Pidemon 1:23 - El Nuevo Testamento en matsés

²³ Epapadas ubëd iquec. Aidbidi Esuquidistu chuibansho bedshun quënën ubëta tsadunondash. Aidëmbi: Mibëd icquidotedi tantiec tsadebi, quequin chuita, cac dada uaimbi.

Pidemon 1:23 Iomraidhean Croise

Doma 16:7

Adembidi cun matses isadaidbo Andedonicobëta Unias chuita. Aido ubëtan Esusën naid chuibennesho chieshëmënquidon bedshun quënën tsadunondashi. Aidombien ambia Esuquidistu tantiabempanëdash umbi padabi icnubi. Adsho aidoba Esusën: Ubi chuibenneta, cac chieshtoenquio icquin chuibennequido nec, queshun Esus chuibennequid utsibon: Bëdambo iquec, caido nec.

Codosas 1:7

Aden mibëd icquin Epapadasën chieshtoenquio icquin Esuquidistu chuibanac aid tantiaquido mibitedi yampondac. Aidi umbi Esus chuibanacpadombuen chuibanquid icsho umbi tantiaidquio nec.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Codosas 4:12

Epapadas mibi yacnoshon Esus tantiec mibëd iccuededondaid Esuquidistun namiaid icquin aid chuibanquidquio nec. Aidëmbidi: Aido cun utsibimbuecquido icsho tantiec tsadebique. Chui, quesho tantiashun dada uaimbi. Aidëmbidi ënenquio icquin mibitedi tantiaquin Nuquin Papa naden chiannec: Icsambuen namenuequid icnuc mibi bunacpaden tantiamequin mimbi Codosas yacnocquido chieshtomenquio icquin Esuquidistu tantiec tabadme, Papa, quequin Epapadasën Nuquin Papa chiannec.

Pidemon 1:1

Pabado nebi. Esuquidistu chuibennesho bedshun quënën tsadunaid nebi. Ubëtan Nuquin Papabëta Esuquidistu chuibennequid icsho mibi tantiec tsadebi, Pidemon. Nuqui: Cun utsi caid Timoteontsen mibi tantiec tsadec.

Pidemon 1:9

Mibëd tantiananquid icquimbi naden chiembi: Pabado nebi. Tsësiobudobi. Esuquidistu chuibansho quënën tsadunondac tsadec nebi.