Mateo 6:9 - El Nuevo Testamento en matsés

⁹ Naden mibitedishun Nuquin Papa chuita. Papa, bëdamboshë icquidquio yec mibi abucquimboshë tabadec. Adquid icsho matses abitedishunquio: Ubi uaquid utsi nibëdec. Mibi bëdamboshëcquid nec, quequin ma mibi tantiapanuna, papa.

Mateo 6:9 Iomraidhean Croise

Mateo 10:29

Piucquid tsasicquidëmpi abentsëc menequin uicchunëmpi daëd bedtequid iquequi abentsëc ambi tantiacpadequi nidaidën paëdec uënësso Nuquin Papan tantiaquiec. ¿Aid tantiaquid icquimbida Nuquin Papan mibitedi tantienquio icpec?

Mateo 23:9

Adembidi mibi nidaidënshun chuibanquid chuiquimbi: Mibiuidtsëqui bëdambo iquec, Papa, cainda. Abuc icquid Nuquin Papa abentsëcquiobi papa quequin chuita.

Mateo 26:29

Adashic: Nadquid uba chinaid ënë nidaidënshun padpiden aquenquiocquimbi Cun Pan namiacnoshon actequid chucambo padpiden mibëtambi aquendambi, quepondash Esus ubitedi chiec.

Mateo 26:42

Aden chuitanec ambi Nuquin Papa chuibocno padpidec niduashun Nuquin Papa chuiuaic: ¿Ada ubi natiamequin mëyadmenquio ictsia, Papa? Ubi bunacpaden namenquiocquimbi mibi bunacpadombuen nameta, quetanec

Mateo 5:16

Adacbimbuec ubi tantiesabobëd tabadquin: Ma Nuquin Papa abuc tabadquid tantianu, quequin aido ismec Nuquin Papan chiacpaden nabanec bëdambuec tabadta. Nuquin Papa bëdambo iquec, ma utsibotsen quenu, quiash adta, quequin Esusën chuipanëdash.

Mateo 5:48

Abuc tabadquid Nuquin Papabimbuec bëdambocquid icta. Bëdambo icquidobëta icsambo icquidobi Nuquin Papan bëdambuen isquin tantiacpadombuembidi utsibotsen tantiata, quepanëdash Esus.

Mateo 6:14

Adashic nadpanëdash: Utsibon chieshënaqui bëdambuen ista. Cuidnanec chieshënnanenda. Mibi utsin icsambuen nabued tantienquio yec bëshunsho isash Nuquin Papa mibitedishun icsambuen naid tantienquio yec bëshunendac.

Mateo 6:6

Mimbi aden chienda. Utsibo ismenquio icquin Nuquin Papauidtsëqui tantiaquin mimbentsëqui chianneta. Aden chiannequid mibi icsho Nuquin Papan mimbi utsibo ismenquio icquin naidtedi tantiaquid icquin mibi bëdamboshëcquid menendac.

Mateo 7:11

Adquid yec mibitedi icsambuen naquido icquimbi min bacuëbo tantiaquin bëdambocquid mimbi menec. Adombuembidi Nuquin Papa abuc tabadquid icquin: Ubi nashunta, Papa, quequin abi chuisho tantiashun mibi nashuntsiashe. Nuquin Papa chianneta, quequin Esusën chuipanëdash.

Ducas 15:18

Nëbi cun pa yacno niduashun naden cun pa chiembi: Nuquin Papan Chiaid niacquimbi mimbi chiaidtsen niacquin icsambuen nabanombi.

Ducas 15:21

Adoac ambi tantiabocpaden aton papa chiec: Papa, Nuquin Papan Chiaid niacquimbi mimbi chiaidtsen niacquin icsambuen nabanombi. Aden naquid icsho: Cun mado nec, ubi cainda, papa, caposh aton madon.

Ducas 2:14

Nuquin Papa abucquio tabadquid yec bëdamboshë iquec. Nuquin Papan bëdambuen isaido matses ma bëdambuec tabadpanuna, quec cuëdëmpanëdash.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Cadasia 1:1

Pabado nebi. Esuquidistun: Ubi chuibenneta, caid nebi. Matsesën: ¿Adquid icta, caidtabi nedi? Padenquio. Esuquidistun: Ubi chuibennequidquio icta, caid nebi. Adembidi Aid uincuenmenëdaid icquin Nuquin Papantsen: Esus chuibenneta, caid nebi.

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Timoteo 1 6:16

Aid abentsëqui uënëstiapimbo icquid nec. Bëchamauanquiec isadsho: Isnu, quequimbi anuenadtiapimbo iquec. Aidi matsesën istiapimbo icquid nec. Adquid icsho: Mibiuidtsëqui abitedishun Icbombo yec nadatiambocquid mibi bëdamboshëcquid nec, Papa, amen, quequin Nuquin Papa chiannenuna ënenquio icquin.

Petedo 1 1:17

Mibitedishun Papa quequin chianniaid Nuquin Papa matsesën naidtedi tantiaquid icquin: Nëid bëdambocquid nec. Nëid icsambocquid nec, quequin ambi naid abitedi chuibanquin matses cuidquidquio nec. Adquid icsho uënësabi yec nidaidën tabadquin: Mibi bëdamboshëcquid nec, Papa, quequin Nuquin Papa ënenquio icquin tantiata.

Esusën Uan ismiaid 4:11

Mibi bëdamboshë iquec, Papa. Adembidi abitedishun mibi: Bëdambo iquec, capashun. Abitedishun Icbombo mibiuidtsëqui nec. Chuiquid tapambo abentsëcquiobi mibi nec. Nadatiambo icquin nabanquidquio icquin mimbi abitedimbo uapampic. Mimbi tantiacpadombuen mimbiuidtsëcquiobi abitedi uapampic. Adoac mimbi tantiacpadequi mimbi uaido nibëdanambo abi iquec, Papa, quec tsësiobo cuëdëncuededposh.

Esusën Uan ismiaid 5:12

Adec tabadec naden chiec cumapenquiec cuëdëncuededposh: Obecabimbuecquid yec matses icsaid bedshunash abided cuidadec uënësquid yec Mibi bëdamboshëcquidquio nec. Adquid icsho: Abitedishun Icbo icquin nadatiambocquin namequidquio mibi nec. Adecbidi mimbi uaido yec mitsana abitedimbo nec. Cumapenen tantiaquidquio mibi icnuc mimbi tantiacmaid utsi nibëdec, abitedishun canuna. Adembidi mibi bëdamboshëcquid icsho Mibi tantiaquiembi, canuna. Adembidi abitedishunquio: Mibi bëdamboshë iquec, canuna, quec cuëdëncuededposh.