Mateo 5:4 - El Nuevo Testamento en matsés

⁴ Matsesën natiamiac mëyadquidombi abi tantiasho Nuquin Papan bëdambuen isquin bëdambo icmendac.

Mateo 5:4 Iomraidhean Croise

Ducas 16:25

Adoaquien Abadauanën: Tantia. Chuinu, mado. Ënden nidaidën tabadquin mitsana dadpen bedbanec mibi tabadnubi Dasado cumapenec bunquiec tsadposh. Adbuedi nëbi aidi ubëd bëdambuec tabadnubi anchumbo yec mëyadec mibi tënquebudec.

Ducas 6:21

Nëbi natiambo bunec tabadtednesho issun Nuquin Papan bëdambo icmiaid yec bunesa mibitedi iquendac. Nëbi mëyadec shubiec tabadtednequid icsho Nuquin Papan bëdambo icmiaid yec iuecash mibitedi cuishonquec mamënendac.

Ducas 6:25

Nidaidënshun bunenquio icquin abi bunaidtedi pequidobi Nuquin Papan icsambuen isaido yec cumapenec buntequid iquendac. Adecbidi atonauidi tantiec mamënec tabadquido icsho Nuquin Papan icsambuen isaido yec natiaquiec shubiquiendac.

Ducas 7:38

Aden bëec choash puduedshun Esus istuidash: Nëid bëdambocquid nec, quequin ambibi tantiec shubiec Esusën taëno tsadbudshun aton bëunën tapascaquin tachucu uapanëdash. Aden tachucu uatanquin aton manëdaidën taucshun tachoccatanquin danoshquete bëdambo noadquidën chidon tanoshcapanëdash.

Ducas 7:50

Aden pec tabadquidon tantianubi chido caic: Ubi tantiaquid yec Nuquin Papa yacno puduedtequid mibi neque. Dacuëdenquio yec nidta, quepanëdash Esus.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Esusën Uan ismiaid 21:4

Nëmbo tabadec bëun bëucacbimbuec matses shubitiapimbo iquendac. Nidaid shënin tabadec abitedi uënëstequiduidquio icbuedi nëuëshquio matses uënëste nibëdendac. Adecbidi sedenquec shubite nibëdendac. Adecbidi uënësquio icmiantequidbëd paëmbo icte nibëdendac. Adec ënden nidaidën iccondaidtedi nibëdquio iquendac, queposh.