Mateo 9:1 - El Nuevo Testamento en matsés

¹ Aden chanchu nëuebudniacnoshon: Nidec nid, cac nidannec chian budash cano antabëdtoshon chian potiash abi iccondacnobidi Capednaun yacno Esus chopanëdash.

Mateo 9:1 Iomraidhean Croise

Mateo 4:13

Nidashic shubu dadpen icquid Nasaded yacno tabadanec nidequi chian dapa cuëman shubu dadpen icquid Capednaun yacno nidash ambotsen tabaduapanëdash. Aid nidaid Netadi capampic. Aid anoentsëqui icquid nidaid utsi Sabudon capampic.

Mateo 7:6

Adshumbic padpiden chiec: Mimbi Nuquin Papan Chiaid bëdambuen chianniaqui tantienquio icsho chuidonenda. Nuquin Papan Chiaid chuibudaqui tantiatiapimbo icquin niacniacsho issun chuidonenda. Opan abi pemequidi piacbimbuen mibi chieshëntsiashe. Adembidi chanchon aton icbon dashcute paëdacsho bëchish uaquin tintincacbimbuen Nuquin Papan Chiaid niac niactsiashe. Adquid chuidonenda, quepanëdash Esus.

Mateo 8:18

Adashic abi isnuec chochoash matses dadpenquio datsidadsho isash abëd icquido chiec: Chian potec nidnunid, quianec chian yacno nidec Esus puduampanëdash.

Mateo 8:23

Adec chian budash Esus abëd icquidobëd cano antabëdtoanec nidpanëdash.

Madcos 5:21

Adshumbic cano dapan abëd icquidobëtan Esusën padpiden abi chobocmibidi chian poteuapanëdash. Aden potiash Esus mananuc pudundosho isash matses dadpen chian cuëman padpidec chochouash badedquio tsucus tsucustsëcquio yec datsidadpanëdash.

Ducas 8:37

Aden chiac nidaid cuëshë Quedasa yacnocquido natiambo dacuëdcuededquimbi: Nëmbo iquenquio yec nidec nid, cabededpanëdash chochobuedon Esus chuiquin. Adoac Esus abëd icquidobëd aucbidi budec cano dapa antabëdtoanec nidpanëdash.

Ducas 8:40

Adashic chian ëquëmatsiuc potiash Esus padpidec chosho isash: Mibi isec cuishonquebi, quepanëdash abi cainquidotedi.

Esusën Uan ismiaid 22:11

Ma icsambuen naquidon ma adembidi icsambuen napanuna. Ma icsambuen tantiaquidon ambi icsambuen tantiacpadombuen napanuna. Ma bëdambuen naquidon ma adembidi bëdambuen napanuna. Nuquin Papa chiacpadombuen naquidën ma udictsëc Aid tantiaquin ambi chiacpadombuen napanuna, queposh Nuquin Papabëd icquid.