiaido icsho mibi chuinu. Matsesën: Nuquin Papan Mayan Bëdan tantiamiaidquio nebi, quequin chuibansho: Abimbo chiec, quequin badedquio tantienda. ¿Nuquin Papan Mayanën tantiamiaidënquiobida chuipec? quequin aidën chuibansho tantiata. Nuquin Papan oncamiaid nebi, quequin chuiquido nidaid utsi utsiec yacnoshon dadpenshunquio ambembi chuibaneque.

Esusën Uan ismiaid 2:2

Mimbi naidtedi tantiembi. Dayacquio icquin umbi chiacpadombuen mimbi dadpen nabanoc. Utsibo chieshtonobi chieshtoenquio icquin mimbi ubi tantioc. Ubi tantiaquido icsho mibi icsambuen namenuen utsibon chiaqui mimbi tantiashunenquio iccoc. Aido: Esusën: Ubi chuibenneta, caid yec mibi chuinuec chopobi, queshun muaquin chuisho tantiashun: Muaquido nec, quequin tantiaquin aidon chiaid mimbi tantienquio iccoc.