Mateo 9:8 - El Nuevo Testamento en matsés

⁸ Adosho isash dacuëdtanequien: Adquidshenda icpec. Nuquin Papan namiaid icquimbien nachitec. Abi namequid Nuquin Papa bëdambo iquec, quecuededpanëdash isquido.

Mateo 9:8 Iomraidhean Croise

Mateo 12:23

Adsho isashien Esus datsidadquido tantiadempambo yec tabadec: ¿Nuquin tsusedpa Dabidën Mado choendac, canëdaidta nepec? quecuededpondash.

Mateo 15:31

Bëdanmiac onquenquio icbuedi onquiampondash. Bëshuacbuedëmbi isbempondash. Capuenquio icbuedi capucuempondash. Daicsaidobëd utsibo nënquidotedi adecbidi bëdancuededpondash. Adsho isash tantiadempambo yec tabadec nadpondash: ¿Adquidta ictednec? Nuquin matses isadaidbon tantiaid icquin Nuquin Papan namiac bëdanmequin naic, quiash: Nuquin Papa bëdambo iquec, quecuededpondash Esusën bëdanmesho isquidotedi.

Mateo 28:18

Adsho issun Esusën anoentsëqui choquin naden ubitedi chuipondash: Ubipadquid utsi nibëdec. Nuquin Papan abitedishun Icbombo icmequin abuc icquidobëta nidaidën icquidotedi namequidquio icmioshibique.

Mateo 5:16

Adacbimbuec ubi tantiesabobëd tabadquin: Ma Nuquin Papa abuc tabadquid tantianu, quequin aido ismec Nuquin Papan chiacpaden nabanec bëdambuec tabadta. Nuquin Papa bëdambo iquec, ma utsibotsen quenu, quiash adta, quequin Esusën chuipanëdash.

Mateo 9:7

Adoac shëquëquenquio icquid bëdanec nidtoanec aton shubuno nidpanëdash.

Madcos 2:12

Adoac abitedishunquio isnuc badedquio nidtotanquin abi bëbued nandote chiadtotanquin buanec nidsho isash: Nideque. Is. Adombuen nabanquid isen ictennebi, quetsëcquiec onquiash: Nuquin Papa bëdamboshëcquidën naid nec, quecuededpanëdash.

Madcos 7:37

Aden chuisho tantiash tantiadempambo yec: Adquidshenda Esus nepec. Ambi naidtedi bëdambo iquec. Pashuaidi tantiamebenquidquio nec. Adembidi onquesabi oncamianquidquio nec, quec onquecuededpanëdash.

Ducas 13:13

chido mishac cacuetanec: Nuquin Papan nadatiambocquin bëdamiaid nebi, quequin chiec chido onquepanëdash.

Ducas 17:15

Adec bëdanash abentsëc dëbidiadanec choec cumapenec cuëdec: Nuquin Papa bëdamboshë iquec, quec

Ducas 17:18

Aden chiashic: ¿Atotsi quiash nëid abentsëqui isadaidpembo iquequi dëbidiadanec choash: Nuquin Papa bëdambo iquec, quequin chuipec? quepanëdash Esus.

Ducas 18:43

badedquio bëdanquin isbenuashun bëshuacbuedëmbi Esus tsibananec nidquin Nuquin Papan naid chiec onquec nidpanëdash. Aid bëdansho isquidotedishuntsen adembidi: Nuquin Papa bëdambo iquec, quequin aidën naid chuibededpanëdash.

Ducas 2:20

Adquid icnuc Nuquin Papabëd icquidën chuibocpadquiocsho isash aucbidi choash obeca pemequido: Nuquin Papabëd icquidën chuibocpadombuen istuidombi. Aden bacuëbëta abëd icquid ismequid Nuquin Papa bëdamboshë iquec, quequin chiec onquecuededpanëdash.

Ducas 23:47

Adec Esus uënësso isash ambi isbuedtedi tantiaquin Nuquin Papan naid chiec sondadon chuiquid capitan: Abimbo chuiquid niosh. Nëid dada bëdambocquid niosh, quepanëdash.

Ducas 7:16

Aden uënësaid uincuenmesho isash dacuëdcuededequi chochoquido: Adopenshenda uincuenmec, queshun: Abi namequid Nuquin Papa bëdambo iquec, quequin chuibampanëdash. Aden chuibanec: Nuquin Papan ambi: Cun matses nec, caido bëdambuen nashunnuen ambi oncamiaid chomiaid nuquibëd iquec, quec isquido onquecuededpanëdash.

Uanën dada uaid 15:8

Adoac: Nuquin Papa bëdamboshë iquec, mimbi caindac. Adembidi ubi tantiaquid utsibo dadpen yanmesho: Ai, ubi tantiaquidquio nec, mibitedi caindambi.

Hechos 11:18

Aden Petedon nainquin chuibanac bëdambuen tantiash chushquec ënëdash isadaidbo shui dëbid dëtemequido: Isadaidpembon Esus tantiaquin ambi icsambuen naid ënsho issun Nuquin Papan aidotsen ënëdenquio yec abi yacno tabadtequid icmiac, quepanëdash Nuquin Papan naid chiec.

Hechos 21:20

Aden chuisho tantiash: Nuquin Papan namiaid bëdambo iquec, quetanquin naden Pabado chuipondash: Nëmbo Esus tantiaquid isadaidbo dadpenquio iquec. Aido Nuquin Papan Moises dada uamiampid: Naden nata, quequin chiaid naban, quequin chuiquido nec.

Hechos 4:21

Adoaquien: Umbi chiacpaden nainquiocsho issun mibi daëdi mëyanmetsiambique. Baded nidec nid, capanëdash chuiquidon. Ambi dada caputiapimbo icbuedi bëdanmiaidën seta 40ted icpanëdash. Aid bëdanmiacsho isash utsibo: Nuquin Papa bëdamboshë iquec, quec cuëdëncuededpanëdash. Adsho tantiash Petedobëta Uan cuesmete bunquimbi adometiapimbo yec tabadpanëdash chuiquido.

Codinto 2 9:13

Aden nashunaid issun mibitedi tantiec: Chiaid Bëda Esusën naid chiac: Esuquidistu tantiaquid nebi, quequin abimbo chuiquidquio aido nec, quequin mimbi dadpen meniaid bedshun: Nuquin Papa bëdamboshë iquec, quequin aidon chiendac.

Cadasia 1:24

Adec ubi icaid tantiash: Nuquin Papa bëdamboshë iquec, quepanëdash Udea yacnocquido.

Petedo 1 2:12

Nuquin Papa tantiesabobëd bëdambuec tabadta. Ma aidontsen: Tantiabennu, quiash adta. Adec mibitedi bëdambuec tabadsho issun mibi chieshënquin icsambuen chuishumbuedombi Nuquin Papa tantiabenshun naden chiendac: Papa, Mimbi tantiamiaido bëdambuec tabadsho issun mibi tantiabenombi, quequin Nuquin Papan matses abitedi chuimequin cuidte uëshëmbi aden chiendac.