Pidemon 1:4 - El Nuevo Testamento en matsés

^4-5 Pidemon Nuquin Icbo Esus tantiaquidquio nec. Adquid icquin Nuquin Papa tantiaquid utsibo tantiaquin nashunquid nec, quequin utsibon chuisho tantiombi. Aden tantiash: Bëdambo iquebi, queshun mibi tantiaquin ënenquio icquin Nuquin Papa chiannembi.

Pidemon 1:4 Iomraidhean Croise

Doma 1:8

Nëidba chuinu. Esuquidistu tantiaquin: Nuquin Papa bëdamboshë iquec, caimbi. Mibitedi Esus tantiec bëdambuec tabadsho issun nidaid utsi utsiec yacnocquidon mimbi naid chuisho tantiombi.

Epeso 1:16

Aden tantiaquin: Mimbi namiac aidon bëdambuen naic, queshun: Nuquin Papa bëdambo iquec, quequin ënenquio icquin chiannequin bëshunenquio icquin mibitedi tantiadednembi.

Pidipos 1:3

Adembidi mibitedi tantiadednequin: Aden aido mibi tantiamec mibi bëdamboshë iquec, Papa, quequin chiannembi.

Codosas 1:3

Nuquin Papa Nuquin Icbo Esuquidistun Papa bëdamboshëcquid nec, quequin mibitedi tantiadednequin naden ënenquio icquin chiannembi. Aido bëdambo icmequin bëdambuec tabadquid icmeta, Papa.

Tesadonica 1 1:2

Naden mibitedi tantiaquin ënenquio icquin Nuquin Papa chiannembi. Tesadonica yacnocquido bëdambuen namequid yec mibi bëdamboshë iquec, Papa.

Tesadonica 2 1:3

Tantia. Cun utsibo, Nuquin Papa bëdamboshë iquec, quequin chiannequid icquin mibitedi tantiaquin Nuquin Papa chiannembi naden. Esus bëdiactsëc tantiactsëcbuedombi Tesadonica yacnocquidon nëbi Esus tantiabededquiosh, quequin chioshi, Papa. Adecbidi bëdiactsëc tantianambuedi nëbi cumapenec utsibobëd tantiananquiosh, quequin chioshi. Aden aido bëdambo icmec mibi bëdamboshë iquec, Papa, quequin mibitedi tantiaquin chiannembi.

Timoteo 2 1:3

Cun tsusedpabon nampicpadombuen Nuquin Papa tantiaquin aidën chiacpadombuen naquid nebi. Adquid icquin Nuquin Papa ënenquiocquin badiadquidën badiadquidënquien mibi tantiaquin naden chiannembi: Mibi tantiaquid Timoteo bëdambo icmec mibi bëdamboshë iquec, Papa, quequin chiannembi.