Mateo 8:15 - El Nuevo Testamento en matsés

¹⁵ Adec uesho istuidshun mëdante mëmishquin Esusën bëdanmepanëdash. Aden bëdanmiac dauebudec bëdanshun Esus pemequin nashumpanëdash.

Mateo 8:15 Iomraidhean Croise

Mateo 14:36

Bëbëshumbic: Dashcuteuidtsëqui mishash bëdantsiash, queshun Esus chuiquin: Min dashcute cuëma daicsaidobëta nënquido mishme, cac dashcute bëntsecquid cuëma mishmiaqui abitedimbo bëdampondash.

Mateo 20:34

Adsho tantiashun aid daëd uënësquio icquin bëdambuen isquin Esusën bëshuaid daëdi bëmishnubi badedquio bëdanquin isbempondash. Adshun abidaëdshumbi Esus nidsho tsibanampondash.

Mateo 8:14

Adtanec Esus Petedon shubu yacno nidec puduedpanëdash. Puduedshun isaquien Petedon nachi nëncuenash chumbo yec ueten uepec.

Mateo 8:16

Adnubien aid inchëshbudtsëqui: Esus ismenu, quequin podobitsi icsa dapuduedaido dadpen bëbëshobien podobitsi icsa dapuduedaido caic: Dapuduen, quequin dapuduenmebanshumbic daicsaidobëta nënquidotsen Esusën bëdanmebampanëdash.

Mateo 8:3

Esus: Ai, mibi bëdanmete bunebi, quequin mishtemaidquiobi mishnubi badedquio bëdampanëdash daicsaid nibëdquio yanec.

Mateo 9:20

Adnubien chido intac mëyanec seta 12ted matanmec bëdanenquio yec nacchoadquid Esusën cachoctsëqui choquin: Bëdamianquidën dashcute mishec bëdampatsiash icmane, queshun ismenquio icquin dashcute cuëma mishpanëdash.

Mateo 9:29

Adsho tantiashumbien aid daëdi bëmishquin: Aidën ubi bëdanmendac, quequin mimbi tantiacpadquiequi mibi bëdanec, Esus quenubi

Madcos 1:29

Adashic Nuquin Papan Chiaid chuibante shubu yacnouësh puduenanec Simonën shubu yacno nidec Santiaco yec Uan yec quec aidobëd Esus nidpanëdash. Aidën shubun icquidbidi aton utsi Andedes icpanëdash.

Madcos 1:41

Adsho tantiash aid isec uënësquio ictanquin mishec Esus: Mibi bëdanmete bunebique. Bëdanta,

Ducas 8:54

Aden mamënshunaqui Esusën champi mëdinquin: Nidto, champi, cumapenen cac