Mateo 6:2 - El Nuevo Testamento en matsés

² Mimbi atona nibëdquido meniaid utsibo chienda. Utsibo bëdambocquid danmianquidën nacbimbuen nainda. Adquido Nuquin Papan Chiaid chuibante shubun puduedshun ambi nabued aton matses chiendac. Adembidi matses dadpen capuacnoshon ambi nabued chiendac: Mabi bëdambocquid nec, canu, queshun. Aidon Nuquin Papan menete bëdamboshëcquid bedtiapimbo iquendac.

Mateo 6:2 Iomraidhean Croise

Mateo 15:7

Nuquin Papa tantiaquid nebi, quec bëdambocquid danmianquido mibitedi nec. Ëndenquimboshë Nuquin Papan ambi oncamiaid Isayasën mibitedishun icsambuen tantiate naden chuiquin dada uamepampic:

Mateo 16:3

Badiadnuc abu piumbo icbuedi inchëshpambo icsho isash: Ue dapa choec, quequid icquin nuquin matsesën chiaid tantiaquin chuiquid mibitedi nec. Aidën chiaid tantiaquid icquin bëdambuen tantiatiadquidi: Ubi isme, quequin Nuquin Papan nëbimbobi naid isquimbi mimbi tantienquio iquec.

Mateo 22:18

Aden chuisho tantiashun chobuedën: Icsambuen chuimenu, quequin tantiaid tantiaquid icquin Esusën nadopondash: Bëdambo icquid danmianquido yec mibi muambo nec. ¿Atotsi queshun ubi icsambuen chuimetiadquio ique?

Mateo 23:5

Aidon Nuquin Papa tantiaquidquio danmequin matses ismenuenuidi naic. Nuquin Papan Chiaid dada uaidëmpi sauedten sauedtsash bëdectamëdash abiuc daëdi pëdectamëdshun matses ismenuenuidi naic. Adecbidi: Nuquin Papa chiannequidquio nec, mabi canu, queshun sedquid shoyonaid ënapempactsëcnuc aton dashcute cuididicash matses ismenuec matses tabadacno capucuennepec.

Mateo 23:6

Chuiquid tapa nec, cameteuidi bunec. Isedec puduedash: Chuiquid tapa icsho icbon abëdi tsadmequid, quiash icbobëduidi tsadte bunquiec. Nuquin Papan Chiaid chuibante shubun puduedash: Chuiquid tapambo nec, camenuec utsibobëd tsadenquio yec chuiquid tapabobëdi tsadte bunec.

Mateo 24:51

Adec choshon ambi chiacpadombuen nainquio icsho istuidshun: Icsambo iquec, queshun cumapenquien cuidendac. Adombuembidi Nuquin Papan icsambuen naquido cuidendac. Bëdambo icquid danmianquido cuidacno matses mëyadtequid yacno nidmendac. Adoac natiaquiec shëta chëquëdëshquec shubiquiendac, quequin Esusën chuipondash.

Mateo 5:18

Tantia. Abimbo chuinu. Abubëta nidaid nibëdanmiabi icnuc Nuquin Papan: Naden nata, quequin chuiquin dada uamiampid utsi uatiapimbo iquendac. Ambi chiampictedimbo namequin nainendac.

Mateo 6:16

Adshumbic buna mëmunte Esusën naden chuipanëdash: Tantia. Nuquin Papauidtsëqui tantianu, quequin buna mëmunquid chuinu. Muaquidën nacbimbuen ismenda. Muaquido: Buna mëmunquid nec, aton matses camenuec manimanictsëcquio yec nënquidbitsëcquiec mamënenquio iquec. Adec buna mëmunquid tanec muaic. Adsho issun matsesën bëdambocquid dannubi Nuquin Papan: Icsambo icquid nec, queshun bëdamboshëcquid menetiapimbo iquendac.

Mateo 6:3

Atona nibëdquido menequin utsibo ismenda. Meneshun: Menebanombi, quequin utsibobëta mibëd icquidquio chienda.

Mateo 6:5

Naden Nuquin Papa chiannetetsen Esusën chuibampanëdash: Bëdambo icquid danmianquidën nacpaden nainda. Aidon Nuquin Papan Chiaid chuibante shubun puduedshun utsibo tantiamenuenuidi nidtoshon cumapenec onquequin Nuquin Papa chiannepec. Adash umanuc puduenanec utsibo iccuededacno nidshun matses dadpen tantiamenuenuidi padpiden adembidi Nuquin Papa chiannec. Adquid aton matsesën: Bëdambo iquec, canubi Nuquin Papan: Bëdambo iquec, catiapimbocquin aido bëdamboshëcquid menetiapimbo iquendac.

Mateo 7:5

Bëdambocquid danmianquido mibitedi neque. Mibi bëctsiadaid mibia bëbedadshun: Mibitsen bëbednu, quetiadquidi mibi nec. Adembidi utsin icsambuen naid abentsëc icnubi mimbi icsambuen naid utsi utsiec icnuc ¿atotsi queshun: Mimbi icsambuen naid ënta, quequin mimbi utsi chuipe? quequin Esusën chuipanëdash.

Madcos 12:39

Adombuembidi tantiec: Ma matsesën ubi isnu, quiash Nuquin Papan Chiaid chuibante shubun puduedash tsësiobobëd tabadec. Adombuembidi tantiec: Ma matsesën ubi isnu, queuash pebededacno puduedash chuiquidon tsadte nec, caidënquio tsadte bunec.

Madcos 7:6

Adoaquien Esusën: Nuquin Papan oncamiaid Isayasën ëndenquimboshë dada uaquin: Bëdambocquid danmianquido mibitedi nec, quequin chiampicpadquid mibitedi nec. Ambi chuiquin dada uamiampid nad iqueque. Tantia: Isadaidbon: Nuquin Papa bëdambocquid nec, quequin ubi tantienquiocquid nec.

Ducas 11:41

Atona nibëdquid tantiaquin menededneta. Aden mimbi menedednesho issun Nuquin Papan mibi bëdambuen isendac, quepanëdash Esus.

Ducas 11:43

Adembidi: Ma ubi chuiquid tapabimbuec capusho mabi bëdambuen isnu, quequin tantiec Nuquin Papan Chiaid chuibante shubun puduedash chuiquid tapa tsadacno mibi tsadtednepec. Adombuembidi tantiec matses iccuededacno nidequi: Chuiquid tapabimbuec capusho bëquedshun mabi bëdambuen chuinu, quec mibi capupec. Aden tantiaquid icsho Nuquin Papan cuidtequidombo mibitedi nendac.

Ducas 12:33

Ambo nidabi icquin mitsana menebanquin min piucquid bedshun atona nibëdquido menebanta. Aden utsi tantiaquin mimbi nabannuc Nuquin Papan abi yacnoshon menetequid mitsana chodquetiapimbocquid yec ampen bedshuntiapimbocquid yec macumpin udquin icsa uatiapimbocquid yec quec iquendac.

Ducas 12:56

Adec abuc icquidbëta nidaidën icquid adquio iquec, quequin mibitedishun tantiec. Aden tantiaquid icquimbi ¿atotsi queshun abucshun Nuquin Papan Chomiaid issumbi ubi tantienquio mibitedishun icpe? Adquido yec Nuquin Papa tantiaquid nebi, quec bëdambocquid danmianquido mibitedi nec, capanëdash Esusën.

Ducas 13:15

Adosho tantiashumbien Esusën: Bëdambocquid danmianquido mibi nec. ¿Chonoadtemaid uëshën: Nëish iua baca bënëbëta cabachubitsecquidëmpi acte acmebono, queshun mimbi iuaid nëshaid chicshun acte yacno buanenquioda mibitedishun icpe?

Ducas 20:46

Moisesën chiampid tantiamequidopadquid iquenda. Aido: Mabi chuiquid tapabimbuecsho utsibon isnu, quequin tantiec chuiquid dasiuidacpadec dashcute ënapen icquid dasiuidcuededec. Adecbidi matses dadpen iccuededacno nidash capuequi: Ma ubi bëquedquidontsen ubi chuiquid tapabimbuecsho issun: Mibi bëdambo iquec, quequin mabi chuinu, quec tsadpec. Adombuembidi tantiec Nuquin Papan Chiaid chuibante shubun puduedash: Chuiquid tapabimbuecsho mabi isnu, quec chuiquido tabadacno tsadtednepec. Adombuembidi tantiec: Pec cho, cac chosho isash chuiquid tapabimbuecsho ma ubi bëdambuen isnu, quec tsësiobo tabadacno tsadtednepec. Aidon nacpadombuen nainda.

Ducas 6:24

Padnuen atona dadpen icquid: Cuna dadpen iquec, quiash cuishonquec bëdambuec tabadebi, quesho Nuquin Papan abi yacno puduedmenquio icquin mibitedi cuidendac.

Ducas 6:42

Bëctsiadaid bëchish nua bëuequid nebi, quequin tantienquio icquin utsi bëctsiadaid pistsëcquid icshobi ¿Mitsipaden mimbi aid bedshunnuen ispe? Bëdambocquid danmianquido mibi neque. Mibi nua bëuequidba chicshun mimbi min utsi bëctsiadaid pistsëcquid bedshuntsiac.

Uanën dada uaid 13:29

Adsho tantiash: Udas nuqui piucquid dayun uashunquid nec, quequin tantiec utsi utsiec: Piucquid buanshun nuqui nëbi petequid bedtan, caquimbien nachitec, quenubi utsi utsiec: Piucquid nibëdquido piucquid menetan, caquimbien nachitec, quepondabi.

Uanën dada uaid 5:41

Ubi adsho tantiashun matsesën: Mibi bëdambo iquec, ma ubi canu ¿quectabi ique? Padenquio.

Uanën dada uaid 5:44

Matses: Mibi bëdambo iquec, cameteuidi bunquin Nuquin Papambo mibitedishun tantienquio iquec. Aden Nuquin Papa: Mibi bëdambo iquec, mimbi cametiapimbo iquec, quepondash Esus.

Uanën dada uaid 7:18

Ambembi chuiquidën: Mabi matsesën: Bëdambo mibi iquec, canu, quequinuidtsëqui tantiaquin chuibanendac. Umbien: Ubi chomiondaidquio ma matsesën tantianu, quequin aidën chiaidquio abimbo chiec nendac.

Hechos 10:2

Aidi aton shubun icquidobëd Nuquin Papa tantiaquid icquin isadaidbo atona nibëdquid icsho issun meniannequid nepanëdash. Adecbidi Nuquin Papa chiec onquiannequidquio nepanëdash.

Hechos 10:31

Codnedio, abi chiec onquiannesho Nuquin Papan mibi tantiashunosh. Adembidi atona nibëdquido mimbi meniannesho aidëmbi bëshunenquio icquin tantiec.

Hechos 10:4

Adsho tantiash cumapenec dacuëdquin Nuquin Papabëd icquid bëisec: ¿Atotsi ubi chuinuec ne, Icbo? capanëdash Codnedion. Adoaquien: Abi chiec mibi onquedednesho Nuquin Papan tantiosh. Adembidi atona nibëdquido tantiaquin menedednequid icsho Nuquin Papan bëdambuen isaid mibi neque. Tantia. Chuinu.

Hechos 11:29

Adnuc: Udea yacnocquidon pete nibëdec, quesho tantiashun Antioquia yacnocquid Esus tantiaquidon: Aido nashunnuna, queshun aton piucquid menemenuen ambi tantiactedi Edusaden yacno buanmenu, quequin sambededpanëdash.

Hechos 24:17

Adequi seta dadpen matanmec nidaid utsi utsiec yacno capucuennec tabadcuennequin: Edusaden yacnocquid isadaidbo bunec tabadec, quesho tantiash piucquid menenuec chopobi. Adembidi: Nuquin Papan bëdambuen dayun uabennioshi, quequin Nuquin Papa ismequin piucquid nibëdquido meneuanuec chopobi.

Hechos 9:36

Adnubien Dida caid udictsëc shubu dadpen icquid Ope caid yacnocquid Esus tantiaquid chido Tabita cuënshumbic quidiecon onqueten Dodcas cain cuënaid icpanëdash. Aidëmbi atona nibëdquido nashundednequimbi pete nibëdquido menedednepanëdash.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Codinto 1 13:3

Atona nibëdquido icsho issun cuna abitedi menequidquio iquequi utsibobëd tantiananec tabadesa yec abenquiobi icquid ictsiabi. Adembidi ubiuidtsëqui bëdamboshëcquid ictsiabi, queshun ubi cuessunneshun cun dada pichicaquin nëdëncata, catsiambi. Aden tantiaquid iquequi utsibobëd tantiananec tabadesa yec abenquiobi icquid ictsiabi.

Cadasia 2:10

Nadentsen chuipondashi: Atona nibëdquido tantiaquin nashunnuna, capondashi. Adsho tantiash adquid tantiaquin nashunquidquio yec: Ai, adonona, quepondabi.

Epeso 4:28

Ampequid icbuedëmbi ampenda. Adquid icbuedi chonoadquin mitsana bedshun utsina nibëdsho issun mosuc menequid icta.

Tesadonica 1 2:6

Pabado bëdambuen chuiquidquio nec, ¿matses camenuendambi chuibanonda? Mibitedi adometiapimbo icquimbi utsibotsen adometiapimbo iccondabi.

Timoteo 1 6:18

Aidbidi chuiquin: Bëdambuec tabadquin utsibo nashumbanquiota. Adembidi cudasenquio icquin mitsana utsibo menianneta.

Pidemon 1:7

Aden umbi chianniacpadombuen mimbi bëdambuen nabanec. Aden Nuquin Papa tantiaquido chieshtomenquio icquin bëdambo icmec, quequin tantiec cuishonquec bëdambo iquebi.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.