Mateo 5:11 - El Nuevo Testamento en matsés

¹¹ Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Mateo 5:11 Iomraidhean Croise

Mateo 10:18

Utsibombic adembidi cuesmenuen chuiquid tapa cobednadod yacno mibitedi buanendac. Adembidi chuiquid tapa utsi yacnotsen mibi buanendac. Ubi chuibanquidon chuiquid tapabëta isadaidpembo ma umbi naid chuibannu, ubi quenuc mibitedi aden buanendac.

Mateo 10:22

Esus tantiaquid nec, queshun matses dadpenshun mibitedi chieshënendac. Adoaqui chieshtoenquio icquin ubi tantiasho Nuquin Papan abi yacno mibi tabadmendac.

Mateo 10:25

Tantiamiac tantiabenash abi tantiamequidbimbuec icac bëdambo ictsiash. Adecbidi iua aton icbobimbuecbidi icac bëdambo icuatsiash. Aden umbi chiacpadombuen nate bunquid icsho mibitsen icsambuen chuishunquin chieshënendac. Ma podobitsi icsan icbo Bedsebu caid neyoc ¿cainquiodabi ictiosh? Adembidi mibitsen chieshënendac, quequin chuipondash Esusën ubitedi chuiquin.

Mateo 10:39

Matses ambibi tantiaiduidi naic tabadquid uënësash Nuquin Papa yacno puduedtiapimbo iquendac. Padnuen ubi tantiaquin umbi chiacpadombuen nasho chieshënquin cuessunniacsho Nuquin Papan abi yacno tabadmendac, quequin Esusën chuipondash.

Mateo 19:29

Utsibontsen ubi tantiaquiendac. Aden tantiaquin aton shubu nianquinc abëta tishaid aton utsibo nianquinc aton tita nianquinc aton papa nianquinc aton bacuëbo nianquinc aton tied nianquinc cain ubi tantiaquin umbi chiacpadombuen naquid iquendac. Adoquid icsho ambi nianaidtedi dëniacquin dadpenquioshë Nuquin Papan icmeshunendac. Adembidi abëdi ënëdenquio yec tabadtequid icmendac.

Mateo 24:9

Adashic abi onquec: Umbi chiacpadquio yannuc chieshëmënquidon ubi tantiaquid icsho mibitedi bedshun utsi utsien mëyanmendac. Utsi utsien cuessunnemendac. Aden nidaid utsi utsiec yacno tabadquido dadpenshun ubi tantiaquido icsho chieshënquiendac.

Mateo 27:39

Adshobien podquied cuëmanquio Esus diadsho isbidannequin mapi tacuquequin mamënshunquin naden chuipanëdash:

Madcos 13:13

Esus tantiaquid nec, queshun matses dadpenshunquio mibitedi chieshënendac. Adoaqui chieshtoenquio icquin ubi tantiaquid icsho Nuquin Papa yacno tabadmendambi.

Madcos 13:9

Adquid yannuc ista, cacbimbuen bëdambuen tantiec tabadta. Mibi bedshun: Icsambocquid neque. Cuidta, quequin chuiquido menenun mibi buanendac. Adembidi bedshun Nuquin Papan Chiaid chuibante shubuno buanacsho chuiquido cuesmequin mëyanmendac. Adembidi bedshun isadaidpembon chuiquid cobednadodbëd aidon chuiquid tapambo yacno buanac umbi nabanaid mimbi aido chuibanendac.

Madcos 8:35

Matses ambi tantiaiduidi naic tabadquid uënësash Nuquin Papa yacno puduedtiapimbo iquendac. Padnuen ubi tantiaquin umbi chiacpadombuen naquin Nuquin Papan Chiaid Bëda chuibansho chieshënquin cuessunniaid icsho Nuquin Papan abi yacno puduedmendac.

Ducas 21:12

Aidtedi yanabicnuc ubi tantiaquid icsho utsi utsien bedshun mibitedi mëyanmendac. Adoshombic: Icsambuen naquid neque. Ma cuidnu, queshun Nuquin Papan Chiaid chuibante shubu yacno mibi buanendac. Adembidi quënën tsadunmendac. Utsi utsien isadaidpembon chuiquid cobednadodbëd aidon chuiquid tapambo tabadacno buanac:

Ducas 21:17

Aden nidaid utsi utsiec yacno tabadquido dadpenshun ubi tantiaquido icsho chieshënquiendac.

Ducas 6:22

Matsesën Tishaid Esus tantiaquid nec, queshun utsibon mibitedi chieshënquin icsambuen chuishunquin mamënshunendac. Adembidi: Icsambocquid nec, queshun mibitedi cuenmendac. Adoaid icshobi Nuquin Papan mibitedi bëdambo icmendac.

Ducas 9:24

Matses ambi tantiaiduidi naic tabadquid uënësash Nuquin Papa yacno puduedtiapimbo iquendac. Padnuen ubi tantiaquin umbi chiacpadombuen naquid chieshënquin cuessuniacsho Nuquin Papan abi yacno puduedmendac.

Uanën dada uaid 15:21

Ubi chieshënquidon ubi chomiondaidquio tantienquio icquin ubi chieshënec. Adombuembidi ubi tantiaquidotsen chieshënuaindac.

Uanën dada uaid 9:28

Adsho tantiash nëishtanquin: Mibien Esus tantiaquid nec. Mibi icsambo iquec. Ubitedien nuquin tsusedpa Moisesën chiampid tantiaquido nec.

Hechos 9:16

Aden ubi chuibennesho: Mibi natiambo icnuc mëyantequid iquendac, quequin Saudo tantiamendambi, quepanëdash Esus.

Doma 8:36

Nuquin Papan naden chuiquin dada uamepampic: Mibi tantiasho chieshëmënquidon: Cuessunnenu, ubitedi cadedcadedec. Ubitedi nëish iua obeca buanshun cuessunniacbimbuen cuessunnenu, cadedcadedec, quequin chuipampic.

Codinto 1 4:10

Ubitedi Esuquidistun: Ubi chuibennequid icta, caido icquin chuibansho tantiash: Ambembi chiec onquequido nec, quepec. Mibitedien Esus tantiaquido icsho: Bëdambuen tantiaquidquio nec, quequin mibi tantiec. Ubitedi caic: Tantienquiocquid nec, quenubi mibitedi: Tantiaquidquio mibi nec, mimbi ubi capec. Matsesën ubitedi tantienquio icnubi mimbitedi ubi tantiaquiec.

Codinto 2 4:11

Adembi Esuquidistu chuibansho chieshënquin uënës uatsiashi, quequin tantiaquimbi abi chuibennec nebi. Esusën ubëd icquin chieshtomenquio icquin dayacquio icmiac chuibansho utsibon adembidi tantiabededec.

Pidipos 1:29

Esus tantiaquido icsho natiamiaqui mibitedi bëdambo iquendac. Adecbidi Esuquidistu tantiec bëdambo icuaindac.

Petedo 1 2:23

Adquid icsho abi chieshënquidon mamënshunaqui cuidquin chushcainquio icpanëdash. Aidon natiamequin mëyanaqui: Mibitsen cuidendambi, cainquio icpanëdash. Adenquio yec nadpanëdash: Nuquin Papan matsesën naidtedi tantiaquid icquin bëdambocquido abëdi tabadmequin icsambocquido cuidquin chian annëdënquiacno ma nidmepanu, quiash chieshëmënenquio icpanëdash.

Petedo 1 4:14

Esuquidistu tantiaquid nec, queshun chieshënquin icsambuen chuishunshobi Nuquin Papan mibi bëdambo icmendac. Adoshon Nuquin Papan aton Mayan Bëdamboshëcquid mibëd cuëshëdmenquio icquin tabadmendac.

Esusën Uan ismiaid 2:3

Adembidi utsibon chieshënquin natiamiaqui chieshtoenquio icquin Umbi Chiaidbëta Umbi naid mimbi chuibanoc.