Pidemon 1:20 - El Nuevo Testamento en matsés

²⁰ Tantia, cun utsi Pidemon. Umbi chuibocpadombuen ubi nashunta. Nuquin Icbo Esuquidistu tantiaquin Onesimo bëdambuen nashunta. Aden nashunquin Esusën namiacpaden mimbi ubi uënësquio icsho bëdambo icmendac.

Pidemon 1:20 Iomraidhean Croise

Codinto 1 16:18

Mibitedi bëdambo icmebocpadombuembidi aidon nashunquin bëdambo icmioshi. Aidopadquid utsi icsho issun aidën chiacpaden nabanta.

Codinto 2 2:2

Mibitedi umbi uënësquio icmiac ¿tsuntsin ubi bëdambo icmequin cuishoncamepatsiash? Mibitedi ubi bëdambo icmequin cuishoncamequido nendac.

Codinto 2 7:13

Aden umbi tantiacpaden naquin mibitedishun bëdambo icmiaid nebi. Adembidi iuedquin mimbi bëdambo icmiaidbidi Tito nec. Ubi iuedenquioctsiash, quebuedi: Iuedoshi, Tito quesho tantiash bëdamboshë yec cuishonquebi.

Pidipos 1:8

Esuquidistun tantiamiacpadombuen mibitedi tantiec: Aido uënësquio iquec, ubi quesho Nuquin Papan: Abimbo caic, quequin tantiec.

Pidipos 4:1

Tantia, cun utsibo, umbi tantiaidquio icsho mibitedi chuinu. Mibi iste bunquiebi. Umbi chuibanac Esus tantiabensho isash bëdamboshëcquid meniacbimbuec cuishonquiondabi. Ubi yacpaden chieshtoenquio icquin Nuquin Icbo Esus tantiec bëdambuec tabadta.

Pidemon 1:12

Aidi umbi tantiaidquio yec cun madobimbuecshobi mibi yacno nidmeuaimbique. Ubi chosho issun iuedacbimbuen bëdambuen isquin iuedta.

Pidemon 1:7

Aden umbi chianniacpadombuen mimbi bëdambuen nabanec. Aden Nuquin Papa tantiaquido chieshtomenquio icquin bëdambo icmec, quequin tantiec cuishonquec bëdambo iquebi.

Ebedeo 13:17

Mibi Esus chuibanquidon chiacpaden nabanta. Nuquin Papan: Chieshtoenquio icquin ubi tantiaquido bëdambuen isquin dayun uata, caid nec. Aidi: Esus tantiaquido naden namiombi, quequin Nuquin Papa chuiquid nec. Ubi chuibanquid nec, queshun ambi chiacpadombuen mibitedishun nabansho isash aid cuishonquec. Aden ambi chiacpadombuen nainquiocsho isash uënësquio ictsiash. Adnuc mibitedi bëdambo ictiapimbo ictsiac.

Uan 1 3:17

Aton piucquid dadpen icquidën abëtan Esuquidistu tantiaquidëna nibëdquiocsho isec: Cun utsi menenu, quenquio icquid Nuquin Papan matses tantiacpadombuen matses tantienquio icquid nec.

Uan 3 1:4

Umbi Esusquio chuibanondaido yec cun bacuëbobimbuecquido nec. Adquido yec umbi chiondacpadquiec Esus tantiec bëdambuec tabadec, quiash cuishonquequiec bëdambo iquebi.