Mateo 4:3 - El Nuevo Testamento en matsés

³ Adec bunec tsadshobien Mayan Icsa Satanasën istuidpanëdash. Aden istuidtanquimbien: Nuquin Papan madombo icquin penun nëid cuënotebi: Pete icta, cata, capanëdash.

Mateo 4:3 Iomraidhean Croise

Mateo 14:33

Adsho issun cano antabëdquidon dannëshën sebudshun ismequin: Mibi bëdamboshë iquec. Ma Nuquin Papan Madombo mibi nepayoc, quequin ubitedishun Esus chuibededpondac.

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Mateo 26:63

Adoac ëcbedenquio yec otacquio icpanëdash. Adshobien nëish iua cuessunneshun pichicaquidon chuiquid tapan: Nuquin Papa uënëstiapimbocquidën cuidnushe, queshun abimbo chuita. ¿Nuquin Papan Chomiaidquio Quidistu caid yec aidën Madombobida mibi nepe? caquien

Mateo 3:17

Adnubien abucuëshquio Nuquin Papa onquepanëdash: Nëid umbi tantiaidquio Cun Madombo nec. Umbi chiacpadombuen nasho isash bëdambo iquebi, quepanëdash Esus caic.

Madcos 1:1

Nuquin Papan ambi tantiampicpaden aton Madombo Esuquidistu Mesias caid chomete tauaquin chiampid Chiaid Bëda chuinu. Tantia.

Madcos 3:11

Adnubi podobitsi icsa dapuduedaido choquin Esus istuidequi dannëshën sebudec cumapenec sidquec: Nuquin Papan Madombo mibi nec, quec cumapenec cuëdpanëdash.

Madcos 5:7

Adsho issun aid dapuduedaid chuiquin Esusën: Dapuduen, caqui podobitsi icsa cumapenec cuëdec: ¿Atotsi ubi canuec ne? Mimbi namiaidpenquio nebi. Esus, nadatiambocquid Nuquin Papan Madombo icquin ubi cumapenquien mëyanenda, quepanëdash podobitsi icsa dapuduedaid Esus chiec.

Ducas 1:35

Adsho tantiashumbien: Nuquin Papan Mayan Bëda budshun mibi usundomiac mimbi bacuë tishendac. Aden Nadatiambocquidën naidënquio usundomiaid icquin mimbi tishendac. Aden tishaid icsho: Nuquin Papa Nadatiambocquidën Madombo yec bëdamboshëcquidquio nec, utsibon cabededendac.

Ducas 22:70

Adsho tantiashumbien: Nuquin Papan madombobi nebi ¿quecta ique? caquien Esusën: Ai, mimbi chuibocpadquid nebi, quepanëdash Esus isadaidbon chuiquido caic.

Ducas 4:3

Aden istuidshun Mayan Icsa Satanasën nadopanëdash: Nuquin Papan madombo icquin nëid cuënotebi: Pete icta, cata, capanëdash Esus chuiquin.

Ducas 4:41

Adembidi utsi utsiec podobitsi icsa dapuduedaido icsho dapuduenmebampanëdash. Adoac: Nuquin Papan Madombo mibi nec, quec sidquesho tantiashun: Aden ubi chienda, Esusën cac podobitsi icsa ënëdpanëdash. Mesias nebi, quequin tantiaquin utsibo tantiamenushe, queshun podobitsi icsa chuimenquio icpanëdash.

Ducas 4:9

Adsho tantiashumbien shubu dadpen icquid Edusaden yacno buanshun Nuquin Papa tabadte shubu dapa abucquiocquid macano Mayan Icsa Satanasën Esus manidtomepanëdash. Aden manidtomiash: Nuquin Papan madombo nebique. Ismenu, quec nëuëshquiobi pudunta.

Uanën dada uaid 1:34

Aden ismeboc tantiaquin: Nuquin Papan Madombo nec, quequin mibi chiec nebi, quepondash Uan acten mentoanquid.

Uanën dada uaid 1:49

Adsho tantiashumbien: Icbo, Nuquin Papan Madombo mibi nec. Nuquin matses isadaidbon chuiquid tapambo ictequid mibi nec, capondash Natanaedën.

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Uanën dada uaid 9:35

Adnubien: Mimbi bëdanmebued cuenmiac caosh, quesho tantiashun Esusën ambi bëdanmebued istuidpondash. Istuidshumbic: Matsesën Tishaid yec Nuquin Papan Chomiaid nec ¿quequinda tantie? capondash Esusën ambi bëdanmebued chuiquin.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Codinto 2 1:19

Adembidi ambi chiacpadombuen nabanquidquio Nuquin Papan Madombo umbi chuibenniaid Esuquidistu nec. Aidi Sidbanobëtan Timoteon chuibenniaidbidi neuaic.

Cadasia 2:20

Esusbëd uënësacbimbuen umbi icsambuen nabanaid ënondambi. Nëbi Esusbëd cuëshëdenquio yec bëdambuec tabadebi. Ubi tantiaquiec ubi cuidmenquio icnuec Nuquin Papan Mado abided cuidadec Esuquidistu uënëspanëdash, quequin tantiashoeni Aidëmbi nëbi bëdambuec tabadquid icmec.

Tesadonica 1 3:5

Umbi istanenquio yac utsin chieshënac ¿adecbidida Tesadonica yacnocquido chieshtoenquio icpatsiashba? quequinuidtsëqui tantiec tsadtiapimbo iquebique. Istan, caondambi Timoteo chuiquin. Ubitedi adometsiash, quequin tantienquio icshobi: Icsamequin tannu, quequid Mayan Icsa Satanasën namiac chieshtoshon Esus tantienquio yanacsho isash abembi chonoadquin chuibanondambi, quequin tantiamane, queshun: ¿Ada umbi chuibanac Esus tantiabenondaido bëdambuec tabadeque? Istan, caondambi Timoteo chuiquin.

Ebedeo 12:16

Nuquin Papan Chiaid niacquin min chidopenquio chudenda. Chidon min bënëpenquio chudmenda. Mimbi chudtemaidi chudenda. Aden naquidon Nuquin Papan Chiaid niaquendac. Adembidi Esaun aton papan bëyucquid icsho abi chuitequidi chieshëmpampic. Bundoshon pete bunquin aton utsi chiec: Nuquin pan ubi bëyucquid icsho bëdambuen chuitequid chienquio icquin mibimbo ma chuinu. Pete bec cho, quequin icsambuen tantiaquin pete bedpampic.

Ebedeo 4:14

Esus Nuquin Papan Madombo yec nëish iua cuessunneshun pichicaquidon chuiquid tapambobimbuecquin Nuquin Papa matses bëdambuen ismequid nec. Adquid yec abuc nidshun Nuquin Papa chiec: Ubi tantiaquido matses bëdambuen ista, quequin chiannec. Aden chiannequid nec, queshun chieshtoenquio icquin Esus tantiaquionona.

Ebedeo 7:3

Aidi matsesën: Aton papa icpanëdash. Aton tita icpanëdash. Aton tsusedpabo icpampic, quequin tantienquio icpampic. Abi tishaid tantienquio icquin abi uënësaid tantienquio icpampic. Aidi Nuquin Papan Madobimbuecquid Medquisedec nepampic. Adquid yec Nuquin Papa matses bëdambuen ismenuen nëish iua cuessunneshun pichicaquidon chuiquid tapa ënëdenquioctequid nepampic.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Esusën Uan ismiaid 2:10

Aidon ubi mëyantsiash, quec dacuëdec natienda. Mayan Icsa Satanasën: ¿Ada Esus tantiaquido chieshtoenquio ictsiashe? Tannu, quequin namiacpadombuen chieshëmënquidon mibitedi utsi utsien quënën tsadunendac. Adoac 9tedec ushec mibitedi natiec mëyadendac. Puduenabi yec chieshtoenda. Ubi tantiaquido icsho: Cuessunnenu, cac dacuëdenda. Aidon cuessunniacsho bëdamboshë icquid meniacbimbuen ubëdi tabadmendambi padpidec uënëstiapimbo icnuc.