Mateo 7:2 - El Nuevo Testamento en matsés

² Utsibo: Icsambocquid nec, cainda. Adembidi Nuquin Papan: Mibi icsambocquid nec, canushe. Utsibon icsambuen naiduidi chiec tabadenda.

Mateo 7:2 Iomraidhean Croise

Mateo 6:14

Adashic nadpanëdash: Utsibon chieshënaqui bëdambuen ista. Cuidnanec chieshënnanenda. Mibi utsin icsambuen nabued tantienquio yec bëshunsho isash Nuquin Papa mibitedishun icsambuen naid tantienquio yec bëshunendac.

Madcos 4:24

Aden chiash Esus: Chiaid Bëda tantiashun bëshunenquio icquin tantiadednequiota. Aden chiaiduidi tantiec utsibobëd tantiananec tabadsho mibitedi bëdambocquid icmequin Nuquin Papan udictsëc mibi bëdambuen tantiamendac.

Ducas 6:38

Atona nibëdquid bëdambuen tantiaquin meneta. Adembidi mibi tantiaquin Nuquin Papan mitsana icmendac. Utsi tantiaquin mimbi meniacpadombuembidi mibi tantiaquin mitsana daëd uashun Nuquin Papan mibitedi meneuaindac, quepanëdash Esus.

Codinto 2 9:6

Nuquin Papan Chiaid chuinu. Tantiata. Pete ëshë daëdpactsëc sequidën daëdpactsëc bedquid. Dadpen sequidën dadpen bedquid, quequin chuipampic.

Santiaco 2:13

Utsibo uënësquiocquin tantiesa matses icsho Nuquin Papan: Aido tantiac uënësquio iquec, quenquio icquin cuidendac. Aden cuidshumbic utsibo uënësquio icquin tantiaquido icsho Nuquin Papan ambi abitedi cuidte uëshën aido cuidenquio iquendac.

Esusën Uan ismiaid 18:6

Adashic padpidec onqueuaic: Babidonia yacnocquidon matses utsibo icsa uaquid icsho issun cuidquin dadpenquio icsauata. Aden icsa uaquidquio icsho udictsëcquio icsauameta. Aden aid chidon acte paë uaid acmequin dadpen icsa uaquid icsho issun nëishquioshon: Cumapenec ma icsabudquiono, quequin acte paë uaid icsa daëden cushtotanquin acme. Adsho nëbi uesquin cuidquiendambi.