Mateo 8:4 - El Nuevo Testamento en matsés

⁴ Aden bëdanmetanquin Esusën: Umbi mibi bëdanmebued utsibo chuibanenda. Adenquio icquin nëish iua cuessunneshun pichicaquid yacno nidshun min dada ismeta. Adembidi Moisesën chiampicpadombuen nanuen Nuquin Papa ismetequid buanec nidta. Ma adosho issun nëish iua pichicaquidon: Aton dada daush daushpambo yec daicsaidquio icbuedi bëdanmiaid nec, quequin ma tantiapanu, quequin Esusën chuipanëdash.

Mateo 8:4 Iomraidhean Croise

Mateo 10:18

Utsibombic adembidi cuesmenuen chuiquid tapa cobednadod yacno mibitedi buanendac. Adembidi chuiquid tapa utsi yacnotsen mibi buanendac. Ubi chuibanquidon chuiquid tapabëta isadaidpembo ma umbi naid chuibannu, ubi quenuc mibitedi aden buanendac.

Mateo 16:20

Adashic abëd icquido chuiuaic: Quidistu Mesias caid Nuquin Papan Chomiaidquio Esus nec, quequin utsibo tantiamequin chienda, quepondash Esus.

Mateo 17:9

Adtanec macuësh budequi Esus: Mimbi isbued nëbi utsibo chienda. Matsesën Tishaid icshobi uënës uamiac ubi uincuenacsho issumbi chianta, quepanëdash ambi buanaido chiec.

Mateo 3:15

En na. Bëdambo iquec. Ubi mentoquin mimbi Nuquin Papan chiacpadombuen bëdambuen natsiaque. Ubi acten mento, quesho tantiashun Esus mentopanëdash Uanën.

Mateo 5:17

Nadentsen Esusën chuipanëdash: Umbi chuibansho tantiashun: Nuquin Papan Chiaidquio chienquio iquec, quequin tantienda. Nuquin Papan Moises dada uamiampidbëta ambi oncamiaidon dada uamiampid chienquio icquin utsi uapec, mimbi ubi capec. Mambi utsi uainquio icpayoc. Nuquin Papan Chiaid utsi uainquio icquin ambi chiactedimbo nanuec chobique.

Mateo 6:1

Adshumbic abi macuësh tapa poctse tsadquin Esusën naden chuibampanëdash: Aton matses ismenuenuidi utsibo nashunquid Nuquin Papan bëdambuen istiapimbo icquin bëdamboshëcquid menetiapimbo iqueque. Utsibo nashunnu, queshun utsibo ismenquio icquin nata.

Mateo 9:30

badedquio bëdanquin isbempondash. Adsho issun Esusën: Aidën bëdanmioshi, quequin utsibo chuibanenda, capondash.

Madcos 13:9

Adquid yannuc ista, cacbimbuen bëdambuen tantiec tabadta. Mibi bedshun: Icsambocquid neque. Cuidta, quequin chuiquido menenun mibi buanendac. Adembidi bedshun Nuquin Papan Chiaid chuibante shubuno buanacsho chuiquido cuesmequin mëyanmendac. Adembidi bedshun isadaidpembon chuiquid cobednadodbëd aidon chuiquid tapambo yacno buanac umbi nabanaid mimbi aido chuibanendac.

Madcos 3:12

Adoaquien: Aden chuiquin utsibo tantiamenda, quequin Esusën chushcapanëdash.

Madcos 5:43

Aden champi uincuenmeshun Esusën: Umbi nabued utsibo chuibanenda, quequin chuitanquin: Champi peme, capanëdash Esusën.

Madcos 6:11

Mibi iuedenquio icquin mimbi chuibansho tantiate bunenquiocsho isash nidanneta. Adec nidnumbi: Nëmbo icquido Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta, capanëdash Esusën abëd icquido chuiquin.

Madcos 7:36

Aden bëdanmeshun ambo tabadquido chuiquin: Esusën bëdanmiosh, quequin utsibo chienda, capanëdash. Adoboqui badedquio niacbidanquin utsibo chuibampanëdash.

Madcos 8:30

Adsho tantiashun: Mimbi chuibued utsibo chienda, capanëdash Esusën.

Madcos 9:9

Adtanec macuësh budquimbi Esusën naden abëd chobuedo chuipanëdash: Mimbi nëbi isbued utsibo chienda. Matsesën Tishaid icshobi uënësuac uincuenacsho issumbi chianta, quepanëdash.

Ducas 17:14

Adsho tantiashumbien Esusën: Nuquin Papa ismequin nëish iua pichicaquido yacno nidshun ismetanta, capanëdash. Adoac nidannequi abitedi bëdancuededpanëdash.

Ducas 21:13

Aidontsen ma tantianu, queshun umbi naid mimbi chuibanendac.

Ducas 4:41

Adembidi utsi utsiec podobitsi icsa dapuduedaido icsho dapuduenmebampanëdash. Adoac: Nuquin Papan Madombo mibi nec, quec sidquesho tantiashun: Aden ubi chienda, Esusën cac podobitsi icsa ënëdpanëdash. Mesias nebi, quequin tantiaquin utsibo tantiamenushe, queshun podobitsi icsa chuimenquio icpanëdash.

Ducas 5:14

Aden bëdanmetanec Esus: Umbi bëdanmebued utsibo chienda. Adoenquio icquin nëish iua cuessunneshun pichicaquid ismec nidta. Aden ismiac: Nuquin Papan bëdanmiaid nec, quequin ma aidon tantiapanu. Adembidi aido ismeshun Nuquin Papan Ambi Chiaid Moises dada uamiampicpaden nëish iua pichicatequid meneta. Moisesën chiampicpadombuen: Nuquin Papan: Nëid bëdamiaid bëdambo iquec, quequin tantiaquin ma pichicanu. Meneta, capanëdash Esusën ambi bëdanmebued chuiquin.

Ducas 8:56

Adosho isash tantiadempambo yec aton titabëd aton papa tabadpanëdash. Adsho: Mimbi isbued utsibo chuibanenda, capanëdash Esusën.

Ducas 9:21

Aden chiaquien: Mimbi aden tantiaid utsibo chienda, capanëdash Esusën.

Uanën dada uaid 5:41

Ubi adsho tantiashun matsesën: Mibi bëdambo iquec, ma ubi canu ¿quectabi ique? Padenquio.

Uanën dada uaid 7:18

Ambembi chuiquidën: Mabi matsesën: Bëdambo mibi iquec, canu, quequinuidtsëqui tantiaquin chuibanendac. Umbien: Ubi chomiondaidquio ma matsesën tantianu, quequin aidën chiaidquio abimbo chiec nendac.

Uanën dada uaid 8:50

Mabi: Bëdambocquid nec, canu, quenquio iquebi. Cun Pambien: Ma matsesën cun Mado: Bëdambo iquec, canu, ubi capec. Aidi abimbo chuiquin cuidquid nec.