Mateo 7:7 - El Nuevo Testamento en matsés

^7-8 Nuquin Papa ënenquio icquin chuidoneta. Aden chuidoniac tantiashun Nuquin Papan mibi menendac. Adembidi: Ubi bëdambuen name, Papa, mimbi cacpadombuen mibi namendac. Adembidi: Ubi nashunta, Papa, quequin chuidoniac tantiashun Nuquin Papan mibi nashunendac.

Mateo 7:7 Iomraidhean Croise

Mateo 18:19

Padpiden chuinu. Tantia. Mimbi utsi chuiquin: Nuquin Papa chuinuna, cac: Ai, adonona, quesho tantiashun aidbëtan Abi chiannesho mimbi chiacpadombuen abuc icquid Cun Pan mibi nashunendac.

Mateo 21:22

Nadatiambocquin naquidquio Nuquin Papa nec, quequin abimbo tantiaquin Abi chiannesho mimbi chiacpadombuen Nuquin Papan mibi nashuntsiash, quequin Esusën ubitedi chuipondash.

Mateo 6:33

Adembidi: Nuquin Papan namiacno tabadtequid nebi, quequin tantiaquin aidën chiacpaden naic tabadta. Aden abi tantiaquid icquin abi chuisho mibi bedmendac.

Mateo 7:11

Adquid yec mibitedi icsambuen naquido icquimbi min bacuëbo tantiaquin bëdambocquid mimbi menec. Adombuembidi Nuquin Papa abuc tabadquid icquin: Ubi nashunta, Papa, quequin abi chuisho tantiashun mibi nashuntsiashe. Nuquin Papa chianneta, quequin Esusën chuipanëdash.

Madcos 11:24

Umbi chiacpadombuen Nuquin Papan naindac, quequin abimbo tantiaquin mibitedishun abi chuisho tantiashun Nuquin Papan adombuen nashunendac.

Ducas 13:25

Adquid icnuc shubu Icbon shëcuë bëtashan umanuc tabadquin shubu icbo chuiquin: Ubi puduedme, quequin cumapenen cuëmbededendac. Adoaquien: Umbi isacmaido mibitedi nec, caindac.

Ducas 18:1

Adshumbic Esusën: Ma ubëd icquidon chieshtoenquio icquin Nuquin Papa chiannenu, quequin tantiaquin utsi chiacbimbuen naden chuipanëdash:

Uanën dada uaid 15:16

Esusbëd icquid icnu ¿quequinda mimbembi tantiadionda? Padenquio. Umbien mibi: Cho, caondac. Utsibo tantiamequin ma nëidon ubi chuibennenu. Aden chuibanac utsibotsen ubëd tabadtequid yanendac, queshun mibi: Cho, caondambi. Aden umbi chiacpadombuen naquidën Nuquin Papa chuiquin: Min mado tantiaquid nebique. Ubi nashun, Papa, cac mimbi chiacpadombuen Nuquin Papan mibi nashunendac.

Uanën dada uaid 15:7

Adshumbic Esusën padpiden chuipondash: Ubi tantiec ubëd tëshnanenquio yec tabadquin umbi chiacpadombuen nabanquidën: Ubi nashunta, Papa, cac mimbi chiacpadombuen Nuquin Papan mibi nashunendac.

Uanën dada uaid 4:10

Adshobien Esusën naden chuipanëdash: Nuquin Papan bëdambuen isquin natebëta ubi tantiaquid icquin: Acte bec cho, mimbi ubi catsiac. Adsho acte bëdambo icmianquid mibi acmetsiambi, capanëdash.

Doma 2:7

Abi tantiec bëdambuec tabadsho issun mabi Nuquin Papan: Mibi bëdambo iquec, canu, quiash abëd tabadte bunec ambi chiacpadec bëdambuec tabadquid uënësacsho Nuquin Papan ënëdenquiocnoc abëdi tabadmendac.

Doma 3:11

Nuquin Papa tantiaquin naquidquio nibëdec. Nuquin Papa tantiate bunquidquio nibëdec.

Ebedeo 11:6

Padnuen abi tantienquiocquin naquid icsho isash: Umbi bëdambuen isaidquio nec, quetiapimbo Nuquin Papa iquec. Adquid icnubi Nuquin Papa tantiaquid icte bunebi, quequid nadtsiash: Nuquin Papa abi iquec. Abi tantiaquido bëdambuen nashunquidquio nec, quequin abi tantiaquid icsho ambi bëdambuen isaidquio nec.

Santiaco 5:15

Nuquin Papa bëdanmianquidquio nec, quequin tantiaquioquin chuinuc nënquid Nuquin Icbon bëdanmendac. Adembidi nënquidën icsambuen naidtedi tantienquio yec bëshunquin Nuquin Papan bëdambuen isendac.

Uan 1 3:22

Aden: Umbi chiacpadombuen ubi nashun, quequin chianniac nuqui nashunendac. Ambi chiacpadombuen naquin abi bëdambo icmiac Nuquin Papan nuqui chianniacpaden nuqui nashunendac.