Mateo 4:12 - El Nuevo Testamento en matsés

¹² Adashic: Mibi acten mentondaid Uan bedmeshun quënën tsadunmiac caosh, quesho tantiash aton nidaid Cadidea yacno Esus nidpanëdash.

Mateo 4:12 Iomraidhean Croise

Mateo 11:2

Adnubien Uan acten mentoanquid quënën tsadunmiac tsadquimbi Esusën nabanaid chuisho tantiapanëdash. Adshun abëd icquido chuiquin: Esus chuitan, quequin nidmiac chochoshon Uambëd icquidon naden Esus chuituidpanëdash:

Mateo 14:3

Naden Edodes Antipasën Uan cuessunnemepanëdash. Uanën: Mimbi bedaid Edodias min chidopenquio nec. Min utsi Uedipon chidobi bedquin Nuquin Papan Chiaid niacquin mimbi icsambuen nac, quequin chiac chieshënquin Edodesën Uan bedmeshun quënën tsadunmepanëdash.

Madcos 1:14

Adnubien isadaidpembon chuiquid tapan acten mentoquid Uan bedmeshun quënën tsadunmepanëdash. Aden Uan quënën tsadunmiambien Esus nidaid Cadidea caid yacno nidpanëdash. Adshumbic tauaquin Nuquin Papan Chiaid Bëda chiec: Nuquin Papan namiacno tabadte nëbi iquec, quequin Esusën chuibampanëdash.

Madcos 6:17

Ënden aidëmbi Uan bedmeshun shocosh bucu nacnenaidën tanemeshun quënën tsadunmepanëdash. Aidëmbi aton utsi Uedipon chido Edodias bedacsho issun Uanën:

Ducas 23:5

Adoaquien: Aidën chuibanac nëbi nidaid cuëshë Cadidea yacnocquido nëishash cumapenec cuëdcuededosh. Amboshon chuibanshumbic nëid nidaid cuëshë Udea yacno choshon adombuembidi chuibanuaposh, quepanëdash isadaidbon chuiquido Pidato chiec.

Ducas 3:20

Aden ambi icsambuen naid chuibansho tantiashun padpiden udictsëcquio icsambuen naquin Edodes Antipasën Uan acten mentoanquid bedmeshun quënën tsadunmepanëdash.

Ducas 4:14

Adashic Nuquin Papan Mayanën nadatiambocquin tantiamiaidquio yec nidaid Cadidea yacno Esus chopanëdash. Adec chouacsho issun: Nuquin Papan Mayan Bëdan tantiamiaidquio nec, quequin abi isquidon chiac dadpenshun tantiapanëdash.

Ducas 4:31

Adashic nidaid cuëshë Cadidea yacno nidec shubu dadpen icquid Capednaun yacno Esus chopanëdash. Ambo choshon chonoadtemaid uëshën uëshënquien Nuquin Papan Chiaid chuibante shubun puduedshun chuibampanëdash.

Uanën dada uaid 1:43

Badiadash: Nidaid cuëshë Cadidea caid yacno nidnu, quianec Esus nidpondash. Adec nidquimbi Uedipe istuidshun: Nuquibi icnu. Cho, capondash.

Uanën dada uaid 2:11

Nuquin Papan Chomiaid yec nadatiambocquin nabanquidquio nebi, quequin aden Esusën tauaquin ismepondash. Aden nidaid cuëshë Cadidea caid yacnocquid shubu dadpen icquid Cana caid yacnoshonquio tauaquin ismebempondash. Adosho issun: Cun matsesën chiampid Nuquin Papan Chomiaidquio nec, quequin abëd icquidobëtan tantiabededpondambi.

Uanën dada uaid 3:24

Chieshënquin quënën tsadunmiabi yac Uanën adopanëdash.

Uanën dada uaid 4:43

Abentsec ushanec Samadia yacnouësh puduanec nidec nidaid Cadidea yacno Esus nidpondash.

Uanën dada uaid 4:54

Adec Udea yacnouësh choash nidaid Cadidea yacnobidi tabadquin ambi actembobi uba ënë actequid yanmequin ismequin tauaondacnoshombidi bëdanmequintsen Esusën ismepondash.