Mateo 8:6 - El Nuevo Testamento en matsés

⁶ Icbo, cun shubun icquid cun iua natiambo yec shëquëquenquio iccosh,

Mateo 8:6 Iomraidhean Croise

Mateo 4:24

Adosho istanquin: Bëdanmequidquio nec, quequin isbuedon nidaid cuëshë Sidia cacnoshon Esusën naid chuibennepanëdash. Aden chiac nëidtedi bëbëpanëdash. Daicsaido yec nënquido yec podobitsi icsa dapuduedaido yec uëdëquec uënësannequido yec dada shëquëquenquio icquido yec quenuc bëbëacsho issun aidtedi Esusën bëdanmebampanëdash.

Mateo 8:7

quesho tantiashun: Ai, bëdanmec nidnunid, caquien

Mateo 9:2

Adnubien utsibon dada shëquëquenquio icquid Esus ismenuen nënquid nandoten nandoshon bëpanëdash. Bësho issumbien Esusën: Ubi caic: Aidën bëdanmetsiash, queshun aidon bëosh, queshun naden daicsaid shëquëquenquiocquid chuipanëdash: Bëdambo yec cuishonqueta, mado. Mibi cuidtiapimbo yec mimbi icsambuen naid tantienquio yec bëshunobique, capanëdash Esusën.

Hechos 10:7

Aden chianec Nuquin Papabëd icquid nidambic Codnedion aton iua daëdbëta ambi tantiaidquio Nuquin Papa tantiaquidbidi icsho sondado utsi abentsëc chomeshun

Hechos 8:7

Aidëmbi nadatiambocquin nabanac podobitsi icsa dapuduedaid icsho dapuduenmiac sidquianec cuempanëdash. Adembidi dada daicsash shëquëquenquiocquidbëta tidinquequido Uedipen dadpen bëdanmebampanëdash.

Hechos 9:33

Ambo seta 8 ted matanmec dada Eneas cuëmëdquid shëquëquenquiocquid ueten uesho Petedon istuidshun:

Codosas 3:11

Adquid icmiac Esuquidistu tantiaquid utsibotedi Nuquin Papan bëdambuen tantiaquiec. Nëid isadaidbo nec. Nëid isadaidpembo nec. Nëid shui dëbid dëtemequid nec. Nëid shui dëbid dëtemesa nec. Nëid matses utsin dada uaid isec onquequin dadpen tantiaquido nec. Nëid matses utsin dada uaid isec onquequin daëdpactsëc tantiaquido nec. Nëid iua nec. Nëid iuapenquio nec, quenquio icquin aidtedishun Esuquidistu tantiasho Nuquin Papan bëdambuen isendac. Adecbidi abitedishun Icbombo abentsëcquiobi Esuquidistu nec. Aidi abi tantiaquidotedibëd icquidquio nec.

Codosas 4:1

Iuaquidon, mimbi iuaido ambi nabanaid tantiaquin bëdambuen menebanta. Adembidi: Abuc Cun Icbombo iquec, quequin tantiaquin mimbi iuaido bëdambuen ista.

Timoteo 1 6:2

Iua utsitsen chuiquin: Mibi iuaquid Esus tantiaquidbidi icsho: Ubipadquid icnuc aidën chiacpadombuen natiapimbo iquebi, cainda. Ubipadquid umbi tantiaid cun buchi caid neque. Aidën chiacpadombuen nanu, quequin mibi iuaquid tantiaquin bëdambuen nashunta, quequin iuabo chuita.

Pidemon 1:16

Onesimo min iua iccondaidi Esus tantiaquid yanacsho mimbi cun utsi caidquio aidi nendac. Adquid icsho umbi tantiaidquio neque. Mimbitsen tantiaquiota. Mibi yacno nidshun Esuquidistu tantiaquid icquin mimbi chiacpadombuen chieshenquio icquin bëdambuen mibi nashunendac.