Pidemon 1:14 - El Nuevo Testamento en matsés

¹⁴ Mimbi: Adonona, quequin chiabi icnuc umbi tantiacpaden nate bunenquio iquebi. Ma ubëd tabadnu. Bëdambuen chuita, mibi catiapimbo iquebi. Mimbi tantiacpadombuen aidi chiac bëdambo ictsiash.

Pidemon 1:14 Iomraidhean Croise

Codinto 1 9:17

Adquid icnuc umbibi tantiacpaden Esuquidistu chuibanquid yec ubi piucquid menetequid iquec, quequin caintsiambi. Padnuen Nuquin Papan: Umbi chiaidquio chuibanta, caid icquin aidën chiaidquio chuibennec nebi. Ubi menetsiash, quenquio icquin aden chuibennec nebi.

Codinto 1 9:7

¿Tsuntsinquio sondado icquin actequidbëta pete bednuen atonabi menepec? ¿Tsuntsinquio tied icbo neshcashunquimbi tiedën caniquid uba cheshunenquio icpec? ¿Tsuntsinquio nëish iua obecabëta cabada isquin dayun uaquidën shuma chinshun shuma ënë aquenquio icpec?

Codinto 2 1:24

Naden dadpen tantiata, quequin icbon ancacbimbuen mibitedi chienquio iquembi. Esus tantiaquidombo nec, quequin mibitedi tantiembi. Ma Esus tantiec chieshtoenquio yec cuishonquequiono, quequin mibëd icquin mibitedi chuibante bunebi.

Codinto 2 8:12

Atona daëdpactsëc icquidën menete bunquioquin menesho isash: Bëdambo iquec, caindac Nuquin Papan. Dadpen meneta, quenquio Nuquin Papa iquec.

Codinto 2 9:5

Mibi yacno isec nidambo icquimbi: Adquio icnushe, queshun utsiboba mibi yacno nidmembi. Aido mibi yacno nidshun mibëtambi mimbi ubi chiondacted sambededquin nainshun aidtedi mimbi dayun uatsiac. Ambo nidacsho mimbi aidtedi ubi menetsiac. Aid matses tantiaquin dadpen menenuna, quequin cudasenquiocquin mimbi meniac bëdambo ictsiash.

Codinto 2 9:7

Aden chiampid icnuc: Nëidted menembi, quequin ambi tantiactedi menequid. Cudasacbitsëcquien menenquio icquid. Utsin: Nëidted mene, quequin ancac icsambo ictsiash. Menete bunquioquin menesho isash Nuquin Papa: Bëdambo iquec, quendac.