Mateo 9:15 - El Nuevo Testamento en matsés

¹⁵ Esusën naden chuipondash: Aton chido bednun abi bednu quequidën abëd icquido pemec. Aden penu. Cho, cac chochoquin cuishonquequin isuidesa abëd icquido nec. Adbuedi iuecash chido inquid nibëdanan abëd icbuedon uënësquiocquin buna mëmunquin isuidpec. Adembidi ubi nibëdanan ubëd icquidon uënësquio icquin buna mëmunendac, quepondash Esus.

Mateo 9:15 Iomraidhean Croise

Mateo 9:14

Adnubien Uan acten mentoanquidbëd icquidon choshon Esus naden chuituidpondash: Nuquin tsusedpabon nacpadombuen buna mëmunquido nebi. Adembidi naquido padiseobo nec. ¿Atotsi queshun mibëd icquidon adembidi nainquio icpec? caquien

Mateo 9:16

Tantia. Mibi chuinu. Dashcute shëni canchedaid dashcute chucambocquid cuëshë bëtuscaisa matses nec. Shënin chucambocquid bëtuscaid panac shëcuë amëec cancheduaic.

Madcos 2:19

Adoaquien Esusën: Aton chido bednun abi bednuequidën abëd icquido pemec. Aden pemenu, cac cuishonquequin isuidesa abëd icquido nec.

Madcos 2:20

Adbuedi iuecash chido inquid nibëdanan abëd icquidon uënësquiocquin buna mëmunendac.

Ducas 17:22

Aden padiseobo chuishumbic abëd icquido nadopanëdash: Iuecash adquid icnuc: Abuc abëd tabadte uëshë chopashun, quec tabadquimbi Matsesën Tishaid yec ubi chosho iste bunquimbi mimbi ubi isenquio iquendac.

Ducas 5:34

Adoaquien Esus: Aton chido bednun abi bednuequidën abëd icquido pemec. Aden pemiac bënëbëd cuishonquequin isuidesa abëd icquido nec.

Ducas 5:35

Adbuedi iuecash chido inquid nibëdanan abëd icquidon uënësquiocquin buna mëmunquin isuidpec.

Uanën dada uaid 16:6

Umbi chuibued tantiash uënësquio icquimbien mimbi ubi chienquio iquec.

Uanën dada uaid 3:29

Aden umbi chuibuedquio nec, quiash Esus chosho istanec cuishonquepobi. Cun matses aton chido bedmiombi, quiash cuishonquiacbimbuec cuishonquepobi. ¿Aden chido bedmequidën: Min bënëbëd nidenda, caquinda ictiosh? Padenquio. Bënëbëd nidmiash bëdambo yacbimbuec Esusbëd matses dadpen nidanniosh, quesho tantiash bëdambo iquebi.

Hechos 14:23

Adembidi Esus tantiaquido yacno yacnombuen Pabadobëtan Bednaben: Bëdambuec tabadquin ismequin Esus tantiaquido chuibanquid icta, capanëdash. Adotanec ambi chuibuedobëd Nuquin Papauidtsëqui tantiaquin buna mëmunec tabadpanëdash. Adtanquimbic mamishbanquin: Nëido mibi tantiaquido neque. Bëdambuen dayun uata, Papa, quequin Pabadobëtan Bednaben chuipanëdash.

Codinto 1 7:5

Adquid icnuc min bënën: Chudnu, cac: Padi, cainda. Adembidi min chidon: Ubi chud, cac: Padi, cainda. Adbuedi: Nëidtedec ushquimbien Nuquin Papa chuitiad, queshun nainquio yec tabadta. Aidtedec ushquin padenquiocshon iuen mëmuntiapimbocsho issun Mayan Icsa Satanasën icsambuen namenushe, quiash min chidobëd padpidec icuata.

Codinto 2 11:27

Cuna bednuec iuec chonoadbudec uinmabudtedniondabi. Chieshtomenuen natiamededniondashi. Adecbidi ushenquio yec ushcasmadedniondabi. Adecbidi pete bunec acte bunquiondabi. Adecbidi dashcute utsi dasiuidte nibëdnuc iquenquiondabi.

Esusën Uan ismiaid 19:9

Adnubi Nuquin Papabëd icquidën naden chuiuaposhi: Isadaidbon aton chido bedquin aton matses chochomiash pemec cuishonquec bëdambuec tabadquid. Adembidi abi tantiaquido Obecabimbuecquidën beduanshun abi yacno tabadmendac. Adoac cuishonquequiec tabadendac, quequin chuiquin dada uata, caposhi. Adtanequic: Abimbo caimbi. Nuquin Papan Chiaidquio chiec nebi, queposh Nuquin Papabëd icquid.

Esusën Uan ismiaid 21:2

Adnubien bëdamboshë isadquid shubu dadpen icquid Edusaden chuca caid Nuquin Papa yacnoësh abucuësh budsho ispombi. Aidi chidon: Ma ubi bednu, quequid dada bedmequin cuishoncamiacbimbuec bëdamboshë isadposh.