Mateo 8:1 - El Nuevo Testamento en matsés

¹ Ambobi macuësh poctse tsadquin ënquin chuibantanequien Esus macuësh budpanëdash. Adec budanec nidsho issun matses dadpenshun tsibanampanëdash.

Mateo 8:1 Iomraidhean Croise

Mateo 12:15

Adnubien Esus: Ubi cuessunnemete bunec, quequin tantianec auëshquiobi puduanec nidpondash. Nidsho issumbien matses dadpenshun tsibanampondash. Adshumbic aidon bëbëaid daicsaidobëta nënquidotedi bëdanmebampondash.

Mateo 15:30

Tsadtuidsho issun matses dadpenquio chochoquin daicsaidobëta nënquido dadpen Esusën dayun nadquidtedi bëbëpondash. Tidinquequido yec bëshuaido yec mëicsaido yec onquesabo yec daicsaid utsitedi yec quenuc bëbëpondash. Adsho isanec nidtotanquin Esusën bëdanmebampondash.

Mateo 19:2

Adec nidshobien matses dadpenshun tsibanampondash. Abi tsibananquido utsi utsiec nënquidobëd daicsaido icsho issun Esusën bëdanmebampondash.

Mateo 20:29

Adashic shubu dadpen icquid Edico yacno tabadanec auëshquiobi puduanec abëd icquidobëd Esus nidpondash. Adsho isanec nidquin matses dadpenshun Esus tsibanampondash.

Mateo 4:25

Adosho isquidon chiac isec chochoash matses dadpenquio niquianquin nëidtedi yacnouësh chochoquidon Esus tsibanampanëdash. Nëidic nidaid Cadidea yacnouësh choquidon. Nëidic nidaid Decapodis cacnouësh choquidon. Nëidic shubu dadpen icquid Edusaden yacnouësh choquidon. Nëidic nidaid Udea yacnouësh choquidon. Nëidic acte Odan ëquëmatsiucuësh choquidon. Aidted yacnouësh choquidon Esus tsibanampanëdash.

Mateo 8:18

Adashic abi isnuec chochoash matses dadpenquio datsidadsho isash abëd icquido chiec: Chian potec nidnunid, quianec chian yacno nidec Esus puduampanëdash.

Mateo 8:2

Adnubien dada aton dada daush daushpambo yec daicsaidquio choquin Esus ismec dannëshën tinquebudec shuebudshun chiec: Ubi bëdanmete bunquin mimbi ubi bëdanmetsiaque. Ubi bëdanme, Icbo, caquien

Madcos 3:7

Adnubien abëd icquidobëd Esus chian Cadidea caid yacno nidpanëdash. Adec nidsho issun nidaid Cadidea yacnocquido dadpenshun Esus tsibanampanëdash.

Ducas 5:15

Adnubien Esusën bëdanmesho isquidon chuibanac matses dadpen Esusën chuibansho tantianuec chochopanëdash. Adecbidi daicsaidobëd nënquido bëdannuec chochoacsho Esusën bëdanmebampanëdash.