Mateo 4:23 - El Nuevo Testamento en matsés

²³ Adashic aton nidaid Cadidea yacnobi capucuennequin Nuquin Papan Chiaid chuibante shubun shubunquiec puduedcuennequin Esusën: Nuquin Papan namiacno tabadte iquec, quequin Chiaid Bëda chuibennepanëdash. Adshumbic daicsaidobëtabi nënquido bëdanmebampanëdash.

Mateo 4:23 Iomraidhean Croise

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Mateo 12:9

Adanec nidequi Nuquin Papan Chiaid chuibante shubun Esus puduedpondash.

Mateo 13:19

Nuquin Papan namiacno tabadte iquec, quequin chiaqui tantienquio icsho Mayan Icsa Satanasën nac badedi bëshunendac. Adquid podquied nantan pete ëshë secac paëdacsho uicchunën badedi chiacbimbuecquid nendac.

Mateo 13:54

abi caninëdacno shubu dadpen icquid Nasaded yacno Esus nidpondash. Ambo nidshumbic Nuquin Papan Chiaid chuibante shubun puduedshun Esusën chuibampondash. Aden chuibansho tantiashien tantiadempambo yec tabadec: ¿Mitsishunquio adombuen cumapenen tantiabempash nepeba? ¿Mitsipadquiec nadatiambocquin nabanquid yampash?

Mateo 14:14

Adnubien Esusën cano nandoash pudundoquimbi matses dadpenquio icsho istuidpondash. Adsho isash aido tantiec uënësquiocquin aidon bëbëaido nënquidobëta daicsaidotedi bëdanmebampondash.

Mateo 24:14

Ubi choabi icnuc: Ma matses abitedishun: Nuquin Papan namiacno tabadte iquec, quequin umbi naid Chiaid Bëda chuibansho ma tantianu, queshun ubi tantiaquidon nidaid utsi utsiec yacno nidshun chuiben chuibenendac. Aden matses abitedi chuibennequin nainambi Nuquin Papan matses cuidte uëshë choendac, quepondash Esus.

Mateo 3:2

Adquid icquin naden Esus chote chuibampanëdash: Mimbi icsambuen naid ënash Nuquin Papa tantiec bëdambuec tabadta. Nuquin Papan namiaidquio choeque, quequin chuibampanëdash.

Mateo 9:35

Aden onquesa bëdanmianec nidash shubu daëdpactsëcquidbëd shubu dadpen icquid yacno yacnombuec capucuennequin Nuquin Papan Chiaid chuibante shubun puduedcuennequin: Nuquin Papan namiacno tabadte iquec, quequin Chiaid Bëda chuibennepondash. Adshumbic ambocquido daicsaidobëta nënquidotedi bëbëacsho bëdanmebampondash.

Madcos 1:14

Adnubien isadaidpembon chuiquid tapan acten mentoquid Uan bedmeshun quënën tsadunmepanëdash. Aden Uan quënën tsadunmiambien Esus nidaid Cadidea caid yacno nidpanëdash. Adshumbic tauaquin Nuquin Papan Chiaid Bëda chiec: Nuquin Papan namiacno tabadte nëbi iquec, quequin Esusën chuibampanëdash.

Madcos 1:21

Adashic shubu dadpen icquid Capednaun caid yacno abëd icquidobëd nidpanëdash. Nidash chonoadtemaid uëshën Nuquin Papan Chiaid chuibante shubun puduedshun iccuededquido tantiamequin Nuquin Papan Chiaid Esusën chuibampanëdash.

Madcos 1:39

Aden chuibanec nidaid cuëshë Cadidea caidën icquidtedi yacno capucuennequin Esusën Nuquin Papan Chiaid chuibante shubun shubunquiec puduedcuennequin Nuquin Papan Chiaid Bëda chuibampanëdash. Adembidi podobitsi icsa dapuduedaido dapuduenmebampanëdash.

Madcos 3:10

Dadpen bëdanmiosh, cadoshe. Ubitsen bëdannu, quec chochoshon: Ubitsen ma mishnu, quec Esus mishte bunec nënquido dadpen datsidadec chochopanëdash.

Madcos 6:2

Ambo nidshumbic chonoadtemaid uëshën Nuquin Papan Chiaid chuibante shubun puduedshun Nuquin Papan Chiaid chuibanquin tauapanëdash Esusën. Aden chuibansho tantiashien tantiadempambo yec tabadec: ¿Mitsi padombuen dadpen tantiabempash nepeba? ¿Tsuntsin bëdambuen tantiamepashba? ¿Mitsipadquiec nadatiambo icquin nabanquin bëdanmianquid yampashba? quecuededpanëdash.

Madcos 6:6

Aden bëdanmetanec: ¿Atotsi quiash umbi chuibansho tantiate bunenquio mibi icpe? quepanëdash Esus. Adashic auëshquiobi puduanec nidanneshun uanno nidenquio yec anoentsëqui shubu daëdpactsëc icquid utsi utsiec yacno capucuennequin Nuquin Papan Chiaid Bëda Esusën chuibennepanëdash.

Ducas 10:9

Ambobi tabadquin daicsaidobëta nënquido icsho bëdanmeshun naden chuita: Nuquin Papan namiacno tabadmianquid nëmbobi mibitedi yacno iquec, quequin chuita.

Ducas 13:10

Adashic chonoadtemaid uëshën Nuquin Papan Chiaid chuibante shubun puduedshun Esusën Nuquin Papan Chiaid chuibampanëdash.

Ducas 16:16

Adembidi acten mentoanquid Uan tishabicnuc Nuquin Papan: Naden nata, quequin chiaid Moisesën dada uampidbëta Nuquin Papan oncamiaidon dada uampid mimbi ënden tantiondaid nec. Nuquin Papan namiacno tabadte iquec, quequin Chiaid Bëda umbi chuibansho tantiash ubi tantienquio yequi dadpen ambo puduedte bunquiec.

Ducas 20:1

Adashic Nuquin Papa tabadte shubu dapa daquënë uaidën puduedshun: Nuquin Papa yacno tabadte iquec, quequin Chiaid Bëda Esusën iccuededquido chuibampanëdash. Aden chuibannubien tsësiobo yec Nuquin Papa ismequin nëish iua cuessunneshun pichicaquidon chuiquido yec Moisesën chiampid tantiamequido yec quec chochopanëdash.

Ducas 4:14

Adashic Nuquin Papan Mayanën nadatiambocquin tantiamiaidquio yec nidaid Cadidea yacno Esus chopanëdash. Adec chouacsho issun: Nuquin Papan Mayan Bëdan tantiamiaidquio nec, quequin abi isquidon chiac dadpenshun tantiapanëdash.

Ducas 5:17

Adashic uëshë utsimbi Esusën Nuquin Papan chiaid chuibannuc padiseobobëdi Moisesën chiampid tantiamequid dadpen ambo tabadpanëdash. Aido utsi utsiec nidaid Cadidea yacnouësh chochoquido icnubi utsi utsiec nidaid Udea yacnouësh chochoquid icnubi utsi utsiec shubu dadpen icquid Edusaden yacnouësh chochopanëdash. Adec chochoash tabadnubien Nuquin Papan nadatiambocquin naquid icmiac matses daicsaidobëta nënquido bëdanmequid Esus icpanëdash.

Ducas 6:17

Adashic macuësh yacnouësh abëd 12ted icquidobëd Esus nidaid pada padambo yacno budpanëdash. Adshun isaquien abi tsibanquidobëd utsibo dadpen tabadsho isash Esus nidtuidpanëdash. Aido nëidtedi yacnouësh chochoquido icpanëdash. Nëidic nidaid cuëshë Udea yacnocquido. Nëidic shubu dadpen icquid Edusaden yacnocquido. Nëidic acte dapa cuëman shubu dadpen icquid Tido caidbëd Sidon yacnocquido.

Ducas 6:6

Adashic chonoadtemaid uëshë utsin Nuquin Papan Chiaid chuibante shubun puduedshun Esusën chuibannubien ambobi mëdante abiucquio mëicsaid dada tsadpanëdash.

Ducas 7:21

Aden chiaquien nënquidobëta dada daicsaido bëdanmequinc, podobitsi icsa dapuduedaid dapuduenmequinc, bëshuaid bëdanmequinc caquin Esusën ismebampanëdash.

Ducas 7:22

Aden nabanquin nainashic: Mibi chuitan, caquid yacno nidshun umbi chuisho mimbi tantiabuedbëta umbi nabansho mimbi isbued Uan chiec nid. Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Ducas 8:1

Adshumbic Esusën shubu daëdpactsëcquidbëd shubu dadpen icquid yacno yacnombuec capucuennequin: Nuquin Papan namiacno tabadte iquec, quequin Chiaid Bëda chuibennepanëdash. Aden chuibennec capunuc abëd icquido 12ted adecbidi Esusbëd nidpanëdash.

Ducas 9:11

Adec nidsho issun chochoquidon tsibanampanëdash. Adsho issun Esusën: Nuquin Papan namiacno tabadte iquec, quequin chuibanquimbi daicsaidobëtabi nënquido bëdanmepanëdash.

Ducas 9:60

Adoaquien Esusën: Uënësacbimbuec icquidon ma uënësaid chococanu. Mimbimbo: Nuquin Papan namiacno tabadte iquec, quequin tantiamequin chuibenneta, capanëdash.

Uanën dada uaid 18:20

Adoaquien Esusën: ¿Ompodshondambi chuibandio? Nuquin Papa tabadte shubu dapa tsicatequin daquënë uaidën puduedshun nuquin matses isadaidbo iccuededacnoshon mambi chuibandedneboc. Nuquin Papan Chiaid chuibante shubun shubunquiec puduedcuennequin mambi ompodenquio icquin chuibenneboc.

Uanën dada uaid 6:59

Aden Esusën Nuquin Papan Chiaid chuibante shubu yacnoshon shubu dadpen icquid Capednaun caid yacnoshon chuibampondash.

Uanën dada uaid 7:1

Abi tsibanquido dadpenshun nianac nidaid cuëshë Cadidea yacnouidtsëqui iuec Esus capucuennepondash. Nidaid Udea yacnocquid cun matses isadaidbon chuiquidon ubi cuessunemete bunec, quiash Udea yacno nidenquio icpondash.

Hechos 10:38

Ma abëd tabadnu, queshun Nuquin Papan aton Mayan Bëda meniac nadatiambocquin Esusën nabampondash. Shubu daëdpactsëcquid Nasaded yacnouësh caniquid yec capuquin bëdambuen nabanquin Mayan Icsa Satanasën mëyanaido icsho Esusën bëdanmebampondash. Aden Nuquin Papabëd icquin aidën nabanaid chuisho mimbi tantiapanëdac.

Hechos 18:4

Ambo tabadec chonoadtemaid uëshën uëshënquiec Nuquin Papan Chiaid isadaidbon chuibante shubuno nidshun: Esus Nuquin Papan Madombo nec, quequin isadaidbobëta isadaidpembo tantiamenuen Pabadon chuibampanëdash.

Hechos 20:25

Nëshunquio: Nuquin Papan namiacno tabadte iquec, quequin chiaid umbi chuibansho tantiabenondaidon ubi nëuëshquio nidacsho mibitedishun padpiden ubi isuainquio iquendac, quequin tantiembi.

Hechos 28:31

Utsibon: Aid chuibanenda, cadtiapimbo icquin dacuëdenquio icquin: Nuquin Papan namiacno tabadte iquec, quequin chuibampondash. Adembidi Nuquin Icbo Esuquidistu tantiamenuen Pabadon chuibampondash. Aidtedi Esusën: Ubi chuibenneta, caidon naid chuibanquin dada uaombi, Teopido.

Doma 10:15

¿Mitsipaden: Chuibenneta, cacmaidëmbi Esusën naid chuibennepec? Naden chuiquin Nuquin Papan dada uamepampid iquec: Nuquin Papan matses bëdambuen iste iquec, quequin Chiaid Bëda chuibennequid chosho isash cuishonquendac, quequin chuipampic.